ລະບົບ​ປະຕູ​ດຽວ​ຈະ​ດຶງ​ການ​ລົງທຶນ​ໄດ້​​ແນວ​ໃດ

- advert banner 728 90 728x90 - ລະບົບ​ປະຕູ​ດຽວ​ຈະ​ດຶງ​ການ​ລົງທຶນ​ໄດ້​​ແນວ​ໃດ

ຜ່ານ​ມາ​ຫຼາຍ​ສຳນັກງານ​ກໍ​​ເປີດບໍລິການ​ຜ່ານ​ປະຕູ​ດຽວ ​ເພື່ອ​ຄວາມ​ວອງ​ໄວ​ແລະ​ໂປ່​ງ​ໃສ ສະດວກ​​​ແລະ​ເປັນ​ບໍລິການ​ທີ່​ດີ. ຫຼ້າ​ສຸດ​ເມື່ອ​ວັນ​ທີ25​​ເມສາ​ນີ້,​ກະຊວງ​ແຜນການ​ແລະ​ການ​ລົງທຶນ​ກໍ່​ເປີດ​ບໍລິການ​ຜ່ານ​ປະຕູ​ດຽວ​ເຊັ່ນ​ກັນ,ແຕ່​ໃນ​ຄວາມ​ເປັນ​ຈິງບາງ​ສຳນັກງານ​ທີ່​ເປີດ​ບໍລິການ​ປະຕູ​ດຽວ​ແລ້ວ ກໍ​ຍັງ​ເຮັດ​ບໍລິການ​ຕ່າງໆ​​ຊັກ​ຊ້າຢູ່ ຍ້ອນ​ບໍ່​ທັນ​ປ່ຽນ​ພຶດຕິ​ກຳ​ຜູ້​ເຮັດ​ບໍລິການ​ຜ່ານ​ປະຕູ​ດຽວ.

- new3 - ລະບົບ​ປະຕູ​ດຽວ​ຈະ​ດຶງ​ການ​ລົງທຶນ​ໄດ້​​ແນວ​ໃດ

​ແນວ​ໃດ​ກໍ່ຕາມ,ການ​ເປີດ​ຫ້ອງບໍລິການ ການ​ລົງທຶນ​ປະຕູ​ດຽວ ຂັ້ນ​ສູນ​ກາງ ທີ່​ກະຊວງ​​ແຜນການ​ແລະ​ການ​ລົງທຶນ ​ກໍ່​ໝັ້ນ​ໃຈ​ວ່າ.ຄະນະ​ກຳມະການ​ສົ່ງ​ເສີມ​​ແລະ​ຄຸ້ມ​ຄອງ​ການ​ລົງທຶນຂັ້ນ​ສູນ​ກາງ ຈະ​ເພີ່ມ​ທະວີ ຄວາມ​ຮັບຜິດຊອບ​ຂອງ​ຕົນ​ເຂົ້າ​ໃນ​ວຽກ​ງານ​ສົ່ງ​ເສີມ​ແລະ​ຄຸ້ມ​ຄອງ​ການ​ລົງທຶນ ຮັບປະກັນ​ໃຫ້ການ​ດຳ​ເນີນ​ທຸລະ​ກິດ​ຢູ່​ສປປລາວ​ໃຫ້​ມີ​ຄວາມ​ສະດວກ​,​ວ່ອງ​ໄວ,​ໂປ່​ງ​ໃສ,ຍຸດຕິ​ທຳ​ແລະ​ຖືກຕ້ອງ​ຕາມ​ກົດໝາຍ.

​     ຫ້ອງການ​ບໍລິການ ການ​ລົງທຶນ​ປະຕູ​ດຽວ​ນີ້ ​ໄດ້​ກະກຽມ​ຄວາມ​ພ້ອມ ທາງ​ດ້ານ​ຕ່າງໆ​ເຊັ່ນ:ປັບປຸງ​ຄຳ​ຮ້ອງ​ຂໍ​ລົງທຶນ ​ໃຫ້​ມີ​ຄວາມ​ສະດວກ​ແລະ​ກະທັດ​ຮັດ,ມີ​ເນື້ອ​ໃນ​ຄົບ​ຖ້ວນ,ມີ​ຄູ່​ມື​ແນະນຳ​ປະກອບ​ເອກ​ກະສາ​ນຕ່າງໆ ​ໃນ​ການ​ຍື່ນ​ຄຳ​ຮ້ອງ,ມີ​ໃບຮັບ​ເອກ​ະສານ​ໃນ​ເວລາ​ຍື່ນ​ຄຳ​ຮ້ອງ ​ພື່ອຕິດຕາມ,ມີ​ລະບົບ​ໄອ​ທີ​ ຊ່ວຍ​ໃນ​ການ​ຕິດຕາມ​ເອກະສານ,ຊ່ວຍ​ໃນ​ການ​ເບິ່ງ​ລະບົບ​ການ​ຄຸ້ມ​ຄອງ​ແລະ​ສະຖິຕິ​ການ​ລົງທຶນ,ມີ​ລະບົບ​ຊອບ​ແວ​ດາວ​ໂຫຼ​ດ​ເອກະສານ​ຕ່າງໆ,ພ້ອມ​ທັງ​ມີ​ບໍລິການ​ສາຍ​ດ່ວນ 1503.

ນີ້​ເປັນ​ລະບົບການ​ບໍລິການ​ທີ່​ມີ​ປະສິດທິ​ຜົນ​ທີ່​ສຸດ ມີ​ຄວາມ​ສະດວກ​ວວ່ອງ​ໄວ​ແທ້ ​ແຕ່​ຍັງ​ເປັນ​ຫ່ວງ​ຢູ່ ການ​ຫັນ​ເປັນ​ປະຕູ​ດຽວ​ໄດ້ແຕ່ພຶດຕິ​ກຳ​ຂອງ​ຜູ້​ເຮັດ​ບໍລິການ​ປະຕູ​ດຽວ ກໍຕ້ອງໄດ້ປັບປຸງຕົນເອງໃຫ້ມີຄວາມຄ່ອງແຄ້ວກວ່າເກົ່າ.

error: Content is protected !!