ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ

ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ - Industry trading 1 - ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ
ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ - Untitled design - ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ

ການພົບປະແລກປ່ຽນບົດຮຽນ ລະຫວ່າງພະແນກອຸດສາຫະກຳ ແລະ ການຄ້າແຂວງຄຳມ່ວນ ສປປ ລາວ ກັບແຂວງກວາງບິ່ງ ສສ ຫວຽດນາມ ເພື່ອລາຍງານຜົນການຈັດຕັ້ງປະຕິບັດວຽກງານການອຳນວຍຄວາມສະດວກທາງດ້ານການຄ້າ, ວຽກງານການຮ່ວມມືການຄ້າຊາຍແດນ, ງານຕະຫຼາດນັດ, ງານວາງສະແດງສິນຄ້າ ພ້ອມທັງແຈ້ງສະພາບການຄ້າພາຍໃນແຂວງຂອງ​ຕົນໃຫ້ກັນຮັບຊາບ ເພື່ອແລກປ່ຽນຄຳຄິດຄຳເຫັນ ​ແລະ ປະສົບ​ການ​ຕ່າງໆ​ລະຫວ່າງ​ສອງ​ຝ່າຍ ກ່ຽວກັບກົນໄກການປະສານງານ ແລະ ພາກປະຕິບັດຕົວຈິງ ເພື່ອຄວາມເປັນເອກະພາບໃນການຈັດຕັ້ງປະຕິບັດວຽກງານອຳນວຍຄວາມສະດວກທາງດ້ານການຄ້າຂອງທັງສອງແຂວງ ແລະ ຊອກຫາແນວທາງການແກ້ໄຂບັນຫາໃຫ້ຖືກຕ້ອງ ແລະ ທັນເວລາ ໂດຍສະເພາະວຽກງານການຄ້າຊາຍແດນ​ໃຫ້ມີປະສິດທິພາບສູງ​ຂຶ້ນ ແລະ ການແກ້ໄຂບັນຫາຂອງພາກທຸລະກິດໃຫ້ໄດ້ຮັບໝາກຜົນ.

ຜ່ານການປຶກສາຫາລື ສອງຝ່າຍຍັງໄດ້ລົງນາມເຊັນບົດບັນທຶກຮ່ວມກັນຄື: ການຮ່ວມມືຜັນຂະຫຍາຍສັນຍາການຄ້າຊາຍແດນຂອງສອງປະເທດ, ຊຸກຍູ້ການຄ້າ, ການລົງທຶນ ແລະ ການທ່ອງທ່ຽວ, ສ້າງຕັ້ງສະພາອຸດສາຫະກຳ-ການຄ້າຮ່ວມກັນ ​​ແນ​ໃສ່ເສີມຂະຫຍາຍ ແລະ ພັດທະນາອຸດສາຫະກຳ-ການຄ້າຊາຍແດນ ລາວ-ຫວຽດນາມ ແລະ ສ້າງເງື່ອນໄຂອຳນວຍ ຄວາມສະດວກໃຫ້ບັນດາຫົວໜ່ວຍທຸລະກິດ, ກຸ່ມເສດຖະກິດ, ບຸກຄົນຂອງແຕ່ລະແຂວງ ເພື່ອມາຊອກຮູ້ຕະຫຼາດ, ຮ່ວມມືລົງທຶນເສີມຂະຫຍາຍອຸດສາຫະກຳ-ການຄ້າ, ການປຸງແຕ່ງໄມ້, ແຮ່ທາດ, ອຸດສາຫະກຳຕັດ ຫຍິບ, ບັນດາຮ້ານຂາຍສິນຄ້າຈາກການປະມົງ, ຜະລິດຕະພັນສິນຄ້າອຸດສາຫະກຳໃນພື້ນທີ່ຂອງສອງແຂວງຕາມນະໂຍບາຍລວມຂອງສອງປະເທດ, ເພີ່ມທະວີປະສານສົມທົບກັບບັນດາກຳລັງຕຳຫຼວດ, ທະຫານຊາຍແດນ, ພາສີ, ຄະນະກຳມະການຄຸ້ມຄອງເຂດເສດຖະກິດດ່ານ ໃນການແກ້ໄຂບັນດາເອກະສານດ້ານບໍລິຫານ ເພື່ອສ້າງເງື່ອນໄຂໃຫ້ບັນດາຫົວໜ່ວຍທຸລະກິດຂອງສອງແຂວງ​ມີ​ຄວາມ​ສະດວກໃນການແລກປ່ຽນສິນຄ້າ, ການນຳເຂົ້າ-ສົ່ງອອກ ແລະ ກະຕຸກຊຸກຍູ້ການເຄື່ອນໄຫວການຄ້າຊາຍແດນ, ສະກັດກັ້ນການຄ້າຂາຍເຖື່ອນ, ສິນຄ້າປອມແປງ ແລະ ບັນຫາຢາເສບຕິດ, ທາດມຶນເມົາ ແລະ ສິນຄ້າຕ້ອງຫ້າມທຸກປະເພດຜ່ານເຂດຊາຍແດນ.

ການພົບປະລະຫວ່າງສອງຄະນະດັ່ງກ່າວໄດ້ມີຂຶ້ນໃນວັນທີ 20 ເມສາ 2018 ທີ່ພະແນກອຸດສາຫະກຳ ແລະ ການຄ້າແຂວງຄຳມ່ວນ ໂດຍມີທ່ານ ທອງໄຊ ມັງໜໍ່ເມກ ຫົວໜ້າພະແນກອຸດສາຫະກຳ ແລະ ການຄ້າແຂວງຄຳມ່ວນ ​ແລະ ທ່ານ ຟານ ວັນ ເທື່ອງ ຫົວໜ້າພະແນກອຸດສາຫະກຳ ແລະ ການຄ້າແຂວງກວາງບິ່ງ, ພ້ອມດ້ວຍຄະນະວິຊາການທັງພາກລັດ ແລະ ພາກທຸລະກິດທັງສອງຝ່າຍເຂົ້າຮ່ວມນໍາ​ດ້ວຍ.

ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ - Wave100S AD to Website 2020 0 - ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ
ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ - WhatsApp Image 2020 05 27 at 5 - ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ
ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ - WhatsApp Image 2020 05 27 at 5 - ອຸດສາຫະກຳ ແລະ ການຄ້າ ຄຳມ່ວນ-ກວາງບິ່ງ ແລກປ່ຽນບົດຮຽນດ້ານການຄ້າ-ການລົງທຶນ
error: Alert: ເນື້ອຫາຂ່າວມີລິຂະສິດ !!