ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ

ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ - resourche 1 - ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ
ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ - Untitled design - ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ

ວັນ​ກຳມະກອນ​ປີ​ນີ້ ສູນ​ກາງ​ສະຫະ​ພັນ​ກຳມະບານ​ລາວ ຈະ​ຈັດ​ໃຫ້​ມີ​ຫລາຍ​ກິດຈະກຳ​ທີ່ໜ້າ ສົນ​ໃຈ ​ເພື່ອ​ສະ​ເຫລີ​ມສະຫລອງ​ວັນ​ດັ່ງກ່າວ, ​ເປັນ​ຕົ້ນ​ແມ່ນ ກິດຈະກຳຍ່າງເພື່ອສຸຂະພາບ ຢູ່ປະຕູໄຊ ຫາຫໍຄຳ ​ເຊິ່ງຈະໄດ້ຈັດຂຶ້ນໃນວັນທີ 1 ພຶດສະພາ 2018, ສ້າງຂະບວນການອອກແຮງງານ ແລະ ອະນາ ໄມຕາມສຳນັກງານອົງການອ້ອມຂ້າງ ແລະ ສວນສາທາລະນະອື່ນໆ, ສ້າງຂະບວນການແຂ່ງຂັນກິ ລາເປຕັງຢູ່ ພາຍໃນສູນກາງສະຫະພັນກຳມະບານລາວ.

ທ່ານ ສີມູນ ອຸ່ນລາສີ ຮອງ ເລຂາຄະນະພັກ ຮອງປະທານ ສູນກາງສະຫະພັນກຳມະບານ ລາວ ໄດ້ຖະແຫລງຕໍ່ສື່ມວນຊົນ ​ໃນວັນທີ 23 ເມສາ ນີ້ ກ່ຽວກັບການຈັດກິດຈະກໍາ ສະເຫລີມສະຫລອງ ວັນກຳມະກອນສາກົນ ຄົບຮອບ 132 ປີ (1/5/1886-1/5/2018) ​ໂດຍ​ໃຫ້​ຮູ້ວ່າ: ວັນກຳມະ ກອນສາກົນ ແມ່ນວັນທີ່ມີຄວາມໝາຍສຳຄັນຕໍ່ກຳມະກອນ ແລະ ຊາວຜູ້ອອກແຮງງານໃນທົ່ວໂລກ, ສ່ອງ ແສງໃຫ້ເຫັນການກຳເນີດ ເຕີບໃຫຍ່ຂະຫຍາຍຕົວຂອງຊົນຊັ້ນກຳມະກອນ ແລະ ພາລະກຳປະຫວັດສາດ ຂອງຂະບວນກຳມະກອນສາກົນ, ຈາກເຫດການຂອງວັນທີ 1 ພຶດສະພາ 1886 ມັນໄດ້ສ້າງກະແສຟອງ ອັນໃຫຍ່ຫລວງ ແລະ ແຂງແຮງເຖິງຂະບວນກຳມະກອນຢູ່ທະວີບເອີຣົບ ແລະ ທະວີບອາເມຣິກາ ເປັນກຳລັງໃຈ ເຮັດໃຫ້ຂະບວນການຕໍ່ສູ້ຂອງກຳມະກອນໂລກ ທັງເປັນບາດ ກ້າວຂະຫຍາຍຕົວແຫ່ງ ໄຊຊະນະ, ເປັນເວທີທີ່ມີຄວາມໝາຍອັນສຳຄັນໃຫຍ່ຫລວງ ຂອງຊົນຊັ້ນກຳມະກອນໃນຂະບວນການຕໍ່ສູ້ ເພື່ອປົກປ້ອງສິດທິ ແລະ ຜົນປະໂຫຍດອັນຊອບທຳຂອງຕົນ.

ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ - Wave100S AD to Website 2020 0 - ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ

ທ່ານ ສີມູນ ອຸ່ນລາສີ ​ຖະແຫລງວ່າ: ການສະເຫລີມສະຫລອງ ວັນກຳມະກອນສາກົນປີນີ້, ສູນກາງສະຫະພັນ ກຳມະບານລາວ ໄດ້ແຈ້ງການ ໃຫ້ສະຫະກຳມະບານກະຊວງ, ອົງ ການ, ນະຄອນຫລວງ ແລະ ແຂວງຕ່າງໆ ໃນທົ່ວປະເທດ ຈັດຕັ້ງການສະເຫລີມສະຫລອງດ້ວຍຫລາຍຮູບ ການ ເຊັ່ນ: ຈັດປາຖະກະຖາເລົ່າຄືນມູນເຊື້ອວັນກຳມະກອນສາກົນ, ຈັດຂະບວນການແຂ່ງຂັນກິລາ, ສິລະປະວັນນະຄະດີ, ອະນາໄມ ຕາມສຳນັກງານອົງການ, ສະຖານທີ່ເຮັດວຽກ, ຖະໜົນຫົນທາງ ແລະ ອື່ນໆ ຕາມເງື່ອນໄຂ ແລະ ຄວາມສາມາດຕົວຈິງຂອງແຕ່ລະທ້ອງຖິ່ນ ແລະ ຮາກຖານ, ພ້ອມທັງຮຽກຮ້ອງໃຫ້ອົງການຈັດຕັ້ງກຳມະບານ ແຕ່ລະຂັ້ນພ້ອມທັງກຳມະກອນ ແລະ ຊາວຜູ້ອອກແຮງງານທັງ ຫລາຍ ຈົ່ງພ້ອມກັນສູ້ຊົນ ແລະ ຫ້າວຫັນປະຕິບັດໜ້າທີ່ວຽກງານຂອງຕົນ ທີ່ການຈັດຕັ້ງ ມອບໝາຍ ໃຫ້ສຳເລັດຜົນ, ສຸມໃສ່ສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກກຳມະບານ, ກຳມະກອນ, ຊາວຜູ້ອອກແຮງງານ ໃຫ້ມີຄວາມເຊື່ອໝັ້ນຕໍ່ການນຳພາຂອງພັກ, ສືບຕໍ່ປັບປຸງ, ຂະຫຍາຍການຈັດຕັ້ງ ແລະ ສະມາຊິກກຳມະບານ, ໂດຍສະເພາະ ແມ່ນຢູ່ຂົງເຂດລັດວິສາຫະກິດ, ຫົວໜ່ວຍທຸລະກິດ ຂອງ ເອກະຊົນ ໃຫ້ໄດ້ຕາມແຜນພັດທະນາວຽກງານກຳມະບານລາວ ໃຫ້ບັນລຸຜົນສຳເລັດ, ສຸມໃສ່ໃນການລົງ ເຜີຍແຜ່ກົດໝາຍວ່າດ້ວຍກຳມະບານລາວ ສະບັບປັບປຸງໃຫ້ທົ່ວເຖິງ ເພື່ອເຮັດໃຫ້ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານໄດ້ຮັບຮູ້ ແລະ ເຂົ້າໃຈ, ຊຸກຍູ້ໃຫ້ກຳມະບານ ກະຊວງ, ອົງການ, ແລະ ຮາກຖານຕ່າງໆອ້ອມຂ້າງຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ຕິດພັນ ກັບຂະບວນການແຂ່ງຂັນຮັກຊາດ ແລະ ພັດທະນາ ໃຫ້ມີບັນຍາກາດຟົດຟື້ນ ແລະ ເພີ່ມ ທະວີການພົວ ພັນຮ່ວມມືກັບ ກຳມະບານບັນດາປະເທດເພື່ອນມິດຍຸດທະສາດ, ກຳມະບານສາກົນ, ກຳມະບານອາຊຽນ ແລະ ອົງການຈັດຕັ້ງສາກົນ ເພື່ອສອດຄ່ອງກັບແນວທາງການຕ່າງປະເທດຂອງພັກ ເພື່ອປະກອບສ່ວນ ເຂົ້າໃນຂະບວນການຂ່ຳນັບຮັບຕ້ອນ ວັນກຳມະກອນສາກົນ ຄົບຮອບ 132 ປີ ໃນປີນີ້ໃຫ້ມີ ຄວາມໝາຍເລິກເຊິ່ງ ແລະ ກວ້າງຂວາງ.

ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ - WhatsApp Image 2020 05 27 at 5 - ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ
ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ - WhatsApp Image 2020 05 27 at 5 - ວັນ​ກຳມະກອນ​ປີ​ນີ້​ ຈະ​ມີ​ຫລາຍ​ກິດຈະກຳ​ ທີ່ໜ້າສົນ​ໃຈ
error: Alert: ເນື້ອຫາຂ່າວມີລິຂະສິດ !!