ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ

- 0425042018 - ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ
- Untitled design - ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ

- 0525042018 1 - ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ

ໃນຍາມອາກາດຮ້ອນໆຫລາຍຄົນອາດຊອກຫາອາຫານ ຫລື ເຄື່ອງດື່ມທີ່ຈະມາດັບຄວາມຮ້ອນ, ແກ້ກະຫາຍ, ແຕ່ຕ້ອງລະວັງຢ່າໄປກິນອາຫານທີ່ຍິ່ງໄປຕື່ມຄວາມຮ້ອນໃຫ້ແກ່ຮ່າງກາຍ ທຳລາຍສຸຂະພາບ ສົ່ງຜົນໃຫ້ຮ່າງກາຍສ່ຽງຕໍ່ການອັກເສບ ແລະ ເກີດພະຍາດໄດ້.

- Wave100S AD to Website 2020 0 - ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ
  1. ເຄື່ອງດື່ມອານກໍຮໍ : ເວລາເຮົາດື່ມເຄື່ອງດື່ມອານກໍຮໍຈະຮູ້ສຶກອອກຮ້ອນ ເພາະອານກໍຮໍຈະໄປເຮັດໃຫ້ເສັ້ນເລືອດຂະຫຍາຍ ຫາກດື່ມໃນເວລາທີ່ອາກາດຮ້ອນອົບເອົ້າຫລາຍມີໂອກາດທີ່ທ່ານຈະຊັອກໄດ້ເລີຍ. ນອກຈາກນີ້, ອານກໍຮໍຍັງມີຜົນຮ້າຍກັບຕັບທີ່ສຸດ ເພາະເມື່ອດື່ມເຂົ້າໄປແລ້ວຈະໄປຕື່ມຄວາມຮ້ອນໃຫ້ຕັບ ເຮັດໃຫ້ຕັບຕ້ອງເຮັດວຽກໜັກຂຶ້ນໃນການລ້າງພິດເຫລົ້າ ຈຶ່ງເຮັດໃຫ້ຍິ່ງເກີດຂະບວນການອັກເສບຂຶ້ນໃນຮ່າງກາຍເຮົາ.
  2. ເຄື່ອງດື່ມທີ່ມີກາເຟອີນ : ຊາ, ກາເຟ ເພາະກາເຟອີນມີລິດເຮັດໃຫ້ເຮົາຕ້ອງຍ່ຽວຫລາຍຂຶ້ນ ເປັນການໄລ່ນຳ້ອອກຈາກຮ່າງກາຍ ເມື່ອຮ່າງກາຍຂາດນຳ້ ເຮົາຈະຮູ້ສຶກອ່ອນເພຍໄດ້ງ່າຍຂຶ້ນ. ນອກຈາກນີ້, ລິດຂອງກາເຟອີນຍັງໄປກະຕຸ້ນເຖິງສະໝອງ ເຮັດໃຫ້ເກີດອາການກະວົນກະວາຍ, ໃຈສັ່ນ. ດັ່ງນັ້ນຈຶ່ງບໍ່ຄວນດື່ມກາເຟໃນມື້ທີ່ຕ້ອງອອກໄປເຮັດວຽກ ຕາກແດດ ຫລື ຖ້າຕິດກາເຟແທ້ໆບໍ່ດື່ມບໍ່ໄດ້ ກໍຂໍໃຫ້ດື່ມນຳ້ຫລາຍໆຫລັງຈາກທີ່ດື່ມກາເຟແລ້ວ.
  3. ເຂົ້າໜົມຫວານ : ບໍ່ວ່າຈະແມ່ນເຂົ້າໜົມອົມ, ເຂົ້າໜົມເຄັກ, ເຂົ້າໜຽວໝາກມ່ວງ, ນຳ້ຫວານຕ່າງໆ ກໍຈະເຮັດໃຫ້ຮ່າງກາຍເຮົາຮ້ອນຂຶ້ນໄດ້ ເພາະເມື່ອຮ່າງກາຍເຜົາຜານນຳ້ຕານຈະສ້າງຄວາມຮ້ອນຂຶ້ນມາ ແລະ ຍັງປ່ອຍຂີ້ເຫຍື້ອທີ່ເກີດຈາກການເຜົາຜານອອກມາທຳລາຍຮ່າງກາຍນຳ.
  4. ອາຫານຈືນ, ອາຫານມັນ : ໄດ້ຮັບຄວາມຮ້ອນມາຈາກນຳ້ມັນທີ່ໃຊ້ຈືນ ແລະ ນຳ້ມັນຈືນນີ້ທີ່ເຮັດໃຫ້ຮ່າງກາຍເຮົາຮ້ອນ ແລະ ເກີດການອັກເສບໄດ້ ບໍ່ວ່າຈະແມ່ນນົມເນີຍ, ນຳ້ຕານທຽມ, ຄຣີມທຽມ ຖືເປັນອາຫານໃຫ້ພະລັງງານກາລໍຣີຫລາຍ ເຮັດໃຫ້ຮ່າງກາຍເກີດການອັກເສບ ແລະ ກະທົບຕໍ່ລະບົບຫລອດເລືອດ ແລະ ຫົວໃຈໄດ້.
  5. ອາຫານເຄັມ : ຍິ່ງກິນເຄັມເທົ່າໃດ ໝາກໄຂ່ຫລັງກໍຍິ່ງເຮັດວຽກໜັກຂຶ້ນເທົ່ານັ້ນ ເຊິ່ງປົກກະຕິແລ້ວໃນຍາມຮ້ອນ ໝາກໄຂ່ຫລັງຂອງເຮົາຈະເຮັດວຽກໜັກຢູ່ແລ້ວ ເພື່ອຮັກສານຳ້ໄວ້ໃນຮ່າງກາຍໄວ້ຫລໍ່ລ້ຽງອະໄວຍະວະ ແລະ ໄລ່ເຫື່ອດັບຮ້ອນ, ແຕ່ຖ້າເຮົາຍິ່ງກິນອາຫານເຄັມໆຕື່ມລົງໄປອີກ ຈະຍິ່ງກົດດັນໃຫ້ໝາກໄຂ່ຫລັງຕ້ອງເຮັດວຽກໜັກຂຶ້ນ. ດັ່ງນັ້ນ, ທ່ານ ຈຶ່ງຄວນຫລຸດການບໍລິໂພກອາຫານເຄັມໆລົງ.
  6. ໝາກໄມ້ລົດຊາດຫວານຄືນຳ້ຕານ : ໝາກຖົ່ວລຽນ, ໝາກມີ້, ໝາກລຳໄຍ ແລະ ອື່ນໆກໍສາມາດກິນໄດ້, ແຕ່ບໍ່ຄວນ ກິນຫລາຍຈົນເກີນໄປ ເພາະໃນໝາກໄມ້ເຫລົ່ານີ້ມີນຳ້ຕານຟຣຸກໂຕສ ເຊິ່ງມີສ່ວນໃນການສ້າງອະນຸມູນອິດສະລະ ແລະ ໄຂມັນໃນຮ່າງກາຍ ໂດຍສະເພາະໝາກຖົ່ວລຽນຕ້ອງລະວັງຢ່າກິນຫລາຍຈົນເກີນໄປ ເພາະໃນຊີ້ນໝາກຖົ່ວລຽນມີກຳມະຖັນ ເຊິ່ງເປັນແຮ່ທາດທີ່ສ້າງຄວາມຮ້ອນໃຫ້ຮ່າງກາຍຫລາຍເມື່ອມາປະສົມກັບນຳ້ຕານຟຣຸກໂຕສ ຍິ່ງເຮັດໃຫ້ຮ່າງກາຍຮູ້ສຶກຮ້ອນຂຶ້ນ.
  7. ນຳ້ອັດລົມ, ເຄື່ອງດື່ມລົດຊາດຫວານ : ຫລາຍຄົນອາດຄິດໃນໃຈວ່າຍິ່ງອາກາດຮ້ອນກໍຕ້ອງກິນນຳ້ຫວານ ນຳ້ອັດລົມ ຈຶ່ງຈະສ້າງຄວາມສົດຊື່ນຄາຍຮ້ອນໄດ້, ແຕ່ກໍຕ້ອງຍອມຮັບວ່າເຄື່ອງດື່ມຫວານໆເຢັນໆຊ່ວຍໃຫ້ຄວາມສົດຊື່ນໄດ້ແທ້ ແຕ່ຖ້າດື່ມຫລາຍເກີນໄປກໍຍິ່ງເຮັດໃຫ້ກະຫາຍນຳ້ຍິ່ງຂຶ້ນໄດ້ຄືກັນ ເພາະໃນເຄື່ອງດື່ມເຫລົ່ານີ້ມີນຳ້ຕານ ແລະ ມີກົດໄປ ທຳລາຍຜິວເຄືອບແຂ້ວໄດ້.
- WhatsApp Image 2020 05 27 at 5 - ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ
- WhatsApp Image 2020 05 27 at 5 - ອາຫານການກິນທີ່ຕ້ອງລະວັງຫລາຍຂຶ້ນໃນຍາມຮ້ອນ
error: Alert: ເນື້ອຫາຂ່າວມີລິຂະສິດ !!