ຕາລີບັນປະກາດເລີ່ມລະດູການ ໂຈມຕີໃນອັບການິດສະຖານ

- news DBCMxVTJLI125851 533 - ຕາລີບັນປະກາດເລີ່ມລະດູການ ໂຈມຕີໃນອັບການິດສະຖານ
- Untitled design - ຕາລີບັນປະກາດເລີ່ມລະດູການ ໂຈມຕີໃນອັບການິດສະຖານ

ຕາ​ລີ​ບັນ​ປະກາດ​ເລີ່​ມລະດູ​ການ​ໂຈມ​ຕີ​ໃນ​ອັບ​ກາ​ນິດ​ສະຖານ ​ໂດຍ​ບໍ່​ສົນ​ໃຈ​ຂໍ້​ສະ​ເໜີ​ເຈລະຈາ​ສັນຕິພາບ​ຂອງ​ປະທານາທິບໍດີ ອັຟຣາຟ ກາ​ນີ ​ແລະ ຢືນຢັນ​ວ່າ​ຈະ​ມຸ່ງ​ໂຈມ​ຕີ​ກອງ​ກຳລັງ​ອາ​ເມ​ລິ​ກາ​ເປັນ​ຫລັກ.

- 1524645114553 960x0 - ຕາລີບັນປະກາດເລີ່ມລະດູການ ໂຈມຕີໃນອັບການິດສະຖານ

ຕາ​ລີ​ບັນ​ຖະ​ແຫລ​ງ​ໃນ​ວັນ​ທີ 25 ​ເມສາ​ວ່າ: ຂໍ້​ສະ​ເໜີ​ເຈລະຈາ​ສັນຕິພາບ​ຂອງ​ທ່ານ ອັຟຣາຟ ​ໃນ​ເດືອນ​ກຸມພາ ​ເປັນ​ພຽງ​ການ​ຄົບ​ຄິດ ຫວັງ​ຕົວ​ະ​ໃຫ້​ຄວາມ​ຮູ້​ສຶກຂອງ​ປະຊາຊົນ​ທີ່​ບໍ່ພ​ໍ​ໃຈ​ກອງ​ກຳລັງ​ຕ່າງປະ​ເທດ​ທີ່​ເຂົ້າມາ​ຍຶດຄອງ​ປະ​ເທດ, ອາ​ເມ​ລິ​ກາ​ບໍ່​ມີ​ເຈດ​ຕະນາ​ທີ່​ຈິງ​ຈັງ ຫລື ຈິງ​ໃຈ​ເລື່ອງ​ຢຸດຕິ​ສົງຄາມ, ການ​ສູ້​ຮົບ​ຂອງ​ຕາ​ລີ​ບັນ​ຈຶ່ງ​ເປັນ​ການ​ຕອບ​ໂຕ້​ຍຸດ​ທະ​ສາດ​ເມື່ອ​ປີ​ກ່ອນ​ຂອງ​ກອງທັບ​ອາ​ເມ​ລິ​ກາ​ທີ່​ເພີ່ມ​ການ​ຮຸກ​ຮານ​ຫວັງ​ບີບ​ໃຫ້​ຕາ​ລີ​ບັນ​ຍອມ​ເຈລະຈາ​ສັນຕິພາບ, ​ເປົ້າໝາຍ​ຫລັກ​ຂອງ​ຕີ​ລາ​ບັນ​ຄື​ຜູ້​ຮຸກ​ຮານ​ຊາວ​ອາ​ເມ​ລິ​ກາ ​ແລະ ສາຍ​ລັບ, ສ່ວນ​ຜູ້​ສະໜັບສະໜູນ​ໃນ​ອັບ​ກາ​ນິດ​ສະຖານ​ຈະ​ເປັນ​ເປົ້າໝາຍ​ຮອງ.

ການ​ປະກາດ​ເລີ່​ມລະດູ​ການ​ໂຈມ​ຕີ​ຂອງ​ຕາ​ລີ​ບັນ​ຈະ​ມີ​ຜົນ​ກະທົບ​ຕໍ່​ການ​ເລືອກ​ຕັ້ງທົ່ວ​ໄປ ​ແລະ ການ​ເລືອກ​ຕັ້ງທ້ອງ​ຖິ່ນ​ອັບ​ກາ​ນິດ​ສະຖານ​ທີ່​ເລື່ອນ​ຫລາຍ​ຄັ້ງມາ​ເປັນ​ວັນ​ທີ 20 ຕຸລາ​ນີ້ ​ເພາະ​ທາງ​ການ​ກຳລັງ​ເປີດ​ຈຸດ​ລົງທະບຽນ​ໃຊ້​ສິດ​ເລືອກ​ຕັ້ງທົ່ວ​ປະ​ເທດ ລວມທັງ​ພື້ນທີ່​ທຸລະກັນດານ ​ໂດຍ​ໃນ​ວັນ​ທີ 22 ​ເມສາ​ນີ້ ​ເກີດ​ເຫດ​ລະ​ເບີດ​ຂ້າ​ຕົວ​ຕາຍ​ໜ້າ​ຈຸດ​ລົງທະບຽນ​ໃນ​ນະຄອນຫລວງ​ກາ​ບູນ ມີ​ຜູ້​ເສຍ​ຊີວິດ​ເກືອບ 60 ຄົນ, ກຸ່ມ​ລັດ​ອິສລາມ (IS) ອ້າງ​ວ່າ​ເປັນ​ຜູ້​ລົງມື. ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ຕີ​ລາຄາ​ວ່າ: ພື້ນທີ່​ໃນ​ອັບ​ກາ​ນິດ​ສະຖານ​ຢູ່​ໃນ​ການ​ເບິ່ງ​ແຍງ​ຂອງ​ລັດຖະບານ​ປະມານ 56%, ​ແຕ່​ບໍລິສັດ​ກະຈາຍສຽງ​ອັງກິດ (BBC) ຕີ​ລາຄາ​ວ່າ: ກຸ່ມ​ຕິດ​ອາວຸດ​ຍຶດພື້ນທີ່​ປະ​ເທດ​ຢູ່​ປະມານ 70%.

- WhatsApp Image 2020 05 27 at 5 - ຕາລີບັນປະກາດເລີ່ມລະດູການ ໂຈມຕີໃນອັບການິດສະຖານ
- WhatsApp Image 2020 05 27 at 5 - ຕາລີບັນປະກາດເລີ່ມລະດູການ ໂຈມຕີໃນອັບການິດສະຖານ
error: Alert: ເນື້ອຫາຂ່າວມີລິຂະສິດ !!