ຂໍໃຫ້ນິຕິກຳຂອງພັກກາຍເປັນຄ້ອນຕະບອງເພັດ

- Untitled design - ຂໍໃຫ້ນິຕິກຳຂອງພັກກາຍເປັນຄ້ອນຕະບອງເພັດ

ໂດຍ: ກ້ອງສ່ອງ ອິດສະຫລະ    

ບັນດານິຕິກຳຂອງພັກທີ່ໄດ້ເຜີຍແຜ່ໃນວັນທີ 23 ເດືອນ ມັງກອນ 2018 ທັງເປັນ ວາ ລະກ້າວເຂົ້າປີໃໝ່ສາກົນອັນ ໄດ້ແກ່: ມະຕິຂອງກົມການ ເມືອງສູນກາງພັກ ວ່າດ້ວຍ ວຽກງານສ້າງແຜນກຳນົດ ພະນັກງານນຳພາ-ຄຸ້ມຄອງ, ມະຕິວ່າດ້ວຍມາດຕະຖານ ຂອງພະນັກງານນຳພາ-ຄຸ້ມຄອງ, ມະຕິວ່າດ້ວຍມາດຕະ ຖານຂອງພະນັກງານນຳພາ-ຄຸ້ມຄອງ, ມະຕິວ່າດ້ວຍວຽກ ງານຄຸ້ມຄອງພະນັກງານ ແລະ ຄຳສັ່ງວ່າດ້ວຍການ ເພີ່ມທະວີກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກ ແໜ້ນ ໃນບັນດາມະຕິທີ່ໄດ້ ກ່າວມານີ້, ມາຮອດໄລຍະ ກ້າວສູ່ປີໃໝ່ ລາວຜູ້ຂຽນກໍ ຍັງບໍ່ທັນຮູ້ວ່າໝາກຜົນທີ່ໄດ້ ຮັບໃນການຈັດຕັ້ງປະຕິບັດ ນັ້ນໄປຮອດໃສ ແລະ ໄປຮອດ ຂັ້ນໃດ ຜູ້ຂຽນກໍຍັງບໍ່ທັນສາ ມາດນຳເອົາຕົວຈິງມາວັດ.

 

ທາບທາມຮ່າງນິຕິກຳໃນຂະແໜງການຕ່າງປະເທດຂັ້ນທ້ອງຖິ່ນໃຫ້ບັນດາແຂວງພາກກາງ

ເຜີຍແຜ່ນິຕິກຳຄັງເງິນແຫ່ງຊາດໃຫ້ພະນັກງານຄັງເງິນທົ່ວປະເທດ

ແຕ່ສິ່ງທີ່ເຫັນຢ່າງເດັ່ນ ຊັດນັ້ນຄື ສະຫາຍ ປອ ພັນຄຳ ວິພາວັນ ຜູ້ປະຈຳການ ຄະນະ ເລຂາທິການສູນກາງພັກ, ຮອງປະທານປະເທດໄດ້ອອກມາຢ້ຳວ່າ: ຖ້າໜ່ວຍພັກໃດ ແກ້ເລື່ອງທຸຈະລິດບໍ່ໄດ້ ຈະຖືກ ພິຈາລະນາປົດຕຳແໜ່ງວ່າ ຊັ້ນ! ນີ້ຄືຄວາມຈິງຈັງເດັດ ຂາດຂອງ ພັກທີ່ໄດ້ຕົກລົງ ແລະ ເວົ້າໄປແລ້ວກໍຕ້ອງໄດ້ ເຮັດກົງກັນຂ້າມຖ້າເວົ້າໄປ ແລ້ວບໍ່ເຮັດ ຫລື ເຮັດຄືໂສ້ ບໍ່ເຄັ່ງ ກໍຕ້ອງໄດ້ໃຊ້ມາດ ຕະການອັນເດັດຂາດປຽບ ເໝືອນເອົາຄ້ອນຕະບອງເພັດທີ່ໄຮ້ທຽມທານມາເປັນອາ ວຸດຂັ້ນສຸດທ້າຍ.
ການທີ່ພັກເຮົາໄດ້ມີນິຕິ ກຳດັ່ງກ່າວນີ້ອອກມາ, ກໍ ຍ້ອນພັກມີວິໄສທັດ, ມີການ ວິເຄາະເຈາະເລິກເຖິງສະພາບການຂອງໄລຍະປະຫວັດ ສາດຜ່ານມາ, ກໍຄືປັດຈຸບັນ ແລະ ອະນາຄົດຢ່າງພາວະ ວິໄສ.

- Wave100S AD to Website 2020 0 - ຂໍໃຫ້ນິຕິກຳຂອງພັກກາຍເປັນຄ້ອນຕະບອງເພັດ

ກ່ອນໜ້ານັ້ນ, ສາມສິບ ກວ່າປີແຫ່ງການນຳພາຕໍ່ສູ້ ເພື່ອເອກະລາດແຫ່ງຊາດກໍ ສາມາດປົດປ່ອຍທົ່ວປະເທດ ໄດ້ໃນປີ 1975 ແລະ ສີ່ສິບ ກວ່າ ປີໃນຍຸກປົກປັກຮັກສາ ແລະ ພັດທະນາປະເທດຊາດ ພັກເຮົາໄດ້ມີບົດຮຽນ, ມີຜົນ ງານ ແລະ ມີຄຸນງາມຄວາມ ດີຕໍ່ຊາດ ແລະ ປະຊາຊົນ ຕະ ຫລອດໄລຍະປະຫວັດສາດ ດັ່ງກ່າວ, ໄດ້ກາຍເປັນພາລະ ກິດອັນຍິ່ງໃຫຍ່ຂອງພັກ ເຊິ່ງຍາມໃດກໍແມ່ນເພື່ອຜົນ ປະໂຫຍດຂອງຊາດ ແລະ ເພື່ອ ຄວາມສົບບູນພູນສຸກຂອງປະຊາຊົນນັ້ນເປັນຫລັກບັນດາ ສະຫາຍສະມາຊິກພັກໃນຮຸ້ນກ່ອນ ແລະ ປັດຈຸບັນຈຳນວນ ຫລວງຫລາຍກໍລ້ວນແລ້ວ ແຕ່ເປັນຄົນສັດຊື່ບໍລິສຸດຕໍ່ພັກ, ຕໍ່ຊາດ ແລະ ຕໍ່ປະຊາຊົນທັງ ເປັນແບບຢ່າງທີ່ດີເລີດແກ່ມະຫາຊົນ ພ້ອມກັນເດັດດ່ຽວຕໍ່ ພາລະກິດປະຕິວັດທີ່ຊາດ ແລະ ປະຊາຊົນມອບໝາຍໃຫ້ດ້ວຍສາເຫດດັ່ງກ່າວ, ພາລະກິດ ຂອງພັກ ຈຶ່ງໄດ້ຮັບໄຊຊະນະ ຢ່າງຖ້ວມທົ້ນຕະຫລອດມາ.

ພໍຕົກມາໃນຍຸກປ່ຽນແປງ ໃໝ່ຢ່າງມີຫລັກການຂອງ ພັກ, ບັນດາສະມາຊິກພັກທັງ ຮຸ້ນເກົ່າ ແລະ ຮຸ້ນໃໝ່ຈຳນວນ ໜຶ່ງພັດເກີດມີແນວຄິດໄຂ່ວ ເຂວ ຊ້ຳບໍ່ໜຳພັດສ້າງທິດ ສະ ດີໜຶ່ງຂຶ້ນມາເພື່ອປົກປ້ອງຜົນປະໂຫຍດຂອງຕົນເອງວ່າ ຖ້າ ສະມາຊິກພັກ-ພະນັກງານຜູ້ ໃດບໍ່ຮູ້ຊອກຮູ້ຫາ, ບໍ່ມີຫົວຄິດ ໃນການເອົາຕົວເອງຢູ່ລອດ ໃນສັງຄົມຍຸກໃໝ່ແມ່ນຖືວ່າ ຜູ້ນັ້ນຕົກຢູ່ໃນຈິນຕະນາການ ເກົ່າ ເປັນຄົນຫົວເກົ່າເຕົ່າລ້ານ ປີດ້ວຍສາເຫດທີ່ວ່ານີ້, ຈຶ່ງພາ ໃຫ້ເກີດຂະບວນການແກ້ງ ແຍ່ງແຂງຂັນກັນໃນການ ຊອກຢູ່ຫາກິນຂອງບັນດາສະຫາຍສະມາຊິກພັກ- ພະນັກ ງານຢ່າງອອກໜ້າອອກຕາ ເອົາຜູ້ຈະຄິດ ແລະ ເອົາແຕ່ຜູ້ ຈະເຮັດໃນຖັນແຖວພະນັກ ງານຂອງລັດຜູ້ບໍ່ໄດ້ເຮັດທຸລະກິດກໍເລີ່ມພາກັນສໍ້ລາດບັງ ຫລວງ, ຜູ້ຢູ່ພາສີອາກອນກໍ ຫາກິນນຳ ພວກນັກທຸລະກິດ, ຜູ້ເຮັດຄ້າຂາຍກໍພາກັນລົບ ຫລີກພາສີ, ຜູ້ຢູ່ນຳດິນກິນນຳ ຫຍ້າກໍຫາວິທີຢຶດຈ່ອງເອົາ ດິນລັດດິນຫລວງມາເປັນກຳ ມະສິດຂອງຕົນເອງແລ້ວກໍ ຂາຍເອົາເງິນເຂົ້າຖົງ, ຜູ້ຢູ່ຊົນ ນະບົດຫາກິນຕາມປ່າຕາມ ດົງກໍພາກັນຕັດໄມ້ທຳລາຍ ປ່າ, ຜູ້ຄ້າຢາບ້າກໍສວຍໂອ ກາດໃຊ້ກາລະໂອກາດໃຫ້ ເປັນນາທີທອງ ແລະ ບັນຫາ ອື່ນໆ ທີ່ກາຍເປັນປະກົດການ ຫຍໍ້ທໍ້ໃນສັງຄົມ.

ດ້ວຍຜົນກະທົບຂອງ ແນວຄິດທີ່ຜິດພາດໄຂ່ວເຂວ ຂອງບັນດາສະຫາຍສະມາຊິກ ພັກ-ພະນັກງານຈຳນວນບໍ່ ໜ້ອຍ ຈຶ່ງໃຫ້ເກີດຜົນກະທົບ ຕາມມາຄື: ພະນັກງານ ຂອງ ລັດປະສົບບັນຫາເລື່ອງເງິນ ເດືອນການເກັບລາຍຮັບຂອງຊາດບໍ່ໄປຕາມເປົ້າຍ້ອນພະ ນັກງານຂັ້ນນຳ ເຫັນແຕ່ຜົນ ປະໂຫຍດສ່ວນຕົວຫລາຍ ກວ່າຜົນປະໂຫຍດຂອງຊາດ.

ເມື່ອຖາມວ່າຜົນກະທົບ ອັນໜັກໜ່ວງດັ່ງກ່າວແມ່ນ ໃຜຈະເປັນຜູ້ແກ້ຕາມເຮົາຄິດຜູ້ທີ່ໜັກໜ່ວງກວ່າໝູ່ ແລະ ສຸດທີ່ເຮົາເຫັນໃຈກວ່າໝູ່ ກໍແມ່ນລັດຖະບານຊຸດທີ 8, ນອກນັ້ນກໍແມ່ນບັນດາສະ ຫາຍໃນແກ່ນນຳຂອງພັກໃນແຕ່ລະກົມກອງ ແລະ ທ້ອງ ຖິ່ນ, ກົງກັນຂ້າມຖ້າບໍ່ພ້ອມ ກັນແກ້ ກໍຈະແກ້ຜູ້ບໍ່ຢາກແກ້ ດັ່ງອາຈານ ທອງລຸນ ສີສຸລິດ ວ່າ; ຫລື ບໍ່ກໍແມ່ນຖ້າກົມກອງ ໃດບໍ່ສາມາດແກ້ໄຂເລື່ອງທຸ ຈະລິດກໍຈະໄດ້ພິຈາລະນາປົດ ຕຳແໜ່ງ ດັ່ງອາຈານ ພັນຄຳ ວິພາວັນວ່າ ຂໍໃຫ້ນິຕິກຳຂອງ ພັກທີ່ໄດ້ກ່າວມາຂ້າງເທິງນັ້ນກາຍເປັນໄມ້ຄ້ອນຕະບອງເພັດ ເພື່ອຫັນເອົາກົງລໍ້ປະຫວັດ ສາດແຫ່ງສັດຈະທຳມາໃຫ້ ປະເທດຊາດກ້າວໄປຢ່າງໜັກແໜ້ນ.ຂໍໃຫ້ພັກປະຊາຊົນປະ ຕິວັດລາວກາຍເປັນແກນນຳ ອັນແໜ້ນແກ່ນເຂັ້ມແຂງ, ເປັນ ເສົາຄ້ຳຂອງຊາດ ແລະ ຂອງ ປະຊາຊົນຕະຫລອດໄປ./.

- WhatsApp Image 2020 05 27 at 5 - ຂໍໃຫ້ນິຕິກຳຂອງພັກກາຍເປັນຄ້ອນຕະບອງເພັດ
- WhatsApp Image 2020 05 27 at 5 - ຂໍໃຫ້ນິຕິກຳຂອງພັກກາຍເປັນຄ້ອນຕະບອງເພັດ
error: Alert: ເນື້ອຫາຂ່າວມີລິຂະສິດ !!