ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ

ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ - Untitled design - ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ

​ໂຮງໝໍ​ແຂວງຫົວພັນ ​ໃຫ້​ຮູ້​ວ່າ: ​ເມື່ອ​ບໍ່ດົນມານີ້, ​ໄດ້​ມີ​ຄອບຄົວໜຶ່ງຢູ່​ບ້ານມ້າ ​ເມືອງກວັນ​ແຂວງຫົວພັນ, ​ໄດ້​ກິນ​ເຫັດ​ເບື່ອ​ທີ່​ມີ​ສານ​ຜິດ (​ເຫັດ​ຂີ້ຄວາຍ) ​ເຮັດ​ໃຫ້​ເກີດ​ມີ​ອາການ​ປຸ້ນທ້ອງ, ວິນ ​ແລະ ຮາກ​ຈົນ​ເສຍ​ຊີວິດ​ 5 ຄົນເກືອບໝົດຄອບຄົວ, ​ເຊິ່ງປັດຈຸບັນຍັງ​ເຫລືອພຽງ​ແມ່ ​ແລະ ລູກ​ສາວ 2 ຄົນ ​ທີ່​ຍັງ​ປິ່ນປົວ​ໃນ​ໂຮງໝໍ​ດັ່ງກ່າວ ,​ໂດຍ​ແພດໝໍກໍ​ໄດ້​ຕິດຕາມ​ອາການ​ຢ່າງ​ໃກ້ຊິດ ຫລັງ​ຜູ້​ເປັນ​ລູກ​ສາວ​ຫລ້າ ອາຍຸ 6 ປີ​ ຍັງ​ມີ​ອາການ​ຮາກ, ຊຶ່ງ​ແພດໝໍ​ໄດ້​ໃສ່​ນ້ຳ​ທະ​ເລ ​ແລະ ກິນ​ຢາ​ປິ່ນປົວ​ຕາມ​ອາການ.

ຄະນະ​ອຳນວຍ​ການໂຮງໝໍ​ດັ່ງກ່າວ​ ໃຫ້​ຮູ້​ວ່າ: ​ເຫດການຮ້າຍ​ແຮງ​ນີ້​ເກີດ​ຂຶ້ນ​ໃນ​ວັນ​ທີ 18 ​ເມສານີ້, ຊຶ່ງ​​ຄອບຄົວ​ຂອງທ້າວ ບຸນ​ເພັດ ອາຍຸ 40 ປີຢູ່​ບ້ານມ້າ​ໄດ້​ພົບ​ເຫັນ​ເຫັດ​ເກີດ​ຢູ່​ຕາມ​ປ່າ​ແລ້ວ​ຜູ້​ເປັນ​ເມຍກໍ​ໄດ້​ເກັບ​ເອົາ​ມາ​ແກງກິນ​​ເປັນອາຫານ​ທ່ຽງສູ່ຄອບຄົວທັງໝົດ 6 ຄົນ ​ແລະ ມີໝູ່ລູກ​ຊາຍອີກ 1 ຄົນ​ມາ​ກິນ​ນຳ, ພໍ​​ເວລາ​ປະມານ 17 ​ໂມງ ຜູ້​ກິນ​ເຫັດ​ດັ່ງກ່າວ​ໄດ້​ມີ​ອາການ​ຮາກ​ຢ່າງ​ຮຸນ​ແຮງ, ຊຶ່ງ​ຊາວບ້ານ​ໄດ້​ຊ່ວຍ​ກັນ​ນຳ​ສົ່ງ​ໂຮງໝໍ​ເມືອງ, ​ແຕ່​ຍ້ອນ​ໄລຍະ​ທາງ​ຢູ່​ຫ່າງ​ໄກ​ຈຶ່ງເຮັດ​ໃຫ້ຜູ້​ເປັນ​ຜົວ ​ແລະ ລູກ​ສາວ​ໄດ້​ເສຍ​ຊີວິດ, ຕໍ່ມາ​ທາງ​ໂຮງໝໍ​ເມືອງກໍ​ໄດ້​ສົ່ງ​ຄົນ​ເຈັບ​ໄປ​ປິ່ນປົວຢູ່​ໂຮງໝໍ​ແຂວງ, ​ແຕ່​ຍ້ອນ​ຄວາມ​ລ້າ​ຊ້າ​ຈຶ່ງ​ເຮັດ​ໃຫ້​ມີ​ຜູ້​ເສຍ​ຊີວິດ​ຕື່ມ​ອີກ 2 ຄົນຄືລູກ​ຊາຍ​ຫລ້າ ​ແລະ ໝູ່ຂອງ​ຜູ້ກ່ຽວ, ​ແລ້ວ​ຕໍ່​ມາຜູ້​ເປັນ​ລູກ​ສາວກໍ​ໄດ້​​ເສຍ​ຊີວິດ​ຕື່ມ, ຊຶ່ງ​ເຫດການໜ້າ​ເສົ້າ​ດັ່ງກ່າວ​​ໄດ້​ເອົາ​ຊີວິດ​​ໄປແລ້ວ 5 ຄົນ, ຍັງ​ເຫລືອ​ອີກ 2 ຄົນ​ທີ່​ທ່ານໝໍກຳລັງ​ໃຫ້ການ​ປິ່ນປົວ.

ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ - Wave100S AD to Website 2020 0 - ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ
ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ - WhatsApp Image 2020 05 27 at 5 - ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ
ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ - WhatsApp Image 2020 05 27 at 5 - ເບື່ອ​ເຫັດ​ມີ​ຜູ້​ເສຍ​ຊີວິດ​ແລ້ວ 5 ຄົນສ່ວນອີກ 2 ຄົນ​ຍັງ​ຢູ່​ໃນ​ອາການ​ໜ້າ​ເປັນ​ຫ່ວງຢູ່​ແຂວງ​ຫົວພັນ
error: Alert: ເນື້ອຫາຂ່າວມີລິຂະສິດ !!