ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ - Untitled design - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ

​ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ໄດ້ອອກຂໍ້ຕົກລົງເລກທີ 1369/ກຊສ ວ່າດ້ວຍຂໍ້ຫ້າມ ແລະ ວິໄນ ຂອງພະນັກງານ-ລັດຖະກອນຂະແໜງທີ່ດິນ, ເພື່ອແນໃສ່​ຍົກ​ສູງ​ຄວາມ​ຮັບຜິດຊອບ​ຕໍ່ໜ້າ​ທີ່​ການ​ເມືອງ, ຄວາມ​ເປັນ​ແບບຢ່າງ​ນຳພາ, ມີ​ລະບຽບ​ວິ​ໄນ, ຈັນ​ຍາ​ບັນ-ຈັນຍາທຳ ​ແລະ ນ້ຳ​ໃຈ​ຮັບ​ໃຊ້​ຊາດ, ຮັບ​ໃຊ້​ປະຊາຊົນ, ມີ​ຄວາມ​ໂປ່​ງ​ໃສ, ​ເຂັ້ມງວດ​ໃນ​ການ​ປະຕິບັດ​ລະບຽບກົດໝາຍ, ສະກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫລວງ, ພະຍາດ​ອາດຍາ​ສິດ ​ແລະ ປາກົດການ​ຫຍໍ້​ທໍ້​ດ້ານ​ຕ່າງໆ, ຕາມ​ຄຳ​ຂວັນ​ທີ່​ວ່າ: “​ເຮັດ​ໃຫ້​ດີ, ​ເຮັດ​ໃຫ້​ໄວ, ​ເຮັດ​ໃຫ້​ຫລາຍ ​ແລະ ​ເຮັດ​ໃຫ້​ຖືກຕ້ອງ​ຕາມ​ກົດໝາຍ”.

ຂໍ້​ຕົກລົງດັ່ງກ່າວມີເນື້ອໃນວ່າ: ພະນັກງານ-ລັດຖະກອນ​ຂອງ​ຂະ​ແໜງ​ທີ່​ດິນ​ທີ່​ປະຈຳການ​ຢູ່​ຂັ້ນສູນ​ກາງ ​ແລະ ທ້ອງ​ຖິ່ນ​ ນອກຈາກ​ປະຕິບັດ​ຕາມ​ຂໍ້​ຫ້າມ​ທີ່​ກຳນົດ​ໃນ​ກົດໝາຍ ​ແລະ ລະບຽບ​ການ​ອື່ນໆ​ແລ້ວ ຕ້ອງ​ປະຕິບັດ​ຕາມ​ຂໍ້​ຫ້າມ​ທີ່​ຕິດ​ພັນ​ກັບ​ວຽກ​ງານ​ຂະ​ແໜງ​ທີ່​ດິນ​ສະ​ເພາະ​ດັ່ງ​ນີ້: (1) ຫ້າມ​ສວຍ​ໃຊ້​ສິດ​ອຳນາດ, ຕຳ​ແໜ່​ງ, ໜ້າ​ທີ່, ​ເມີຍ​ເສີຍ​ຕໍ່​ການ​ປະຕິບັດ​ໜ້າ​ທີ່, ກົດ​ໜ່ວງ ຫລື ຖ່ວງ​ດຶງ​ການຄົ້ນຄວ້າ​ເອກະສານ, ທວງ​ເອົາ, ຂໍ​ເອົາ ​ແລະ ຮັບ​ສິນ​ບົນ​ຈາກ​ເຈົ້າຂອງ​ສິດ​ໃຊ້ ຫລື ສິດ​ນຳ​ໃຊ້​ທີ່​ດິນ, ​ເຈົ້າຂອງ​ໂຄງການ ​ແລະ ກິດຈະການ​ຕ່າງໆ​ກ່ຽວ​ກັບ​ທີ່​ດິນ. (2) ຫ້າມ​ສົມຮູ້​ຮ່ວມ​ຄິດ​ກັບ​ບຸກຄົນ ຫລື ນິຕິບຸກຄົນ ​ເພື່ອ​ລັກ​ໂລບ ຫລື ສໍ້​ໂກງ, ຈັບຈອງ, ບຸກ​ເບີກ ​ແລະ ຄອບ​ຄອງ​ທີ່​ດິນ​ຂອງ​ລັດ ຫລື ຂອງ​ບຸກຄົນ ​ເພື່ອ​ຜົນ​ປະ​ໂຫຍ​ດສ່ວນ​ຕົວ, ຄອບຄົວ, ຍາດ​ພີ່ນ້ອງ, ຈຸ້ມ​ເຈື້ອ, ພັກ​ພວກ ຫລື ໝູ່​ຄະນະ. (3) ຫ້າມ​ເປັນ​ນາຍ​ໜ້າ​ໃນ​ການ​ແລ່ນ​ເອກະສານ​ທີ່​ດິນ​ໃຫ້​ບຸກຄົນ ​ແລະ ນິຕິບຸກຄົນ. (4) ຫ້າມ​ຍັກ​ຍອກ​ສໍ້​ໂກງ​ເອົາ​ທີ່​ດິນ​ຂອງ​ລັດ, ບຸກຄົນ ​ແລະ ນິຕິບຸກຄົນ. (5) ຫ້າມ​ຍ້າຍ, ປ່ຽນ​ແປງ ຫລື ທຳລາຍ​ຫລັກ​ເຂດ​ແດນ​ທີ່​ດິນ ​ໂດຍ​ເຈົ້າຂອງ​ດິນ​ຂ້າງຄຽງ​ບໍ່​ໄດ້​ເຂົ້າຮ່ວມ ​ເພື່ອ​ຫວັງ​ທຳລາຍ​ຫລັກ​ຖານ. (6) ຫ້າມ​ທຳລາຍ ຫລື ປອມ​ແປງ​ເອກະສານ​ຫລັກ​ຖານ​ຂໍ້​ມູນ ​ເຊັ່ນ: ປອມ​ແປງ​ລາຍ​​ເຊັນ, ຕາ​ປະ​ທັບ, ສຳນວນ​ເອກະສານ​ທີ່​ດິນ ​ແລະ ບັນຊີ​ຂໍ້​ມູນ​ທີ່​ດິນ ທີ່ຢັ້ງຢືນ​ເປັນ​ຫລັກ​ຖານ​ການ​ວັດ​ແທກ​ທີ່​ດິນ, ການ​ຂຶ້ນທະບຽນ​ທີ່​ດິນ, ອອກ​ໃບ​ຕາດິນ, ການ​ຈົດ​ທະບຽນ​ນິຕິ​ກຳ​ກ່ຽວ​ກັບ​ທີ່​ດິນ, ຂໍ້​ມູນ​ກ່ຽວ​ກັບ​ການ​ສຳ​ຫລວດ​ວັດ​ແທກ​ທີ່​ດິນ, ບັນຊີ​ລາຍ​ຮັບ-ລາຍ​ຈ່າຍ​ກ່ຽວ​ກັບ​ທີ່​ດິນ ​ແລະ ອື່ນໆ. (7) ຫ້າມ​ປະຕິບັດ​ໜ້າ​ທີ່​ໂດຍ​ບໍ່​ມີ​ຄວາມ​ຍຸຕິ​ທຳ, ລຳອຽງ, ບໍ່​ຖືກຕ້ອງຕໍ່​ບຸກຄົນ, ນິຕິບຸກຄົນ ​ແລະ ການຈັດຕັ້ງທີ່​ເຄື່ອນ​ໄຫວ​ກ່ຽວ​ກັບ​ວຽກ​ງານ​ທີ່​ດິນ. ສ່ວນພະນັກງານ-ລັດຖະກອນ​ຂອງ​ຂະ​ແໜງ​ທີ່​ດິນ​ຜູ້​ໃດ​ປະຕິບັດ​ໜ້າ​ທີ່​ດ້ວຍ​ຄວາມ​ຮັບຜິດຊອບ, ຖືກຕ້ອງ​ຕາມ​ກົດໝາຍ ​ແລະ ລະບຽບ​ການຕາມ​ເນື້ອ​ໃນ​ຂໍ້​ແຂ່ງຂັນ, ປະຕິບັດ​ບັນດາ​ຂໍ້​ຫ້າມຕາມ​ຂໍ້​ຕົກລົງ​ສະບັບ​ນີ້​ຢ່າງ​ເຂັ້ມງວດ​ຈະ​ໄດ້​ຮັບ​ການ​ຍ້ອງຍໍ ​ແລະ ປະຕິບັດ​ນະ​ໂຍບາຍ​ຕາມ​ລະບຽບ​ການ ແລະ ພະນັກງານ-ລັດຖະກອນ​ຂອງ​ຂະ​ແໜງ​ທີ່​ດິນ​ຫາກ​ມີ​ພຶດຕິ​ກຳ ຫລື ການ​ກະທຳ​ທີ່​ເປັນ​ການລະ​ເມີດລະບຽບ​ກົດ​ໝາຍ ​ແລະ ​ຂໍ້​ຫ້າມ​ຕາມ​ຂໍ້​ຕົກລົງ​ສະບັບ​ນີ້, ​ຈະ​ຖືກ​ປະຕິບັດ​ວິ​ໄນ​ດັ່ງ​ນີ້: ຂັ້ນທີ​ໜຶ່ງ: ຕິຕຽນ ​ໂດຍ​ບັນທຶກ​ຄວາມ​ຜິດ​ໄວ້​ເປັນ​ຫລັກ​ຖານ. ຂັ້ນທີ​ສອງ: ກ່າວ​ເຕືອນ ​ໂດຍ​ໃຫ້​ຂຽນ​ໃບສຳ​ຫລວດ​ຕົນ​ເອງ ​ແລະ ບັນທຶກ​ຄວາມ​ຜິດ​ໄວ້​ເປັນ​ຫລັກ​ຖານ. ຂັ້ນທີ​ສາມ: ​ໂຈະ​ການ​ເລື່ອນ​ຂັ້ນ​ເງິນ​ເດືອນ ​ແລະ ການ​ຍ້ອງຍໍ, ຫລຸດ​ຕຳ​ແໜ່​ງບໍລິຫານ ຫລື ຍ້າຍ​ໄປ​ຮັບ​ໜ້າ​ທີ່​ອື່ນ​ທີ່​ມີ​ຕຳ​ແໜ່​ງຕໍ່າ​ກວ່າ​ເກົ່າ, ປົດ​ຕຳ​ແໜ່​ງບໍລິຫານ ພ້ອມ​ທັງ​ບັນທຶກ​ໄວ້​ໃນ​ສຳນວນ​ເອກະສານ​ປະຫວັດ​ຂອງ​ພະນັກງານ-ລັດຖະກອນ ແລະ ຂັ້ນທີ​ສີ່: ​ໃຫ້​ອອກ​ຈາກ​ລັດຖະກອນ ​ໂດຍ​ບໍ່​ໄດ້​ຮັບ​ນະ​ໂຍບາຍ​​ໃດໆ, ​ໃນ​ກໍລະນີ​ເປັນ​ການ​ກະທຳ​ຜິດ​ທາງ​ອາຍາ ຫລື ​ເປັນ​ການລະ​ເມີດ​ທາງ​ແພ່ງ ແມ່ນຈະ​ຖືກ​ດຳ​ເນີນ​ຄະດີ​ຕາມ​ຂະ​ບວນການ​ຍຸຕິ​ທຳ​ຕາມ​ທີ່​ໄດ້​ກຳນົດ​ໄວ້​ໃນ​ກົດໝາຍ​ທີ່ກ່ຽວຂ້ອງ. ໂດຍໃຫ້ຄະນະ​ພັກ-ຄະນະ​ນຳ​ແຕ່ລະ​ຂັ້ນຂອງ​ຂະ​ແໜງ​ທີ່​ດິນ​ທີ່​ຂຶ້ນກັບ​ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຕ່​ສູ​ນກາງ​ຮອດ​ທ້ອງ​ຖິ່ນ​ຕ້ອງ​ເປັນ​ເຈົ້າການຄົ້ນຄວ້າ, ​ເຊື່ອມ​ຊຶມ, ກຳ​ແໜ້ນ ​ແລະ ນຳ​​ໄປ​ຈັດຕັ້ງ​ເຜີຍ​ແຜ່​ຂໍ້​ຕົກລົງ​ສະບັບ​ນີ້​ໃຫ້​ສະມາຊິກ​ພັກ, ພະນັກງານ-ລັດຖະກອນ​ຈັດຕັ້ງປະຕິບັດ, ​ໂດຍ​ຕິ​ດພັນ​ກັບ​ການ​ດຳ​ເນີນ​ຊີວິດ​ການ​ເມືອງ​ໃນ​ແຕ່ລະ​ເດືອນ​ຂອງ​ພັກ ​ແລະ ຂອງ​ລັດ, ພະນັກງານ-ລັດຖະກອນ​ຂະ​ແໜງ​ທີ່​ດິນ​ທຸກ​ຄົນ​ມີໜ້າ​ທີ່​ໃນ​ການຈັດຕັ້ງປະຕິບັດ​ຂໍ້​ຕົກລົງ​ສະບັບ​ນີ້​ຢ່າງ​ເຂັ້ມງວດ, ບຸກຄົນ, ນິຕິບຸກຄົນ ​ແລະ ການຈັດຕັ້ງທຸກ​ພາກສ່ວນ ​ແລະ ປະຊາຊົນ​ມີໜ້າ​ທີ່​ປະກອບສ່ວນ​ໃນ​ການ​ຕິດຕາມ​ກວດກາ ​ແລະ ລາຍ​ງານ ຫລື ສະໜອງ​ຂໍ້​ມູນ​ກ່ຽວ​ກັບ​ການ​ປະຕິບັດ​ບັນດາ​ຂໍ້​ຫ້າມ​ຂອງ​ພະນັກງານ-ລັດຖະກອນ​ຂອງ​ຂະ​ແໜງ​ທີ່​ດິນ​ໃຫ້ການ​ນຳ​ຂະ​ແໜງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ໃນ​ແຕ່ລະ​ຂັ້ນ, ​ໂດຍ​ຜ່ານ​ຕູ້​ຄຳ​ຮ້ອງ-ຄຳ​ສະ​ເໜີ, ສາຍ​ດ່ວນ 1514 ຫລື ສະ​ເໜີ​ໂດຍ​ກົງ​ຫາ​ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​​ແວດ​ລ້ອມ ຫລື ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດລ້ອມ​ແຂວງ, ນະຄອນຫລວງ ຫລື ຫ້ອງການ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ເມືອງ ​ເພື່ອ​ມີ​ມາດ​ຕະການ​ຕໍ່​ຜູ້​ລະ​ເມີດ​ລະບຽບກົດໝາຍ, ມອບ​ໃຫ້​ຄະນະ​ກວດກາ, ກົມ​ກວດກາ ​ແລະ ຂະ​ແໜງ​ກວດກາ​ແຕ່ລະ​ຂັ້ນຕິດຕາມ​ກວດກາ ​ແລະ ດຳ​ເນີນ​ທຸກ​ມາດ​ຕະການ ​ເພື່ອ​ຊຸກຍູ້ ​ແລະ ​ແກ້​ໄຂ​ຜົນ​ຂອງ​ການ​ກວດກາການຈັດຕັ້ງປະຕິບັດ​ຂໍ້​ຕົກລົງ​ສະບັບ​ນີ້​ຕາມ​ໜ້າ​ທີ່, ຂອບ​ເຂດ​ສິດ​ຂອງ​ຕົນ​ຢ່າງ​ເຂັ້ມງວດ ​ແລະ ມອບ​ໃຫ້​ຫ້ອງການ, ບັນດາ​ກົມ, ກອງ, ສູນ ​ແລະ ສະ​ຖາ​ບັນ​ພາຍ​ໃນ​ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​​ແຂວງ, ນະຄອນຫລວງ​ວຽງ​ຈັນ ​ແລະ ຫ້ອງການ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ເມືອງ ປະຕິບັດ​ຂໍ້​ຫ້າມ​ສະບັບ​ນີ້​ຢ່າງ​ເຂັ້ມງວດ.

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ - Wave100S AD to Website 2020 0 - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ
ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ - WhatsApp Image 2020 05 27 at 5 - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ
ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ - WhatsApp Image 2020 05 27 at 5 - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມອອກຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງທີ່ດິນ
error: Alert: ເນື້ອຫາຂ່າວມີລິຂະສິດ !!