ໂໝດເຮືອບິນມີປະໂຫຍດຫຍັງແດ່ ?

- 0225042018 - ໂໝດເຮືອບິນມີປະໂຫຍດຫຍັງແດ່ ?
- Untitled design - ໂໝດເຮືອບິນມີປະໂຫຍດຫຍັງແດ່ ?

ຜູ້ໃຊ້ສະມ໊າດໂຟນ ຫລື ແທັບເລັດ ອາດຈະເຄີຍເຫັນ ຫລື ໃຊ້ງານໂໝດ Airplane Mode  ຫລື ໂໝດເຮືອບິນ ໂດຍໂໝດນີ້ຖືກສ້າງຂຶ້ນມາເພື່ອປິດການໃຊ້ງານລະບົບເຊື່ອມຕໍ່ແບບໄຮ້ສາຍທັງໝົດ (ສັນຍານໂທລະສັບ, WiFi, Bluetooth) ສຳລັບໃຊ້ເວລາຂຶ້ນເຮືອບິນ (ທີ່ບັງຄັບໃຫ້ປິດສັນຍານໂທລະສັບ) ແຕ່ຫລາຍຄົນອາດຍັງບໍ່ຮູ້ວ່າ Airplane Mode ນັ້ນ ສາມາດໃຊ້ປະໂຫຍດກັບສະຖານະການອື່ນໆໄດ້ອີກ ດັ່ງນີ້ :

  1. ຊ່ວຍປະຢັດແບັດເຕີຣີ : ການເປີດ Airplane Mode ຈະສົ່ງຜົນໃຫ້ລະບົບປິດການໃຊ້ງານລະບົບເຄືອຂ່າຍມືຖື, ລະບົບ WiFi ແລະ Bluetooth  ເຊິ່ງເປັນທີ່ຮູ້ກັນດີວ່າຟີເຈີເຫລົ່ານີ້ອາໄສການໃຊ້ງານແບັດເຕີຣີຫລາຍ ດັ່ງນັ້ນ ໃນເວລາທີ່ເຮົາບໍ່ໄດ້ໃຊ້ການເຊື່ອມຕໍ່ດັ່ງກ່າວ ກໍຈະຊ່ວຍໃຫ້ປະຢັດແບັດເຕີຣີໄດ້ຫລາຍຂຶ້ນ ໂດຍສະເພາະການຢູ່ໃນພື້ນທີ່ໆບໍ່ມີສັນຍານໂທລະສັບ (ເຊັ່ນ : ການໄປທ່ຽວປ່າ, ທ່ຽວເກາະດອນ, ເກາະກາງທະເລ ) ຈຶ່ງບໍ່ຕ້ອງໃຫ້ໜ່ວຍໂທລະສັບເຮັດວຽກໜັກເພື່ອຄົ້ນຫາສັນຍານເຄືອຂ່າຍ ໂດຍບໍ່ຕ້ອງປິດເຄື່ອງ ເຊິ່ງເຮັດໃຫ້ເຮົາສາມາດໃຊ້ຟີເຈີອື່ນໆຂອງສະມ໊າດໂຟນ ເຊັ່ນ : ການຖ່າຍຮູບ ຫລື ຟັງເພງໄດ້ຕາມປົກກະຕິ.
  2. ຊ່ວຍເຮັດໃຫ້ສາກໄຟແບັດເຕີຣີໄດ້ໄວຂຶ້ນ : ການສາກໄຟແບັດເຕີຣີທີ່ໄວທີ່ສຸດແມ່ນການເຮັດໃຫ້ໜ່ວຍໂທລະສັບຮັບກະແສໄຟຟ້າເຂົ້າໄປຢ່າງດຽວ, ແຕ່ຖ້າຫາກສາກໄປນຳແລ້ວກຳລັງໃຊ້ໄປນຳຈະເຮັດໃຫ້ໃຊ້ເວລາໃນການສາກຫລາຍຂຶ້ນ ສົ່ງຜົນໃຫ້ແບັດເຕີຣີຮ້ອນ ແລະ ເສື່ອມອາຍຸການໃຊ້ງານໄວຂຶ້ນນຳອີກ ດັ່ງນັ້ນ ຖ້າຢາກສາກໄຟແບັດເຕີຣີໃຫ້ເຕັມໄວໆ ຄວນເປີດ  Airplane Mode  ໄວ້, ແຕ່ຖ້າເປັນໂທລະສັບໃຜໂທມາຕອນນັ້ນກໍຈະໂທບໍ່ຕິດ ສະນັ້ນຕ້ອງວາງແຜນດີໆ.
  3. ຕັດການລົບກວນຈາກໂລກພາຍນອກ : ສຳລັບທ່ານໃດທີ່ຕ້ອງການຄວາມສະຫງົບ ບໍ່ຢາກຮັບຮູ້ຄວາມເປັນໄປຂອງໂລກພາຍນອກ (Social Network) ຫລື ບໍ່ຕ້ອງການໃຫ້ໃຜໂທຫາ ບໍ່ຕ້ອງເຖິງຂັ້ນປິດເຄື່ອງ ພຽງແຕ່ເປີດການໃຊ້ງານ Airplane Mode ກໍສາມາດຕອບສະໜອງຄວາມຕ້ອງການຂອງທ່ານໄດ້ ຫລື ໃຜທີ່ຕ້ອງການສະເພາະປິດເຄືອຂ່າຍມືຖືບໍ່ໃຫ້ຄົນອື່ນໂທຫາ, ແຕ່ຍັງຢາກຫລິ້ນອິນເຕີເນັດຜ່ານ WiFi ຢູ່ ກໍສາມາດເຮັດໄດ້ ໂດຍການເປີດ Airplane Mode ກ່ອນ ແລ້ວຈຶ່ງໄປເປີດ WiFi ຕາມຫລັງ.
- WhatsApp Image 2020 05 27 at 5 - ໂໝດເຮືອບິນມີປະໂຫຍດຫຍັງແດ່ ?
- WhatsApp Image 2020 05 27 at 5 - ໂໝດເຮືອບິນມີປະໂຫຍດຫຍັງແດ່ ?
- Wave100S AD to Website 2020 0 - ໂໝດເຮືອບິນມີປະໂຫຍດຫຍັງແດ່ ?
error: Alert: ເນື້ອຫາຂ່າວມີລິຂະສິດ !!