ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI

ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI - Untitled design - ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI

ກະຊວງອຸດສາຫະກຳ ແລະ ການຄ້າ ຮ່ວມກັບ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຈັດກອງປະຊຸມຄະນະກຳມະການຊີ້ນຳກອງປະຊຸມທຸລະກິດລາວ ທີ່ ນະຄອນຫຼວງວຽງຈັນ ເພື່ອລາຍງານສະພາບລວມ ແລະ ຄວາມຄືບໜ້າໃນການແກ້ໄຂບັນຫາຂອງກອງປະຊຸມທຸລະກິດລາວ ແລະ ບັນຫາໃນການດຳເນີນທຸລະກິດ. ນອກຈາກນັ້ນ, ຍັງໄດ້ສະເໜີຮ່າງວາລະກອງປະຊຸມທຸລະກິດລາວ ຄັ້ງທີ່ XI ຄາດວ່າຈະຈັດຂຶ້ນໃນກາງເດືອນ ພຶດສະພາ 2018.

ເມື່ອ​ບໍ່ດົນ​ມານີ້, ກະຊວງອຸດສາຫະກຳ ແລະ ການຄ້າ ຮ່ວມກັບ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຈັດກອງປະຊຸມຄະນະກຳມະການຊີ້ນຳກອງປະຊຸມທຸລະກິດລາວ ທີ່ໂຮງແຮມ ດອນຈັນ ພາເລດ, ນະຄອນຫຼວງວຽງຈັນ. ໂດຍການເປັນປະທານຂອງ ທ່ານ ນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກຳ ແລະ ການຄ້າ ແລະ ທ່ານ ອຸເດດ ສຸວັນນະວົງ, ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ຊຶ່ງມີຜູ້ເຂົ້າຮ່ວມຈຳນວນ 100 ກວ່າທ່ານ ທີ່ເປັນຕົວແທນຈາກພາກລັດຖະບານ ແລະ ເອກະຊົນ ທັງພາຍໃນ ແລະ ຕ່າງປະເທດ. ເພື່ອລາຍງານສະພາບ ແລະ ຄວາມຄືບໜ້າໃນການແກ້ໄຂບັນຫາຂອງກອງປະຊຸມທຸລະກິດລາວ ແລະ ບັນຫາໃນການດຳເນີນທຸລະກິດ ໃນການປັບປຸງສະພາບແວດລ້ອມທາງດ້ານທຸລະກິດ ຂອງ ສປປ ລາວ ໃຫ້ດີຂຶ້ນກ່ວາເກົ່າ. ນອກຈາກນັ້ນ, ຍັງໄດ້ນຳສະເໜີຮ່າງວາລະກອງປະຊຸມທຸລະກິດລາວ ຄັ້ງທີ່ XI ຄາດວ່າຈະຈັດຂຶ້ນໃນກາງເດືອນ ພຶດສະພາ 2018.

ທ່ານ ນາງ ເຂັມມະນີ ພົນເສນາ ກ່າວວ່າ “ກອງປະຊຸມທຸລະກິດລາວເປັນເວທີສຳຄັນສຳລັບການປຶກສາຫາລືລະຫວ່າງພາກລັດ ແລະ ພາກທຸລະກິດ ເພື່ອປັບປຸງສະພາບແວດລ້ອມທີ່ເອື້ອອຳນວຍໃຫ້ການດຳເນີນທຸລະກິດ ແນໃສ່ສົ່ງເສີມການຂະຫຍາຍຕົວຂອງພາກທຸລະກິດ, ຍົກຂີດຄວາມສາມາດໃນການແຂ່ງຂັນຂອງທຸລະກິດພາຍໃນ ແລະ ສາກົນ ແລະ ເພີ່ມທະວີການປະກອບສ່ວນຂອງພາກທຸລະກິດເຂົ້່າໃນການບັນລຸເປົ້າໝາຍການພັດທະນາທີ່ກຳນົດໃນແຜນພັດທະນາເສດຖະກິດສັງຄົມ ຄັ້ງທີ່ VIII”.

ທ່ານ ດາວ​ວອນ ພະຈັນ​ທະ​ວົງ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ​ໃຫ້​ຮູ້​ວ່າ: ​ເພື່ອເຮັດໜ້າທີ່ເປັນຂົວຕໍ່ປະສານສົມທົບກັບພາກລັດ ແລະ ເກັບກຳລວບລວມເອົາບັນຫາການດຳເນີນທຸລະກິດ ເພື່ອປັບປຸງສະພາບແວດລ້ອມການດຳເນີນທຸລະກິດໃນ ສປປ ລາວ. ສະພາ​ການ​ຄ້າ ​ແລະ ອຸດສາຫະກໍາ​ແຫ່ງ​ຊາດ​ລາວ, ຍັງມີບົດບາດໃນການຜັນຂະ ຫຍາຍແຈ້ງການຕ່າງໆຂອງພາກລັດໃຫ້ແກ່ສະມາຊິກ ພ້ອມທັງ ລວບລວມຄຳເຫັນຂອງພາກທຸລະກິດເຂົ້້າໃນການປັບປຸງຮ່າງກົດໝາຍຕ່າງໆຂອງພາກລັດ.

ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI - Wave100S AD to Website 2020 0 - ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI

​ໂດຍກຸ່ມບັນຫາທີ່ຈະຖືກຍົກຂື້ນຕໍ່ກັບກອງປະຊຸມທຸລະກິດລາວ ຄັ້ງທີ່ XI ລວມມີ 3 ບັນຫາຫຼັກ ຄື: 1) ບັນຫາອາກອນສຳລັບທຸລະກິດ; 2) ບັນຫາຕົ້ນທຶນຄ່າຂົນສົ່ງ ຂອງ ສປປ ລາວ ແລະ 3) ບັນຫາທີ່ເປັນອຸປະສັກຕໍ່ການພັດທະນາດ້ານຂະແໜງການທ່ອງທ່ຽວ. ໃນໄລຍະຜ່ານມາ, ໄດ້ມີການແກ້ໄຂບາງບັນຫາທີ່ພາກທຸລະກິດສະເໜີມາໃນກອງປະຊຸມຄັ້ງທີ່ X ເປັນຕົ້ນແມ່ນ 1) ບັນຫາອາກອນມູນຄ່າເພີ່ມສຳລັບການບໍລິການທະນາຄານ ແລະ ການບໍລິການຂົນສົ່ງຂ້າມແດນ; 2) ບັນຫາຕົ້ນທຶນໃນການຂົນສົ່ງສິນຄ້າ; 3) ການສົ່ງອອກໄມ້ປູກ ແລະ ຂັ້ນຕອນການສົ່ງອອກໄມ້; 4) ການເຂົ້້າເຖິງຂໍ້ມູນຕົວເລກນຳເຂົ້າ ແລະ ສົ່ງອອກ; 5) ການຂໍຈົດທະບຽນວິສາຫະກິດ ແລະ ຂໍອະນຸຍາດດຳເນີນທຸລະກິດ; 6) ການເຂົ້້າຫາແຫຼ່ງທຶນຂອງວິສາຫະກິດຂະໜາດນ້ອຍ ແລະ ຂະໜາດກາງ.

ທ່ານ ລັດຖະມົນຕີ ກ່າວ​ວ່າ: ກອງປະຊຸມໃນຄັ້ງນີ້, ໂດຍສະແດງຄວາມຂອບໃຈມາຍັງບັນດາຜູ້ຕາງໜ້າຈາກພາກສ່ວນທີ່ກ່ຽວຂ້ອງທີ່ເຂົ້າມາຮ່ວມກອງປະຊຸມ ແລະ ທຸກບັນຫາທີ່ພາກທຸລະກິດສະເໜີເຂົ້າມາ ໃນນາມພາກລັດຈະນຳເອົາໄປຄົ້ນຄວ້າພິຈາລະນາແກ້ໄຂຕາມຄວາມເໝາະສົມໃນກອງປະຊຸມຄັ້ງທີ່ XI ທີ່ຈະມາເຖິງນີ້.

ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI - WhatsApp Image 2020 05 27 at 5 - ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI
ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI - WhatsApp Image 2020 05 27 at 5 - ພາກ​ລັດ ​ແລະ ພາກ​ທຸລະ​ກິດ​ຮ່ວມ​ຫາລື​ເພື່ອ​ກະກຽມກອງ​ປະຊຸມ​ທຸລະ​ກິດ​ລາວ​ຄັ້ງ​ທີ XI
error: Alert: ເນື້ອຫາຂ່າວມີລິຂະສິດ !!