EU ກຽມຂະຫຍາຍເວລາຂວ້ຳບາດ ກອງທັບມຽນມາຈາກວິກິດລັດຍະໄຂ່
ສຳນັກຂ່າວຕ່າງປະເທດລາຍງານວ່າ: ແຫລ່ງຂ່າວເຈົ້າໜ້າທີ່ການທູດຂອງສະຫະພາບເອີຣົບ (EU) ເປີດເຜີຍວ່າ: EU ກຽມຂະຫຍາຍເວລາມາດຕະການຂວ້ຳບາດທາງອາວຸດຕໍ່ກອງທັບມຽນມາອອກໄປອີກ 1 ປີ ຈາກທີ່ເຄີຍກຳນົດສິ້ນສຸດເດືອນເມສານີ້.
EU ກ່າວຫາວ່າ: ປະຕິບັດການທາງທະຫານຂອງມຽນມາໃນການໃຊ້ກຳລັງເຂົ້າກວາດລ້າງຊາວໂຣຮິນຈາໃນລັດຍະໄຂ່ ທີ່ເລີ່ມຂຶ້ນໃນເດືອນສິງຫາປີຜ່ານມາ ເປັນການລະເມີດສິດທິມະນຸດຂັ້ນຮຸນແຮງ ແລະ ກະທຳຢ່າງມີລະບົບ ເຊິ່ງນຳໄປສູ່ການຫລັ່ງໄຫລຂ້າມຊາຍແດນເຂົ້າສູ່ບັງກະລາເທດຂອງຜູ້ອົບພະຍົບຊາວໂຣຮິນຈາເກືອບ 700.000 ຄົນ ຈຶ່ງເລີ່ມໃຊ້ມາດຕະການຂວ້ຳບາດຕໍ່ກອງທັບໃນເດືອນຕຸລາ.
ນອກຈາກຂະຫຍາຍເວລາມາດຕະການເກົ່າທີ່ມີຢູ່ແລ້ວ, ແຫລ່ງຂ່າວຍັງເປີດເຜີຍວ່າ ອາດຈະມີການປະກາດໃຊ້ມາດຕະການງົດເວັ້ນວີຊາ ແລະ ອາຢັດຊັບສິນຕໍ່ເຈົ້າໜ້າທີ່ລະດັບສູງຂອງກອງທັບມຽນມາ ໃນເດືອນພຶດສະພາ ຫລື ມິຖຸນານີ້.
