ທ່ານ ກິມ ຈ໋ອງອຸນ ກຽມສ້າງປະຫວັດສາດ ຂ້າມເຂດແດນສອງເກົາຫລີ
ສຳນັກຂ່າວຕ່າງປະເທດລາຍງານວ່າ: ທ່ານ ອິມ ຈ໋ອງ ຊ໊ອກ ຫົວໜ້າຄະນະເຈົ້າໜ້າທີ່ປະຈຳທຳນຽບປະທານາທິບໍດີ ສ.ເກົາຫລີ ຫລື ຊອງວາແດ ຖະແຫລງກ່ຽວກັບກຳນົດການເບື້ອງຕົ້ນຂອງກອງປະຊຸມສຸດຍອດ ລະຫວ່າງປະທານາທິບໍດີ ມຸນ ແຈອິນ ກັບທ່ານ ກິມ ຈ໋ອງອຸນ ຜູ້ນຳສູງສຸດຂອງ ສ.ເກົາຫລີ ວ່າຈະເລີ່ມຂຶ້ນແຕ່ເວລາ 09:30 ໂມງ ຕາມເວລາທ້ອງຖິ່ນ ຂອງວັນທີ 27 ເມສານີ້ (07:30 ໂມງ ຕາມເວລາຢູ່ລາວ).
ທັງນີ້, ທ່ານ ມຸນ ແຈອິນ ແລະ ຄະນະເຈົ້າໜ້າທີ່ລະດັບສູງຂອງລັດຖະບານເຊອຸນ ຈະໄປຕ້ອນຮັບທ່ານ ກິມ ຈ໋ອງອຸນ ແລະ ຄະນະຜູ້ຕິດຕາມອີກ 9 ຄົນ ເຊິ່ງລວມທັງທ່ານ ກິມ ຢອງນຳ ປະທານສະພາປະຊາຊົນສູງສຸດແຫ່ງຊາດ ແລະ ທ່ານ ນາງ ກິມ ໂຢຈອງ ນ້ອງສາວຂອງທ່ານ ກິມ ຈ໋ອງອຸນ ຢູ່ເສັ້ນແບ່ງເຂດແດນທາງທະຫານ (MDL) ໂດຍທ່ານ ກິມ ຈ໋ອງອຸນ ຈະຖືເປັນຜູ້ນຳສູງສຸດຂອງ ສປປ ເກົາຫລີ ຄົນທຳອິດໃນປະຫວັດສາດ ເຊິ່ງເດີນທາງຂ້າມເສັ້ນ MDL ມາບ້ານປັນມຸນຈອມເບື້ອງ ສ.ເກົາຫລີ.
No need to wait for Friday. South Korean TV has already envisaged the first encounter between Kim Jong Un and Moon Jae-in pic.twitter.com/VG6exHpitc
— Anna Fifield (@annafifield) April 25, 2018
ຕໍ່ຈາກນັ້ນ, ປະທານາທິບໍດີ ສ.ເກົາຫລີ ຈະນຳພາຜູ້ນຳສູງສຸດຂອງ ສປປ ເກົາຫລີ ກວດແຖວກອງທະຫານກຽດຕິຍົດ ແລ້ວຍ່າງເຂົ້າສູ່ອາຄານສັນຕິພາບພ້ອມກັນ ເພື່ອເລີ່ມການຫາລືຢ່າງເປັນທາງການຮອບທຳອິດໃນເວລາ 10:30 ຕາມເວລາທ້ອງຖິ່ນ (08:30 ໂມງ ຕາມເວລາຢູ່ລາວ) ເຊິ່ງໜຶ່ງໃນບັນຫາສຳຄັນຂອງກອງປະຊຸມຄືການປົດນິວເຄຼຍຢູ່ແຫລມເກົາຫລີ ແລະ ລັດຖະບານເຊອຸນຍອມຮັບວ່າ ເປັນຫົວຂໍ້ການຫາລື “ສຳຄັນທີ່ສຸດ” ເນື່ອງຈາກຕ້ອງຂຶ້ນຢູ່ກັບທ່າທີຂອງລັດຖະບານພຽງຢາງເປັນສຳຄັນ.
(LEAD) Moon-Kim summit to start early Friday, forge personal ties https://t.co/2ygI85HNGx
— Yonhap News Agency (@YonhapNews) April 26, 2018
ພາຍຫລັງສຳເລັດກອງປະຊຸມຮອບທຳອິດ, ຄະນະຂອງຜູ້ນຳ ສປປ ເກົາຫລີ ແລະ ສ.ເກົາຫລີ ແຍກກັນພັກຮັບປະທານອາຫານທ່ຽງ ກ່ອນກັບມາເຮັດພິທີປູກຕົ້ນໄມ້ “ເພື່ອສັນຕິພາບ ແລະ ຄວາມຮຸ່ງເຮືອງ” ໃກ້ກັບເສັ້ນ MLD ແລ້ວຈຶ່ງພົບປະຫາລືກັນຕໍ່ໃນຕອນບ່າຍ ທີ່ຈະມີການລົງນາມຮ່ວມກັນໃນ “ເອກະສານສະບັບສຳຄັນ” ແລະ ອັດທ້າຍດ້ວຍພິທີລ້ຽງອາຫານຄໍ່າຢ່າງເປັນທາງການສຳລັບທ່ານ ກິມ ຈ໋ອງອຸນ ເຊິ່ງທ່ານ ມຸນ ແຈອິນ ເປັນເຈົ້າພາບ.
