ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍ

- Untitled design - ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍ
  1. - 032104 300x212 - ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍຍິ່ງເວົ້າໜ້ອຍຍິ່ງປ່ອຍຄວາມລັບໜ້ອຍ : ຕ້ອງຍອມຮັບວ່າທຸກມື້ນີ້ແມ່ຍິງເຮົານັ້ນມີຄວາມຮອບຮູ້ໃນຫລາຍໆດ້ານ ແລະ ເລື່ອງບາງເລື່ອງພວກນາງກໍຮູ້ດີຫລາຍກ່ວາຜູ້ຊາຍ ແລ້ວຖ້າທ່ານເວົ້າຫລາຍຈົນປ່ອຍຄວາມລັບຫລື ສະແດງຄວາມໂງ່ອອກມາ ຄະແນນຂອງທ່ານກໍຈະຫລຸດລົງທັນທີ.
  2. ຍິ່ງເວົ້າໜ້ອຍຍິ່ງໜ້າເຊື່ອຖື: ທ່ານລອງສັງເກດເບິ່ງຢູ່ບ່ອນເຮັດວຽກຂອງທ່ານກໍໄດ້ ວ່າເພື່ອນຮ່ວມວຽກ ຫລື ຫົວໜ້າຂອງທ່ານຟັງຄວາມຄິດເຫັນຂອງໃຜຫລາຍກ່ວາ ລະຫ່ວາງຄົນທີ່ມີແຕ່ຫລິ້ນນິນທາໄປເລື້ອຍ ກັບຄົນທີ່ມິດງຽບເຄັ່ງຂຶມ ໂດຍທົ່ວໄປແລ້ວຄົນເຮົາມັກຈະເຊື່ອຖືຄົນທີ່ເວົ້າສະເພາະເວລາຈຳເປັນຫລາຍກ່ວາ.
  3. ຍິ່ງເວົ້າໜ້ອຍຍິ່ງເບິ່ງເລິກລັບ : ຄວາມເລິກລັບນີ້ີເຮັດໃຫ້ທ່ານຍິ່ງເບິ່ງເປັນຄົນທີ່ໜ້າຄົ້ນຫາ ຍິ່ງເຮັດໃຫ້ຄົນອື່ນຢາກເຂົ້າຫາ ແລະ ເຮັດຄວາມຮູ້ຈັກໂຕຕົນທີ່ແທ້ຈິງຂອງທ່ານໃຫ້ຫລາຍຂຶ້ນ.
  4. ຍິ່ງເວົ້າໜ້ອຍຍິ່ງມີພະລັງ : ແມ່ຍິງທົ່ວໄປຈະຮູ້ສຶກວ່າຜູ້ຊາຍທີ່ເວົ້າຫລາຍເກີນຄວາມຈຳເປັນເວລາທີ່ມາລົມພວກນາງນັ້ນ ເປັນຄົນທີ່ບໍ່ມີຄວາມໝັ້ນໃຈ ແລະ ເກີດຄວາມຮູ້ສຶກຢ້ານຈົນຕ້ອງເວົ້າໃຫ້ຫລາຍໆ. ສະນັ້ນ, ຈົ່ງໃຊ້ຄວາມເຄັ່ງຂຶມສຸຂຸມຂອງທ່ານໃຫ້ເກີດປະໂຫຍດ ເຊິ່ງມັນສາມາດບົ່ງບອກແທນຄຳເວົ້າໄດ້ວ່າທ່ານບໍ່ແມ່ນຄົນຂີ້ຢ້ານ ແລະ ກໍບໍ່ແມ່ນຄົນບໍ່ມີຄວາມໝັ້ນໃຈໃນໂຕເອງ.
  5. ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍ : ແມ່ຍິງສ່ວນຫລາຍອົດທົນຄວາມເຄັ່ງຄຽດອັນເກີດຈາກບັນຍາກາດມິດງຽບບໍ່ໄດ້ດົນດອກ ດັ່ງນັ້ນ, ຍິ່ງທ່ານເວົ້າໜ້ອຍເວລາຢູ່ກັບເຂົາ ເຂົາກໍຍິ່ງເປີດເຜີຍຂໍ້ມູນກ່ຽວກັບຕົນເອງໃຫ້ທ່ານຟັງ ແລະ ເກັບໄວ້ເປັນຂ້ໍມູນໄດ້ຫລາຍເທົ່ານັ້ນ ເຮັດໃຫ້ທ່ານສາມາດວິເຄາະເຂົາໄດ້ງ່າຍຂຶ້ນ.
  6. ຍິ່ງເວົ້າໜ້ອຍຍິ່ງຕ້ອງແກ້ໂຕໜ້ອຍ : ບໍ່ມີໃຜເວົ້າຄວາມຈິງໄດ້ຕະຫລອດເວລາດອກ ດັ່ງນັ້ນ ຍິ່ງທ່ານເວົ້າໜ້ອຍເທົ່າໃດ ທ່ານກໍບໍ່ຕ້ອງມານັ່ງກັງວົນວ່າຈະຕ້ອງຕົວະ ຫລື ເຄີຍຕົວະຫຍັງໄປແລ້ວແດ່ ເພາະຫາກຈື່ບໍ່ໄດ້ຂຶ້ນມາ ຈະເກີດບັນຫາຫຍຸ້ງຍາກຂຶ້ນກໍມີ.

ທ່ານໃດມັກເວົ້າຫລາຍ ເວົ້າຢູ່ຄົນດຽວຈົນລືມຟັງຄົນອື່ນນຳ ລະວັງໃນມື້ໜຶ່ງຂ້າງໜ້າອາດຈະບໍ່ມີໃຜຢາກເວົ້າກັບທ່ານ.

- Wave100S AD to Website 2020 0 - ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍ
- WhatsApp Image 2020 05 27 at 5 - ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍ
- WhatsApp Image 2020 05 27 at 5 - ຍິ່ງເວົ້າໜ້ອຍຍິ່ງໄດ້ຂໍ້ມູນຫລາຍ
error: Alert: ເນື້ອຫາຂ່າວມີລິຂະສິດ !!