ນັກກິລາຍິງປືນລາວກຽມເຂົ້າຮ່ວມແຂ່ງຂັນທີ່ປະເທດໄທ

- 111 - ນັກກິລາຍິງປືນລາວກຽມເຂົ້າຮ່ວມແຂ່ງຂັນທີ່ປະເທດໄທ
- Untitled design - ນັກກິລາຍິງປືນລາວກຽມເຂົ້າຮ່ວມແຂ່ງຂັນທີ່ປະເທດໄທ

ທ່ານ ອາ​ໂນ​ໄທ ​ເມືອງ​ມະນີ ​ເຈົ້າ​ຂອງ​ຫລຽນ​ຄຳຍິງປືນສະ​ແຕດ​ດ໊າດ ​ໄອ​ພີ​ເອັສຊີ ກຽມ​ເຂົ້າ​ຮ່ວມແຂ່ງຂັນ​ຍິງ​ປືນຕຳຫລວດ ທົ່ວ​ປະ​ເທດ​ໄທ ຫລື ລາຍການ ​ໂປ​ລິ​ສ ​ໄອ​ພີ​ເອັສຊີ ​​ແຮນ​ກັນ ແຊມປ້ຽນຊິ​ບ (Police Handgun Championship 2018) ຈະ​ຈັດ​ຂຶ້ນທ້າຍເດືອນເມສານີ້ ທີ່​ສະໜາມ​ຍິງ​ປືນ​ຕຳຫລວດ ນະຄອນຫລວງ​ບາງກອກ ປະ​ເທດ​ໄທ.

ຕາມ​ການ​ເປີດ​ເຜີຍ​ຂອງ​ທ່ານ ອາ​ໂນ​ໄທ ​ເມືອງ​ມະນີ ນັກ​ກິລາ​ຍິງ​ປືນ​ໄອ​ພີ​ເອັສຊີ​ທີ​ມຊາດ​ລາວ : ​ເພື່ອ​ເປັນ​ການ​ຍົກ​ລະດັບ​ຄວາມ​ຮູ້​ຄວາມ​ສາມາດ​ໃຫ້​ກັບ​ຕົນ​ເອງໃຫ້​ມີ​ການ​ພັດທະນາ​ແບບ​ຕໍ່​ເນື່ອງ ​​ແນ​ໃສ່​ສ້າງ​ຜົນງານ​ໃຫ້​ແກ່​ວົງ​ການ​ກິລາ​ຍິງ​ປືນ​ໄອ​ພີ​ເອັສຊີ​ລາວ. ດັ່ງ​ນັ້ນ, ຈຶ່ງ​ໄດ້​ສະ​ເໜີ ​ແລະ ຂໍ​ອະນຸມັດ​ເຖິງ​ສະ​ໂມ​ສອນ​ຍິງ​ປືນ​ໄອ​ພີ​ເອັສຊີ​ລາວ ຮັບ​ຮູ້​ກ່ຽວການ​ເຄື່ອນ​ໄຫວ​ເຂົ້າ​ຮ່ວມ​ແຂ່ງຂັນ​ບັນດາລາຍການ​ຊີງ​ແຊ້ມລະດັບ​ນາໆ​ຊາດ ​ເປັນ​ຕົ້ນ​ການ​ແຂ່ງຂັນທີ່​ປະ​ເທດ​ໄທ ໂດຍສະເພາະລາຍການ ​ໂປ​ລິ​ສ ​ໄອ​ພີ​ເອັສຊີ ​​ແຮນ​ກັນ ແຊມປ້ຽນຊິ​ບ (Police Handgun Championship 2018) ເຊິ່ງຈະຈັດຂຶ້ນລະຫວ່າງ​ວັນ​ທີ 27-29 ​ເມສາ 2018 ທີ່ນະຄອນຫລວງບາງກອກ ປະເທດໄທ.

- Wave100S AD to Website 2020 0 - ນັກກິລາຍິງປືນລາວກຽມເຂົ້າຮ່ວມແຂ່ງຂັນທີ່ປະເທດໄທ

​ທ່ານ ອາ​ໂນ​ໄທ ​ເມືອງ​ມະນີ ກ່າວ​ຕື່ມ​ອີກ​ວ່າ: ​ການ​ເຂົ້າ​ຮ່ວມ​ແຂ່ງຂັນ​ຍິງ​ປຶ​ນລາຍການ ຊີງ​ແຊມນາໆ​ຊາດ​ທຸກ​ຄັ້ງໄດ້​ໃຊ້​ທຶນ​ສູງ​ຫຼາຍ ​ແຕ່​ຍ້ອນ​ໃຈ​ມັກ​ຮັກ​ໃນ​ການ​ຫລິ້ນ​ກິລາ​ດັ່ງກ່າວ ​ແລະ ປະຕິບັດ​ເປົ້າ​ໝາຍ​ທີ່​ຢາກ​ຈະ​ຜ່ານ​ການ​ຄັດ​ເລືອກ​ນັກ​ກິລາ​ໄອ​ພີ​ເອັສຊີ​ທີ​ມຊາດລາວ ​ເພື່ອ​ກຽມຕາງໜ້າ​ປະ​ເທດ​ຊາດ​ເຂົ້າ​ຮ່ວມ​ແຂ່ງຂັນ​ຊີງ​ແຊມລະດັບ​ພາກ​ພື້ນ ​ແລະ ສາກົນ ​​ໂດຍ​ສະ​ເພາະ​ງານ​ມະຫາ​ກຳ​ກິລາ​ຊີເກ​ມ ຄັ້ງ​ທີ 30 ປີ 2020 ທີ່​ປະ​ເທດ​ຟິລິ​ບປິນ ​ເປັນ​ເຈົ້າພາບ.

- WhatsApp Image 2020 05 27 at 5 - ນັກກິລາຍິງປືນລາວກຽມເຂົ້າຮ່ວມແຂ່ງຂັນທີ່ປະເທດໄທ
- WhatsApp Image 2020 05 27 at 5 - ນັກກິລາຍິງປືນລາວກຽມເຂົ້າຮ່ວມແຂ່ງຂັນທີ່ປະເທດໄທ
error: Alert: ເນື້ອຫາຂ່າວມີລິຂະສິດ !!