ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ

ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ - 1 puetsapha - ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ
ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ - Untitled design - ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ

ພາຍຫຼັງສະເຫຼີມສະຫຼອງປີໃໝ່ລາວ ພສ 2561 ຢ່າງມ່ວນຊື່ນນັ້ນ ປະຊາຊົນລາວກໍຮັບໂຊກ ເພາະລັດຖະບານເຮົາເພິ່ນໄດ້ປະກາດ ຂຶ້ນຄ່າແຄງງານຂັ້ນຕໍ່າ ຈາກ 9 ແສນກີບ ມາເປັນ 1.1 ລ້ານກີບ ໃນວັນທີ 20 ເມສາ 2018 ທີ່ຜ່ານມາ ແຕ່ຫຼາຍຄົນກໍຍັງ ຄິດນຳບໍ່ເລີກວ່າ ຈະປັບຄ່າແຮງງານ ຫຼື ປັບຄ່າຄອງຊີບລົງ ຈຶ່ງຈະດີກວ່າ?

ມັນເປັນທີ່ຈະແຈ້ງວ່າ ກ່ອນອອກແຈ້ງການສະບັບນີ້ ທາງພາກສ່ວນທີ່ກ່ຽວຂ້ອງ ໂດຍສະເພາະກະຊວງແຮງງານ ແລະສະຫວັດດິການ-ສັງຄົມ, ກຳມະບານລາວ ແລະພາກສ່ວນອື່ນໆ ເພິ່ນກໍໄດ້ປຶກສາຫາລືກັນຫຼາຍລົບຫຼາຍຕ່າວ ແລ້ວ ເພື່ອໃຫ້ຜູ້ເຮັດວຽກທີ່ໄດ້ຮັບເງິນເດືອນຂັ້ນຕໍ່າ ໂດຍສະເພາະໃນບາງຂະແໜງການ ມີແຮງຈູງໃຈຂຶ້ນແດ່ ເຊິ່ງກໍເປັນບາດກ້າວທີ່ສຳຄັນ ເຖິງຈະມີຄວາມຄິດເຫັນທີ່ແຕກຕ່າງກັນໄປ, ບາງຜ່ອງກໍວ່າ “ການຂຶ້ນຄ່າແຮງງການຂັ້ນຕໍ່າແມ່ນເປັນການດີທີ່ຈະປັບປຸງຊີວິດ ຊາວຜູ້ອອກແຮງງານທີ່ກິນເງິນເດືອນຂັ້ນຕໍ່າ” ແຕ່ບາງຜ່ອງກໍວ່າ “ການຂຶ້ນຄ່າແຮງງານຂັ້ນຕໍ່ານີ້ ຍິ່ງຈະເຮັດໃຫ້ໄພວ່າງງານໃນລາວເພີ່ມສູງຂຶ້ນ ເພາະນາຍຈ້າງ ມັກຈະເວົ້າ ເລື້ອຍໆວ່າ ແຮງງານລາວຂາດທັກສະ ແຕ່ຂຶ້ນຄ່າແຮງງານຕຶ່ມອີກ” ແລະ ອື່ນໆ.

ແຕ່ສິ່ງສຳຄັນ ທີ່ປະຊາຊົນໃຫ້ຄວາມສົນໃຈຫຼາຍທີ່ສຸດ ເມື່ອເວົ້າເລື່ອງ ຄ່າແຮງງານຂັ້ນຕໍ່າມາເທື່ອໃດ ກໍຄິດໃສ່ແຕ່ວ່າ ມັນຊິມີປະໂຫຍດຫຍັງຫຼາຍ ໃນການເພີ່ມຄ່າແຮງງານຂັ້ນຕໍ່າຂຶ້ນພຽງເລັກນ້ອຍ ແຕ່ຄ່າຄອງຊີບ ພັດຖີບຕົວສູງຂຶ້ນ!

ໃນປັດຈຸບັນ ອາຫານຢູ່ໃນເມືອງໂດຍສະເພາະ ຢູ່ນະຄອນຫຼວງວຽງຈັນ ຊີ້ນງົວ ໂລລະ 70-80 ພັນກີບ, ຖ້າວ່າພະນັກງານຄົນນຶ່ງມີ ເງິນເດືອນ ເດືອນລະ 1.1 ລ້ານກີບ, ຖ້າລາວເຮັດວຽກ 20 ມື້ຕໍ່ເດືອນ ສະແດງວ່າ ລາວໄດ້ມື້ລະ 55,000 ກີບ ເຊິ່ງລາວຕ້ອງເຮັດວຽກຮອດ ມື້ເຄິ່ງຈຶ່ງສາມາດ ຊື້ຊີ້ນງົວໂລນຶ່ງໄດ້, ສະນັ້ນ ຊີ້ນງົວ ອາດບໍ່ແມ່ນທາງເລືອກທີ່ດີສຳລັບລາວຜູ້ນີ້ ເພາະລາວຍັງມີລາຍຈ່າຍອື່ນໆອີກ ເຊັ່ນຄ່າບັດໂທລະສັບ, ບາງທີ ມັນກໍຍາກໃຈສຳລັບລາວທີ່ຈະໄປງານສັງຄົມ ຫຼື ສົ່ງລູກຮຽນໜັງສື ແລະ ພວກເຮົາກໍເຂົ້າໃຈດີວ່າ 70% ຂອງ ຜູ້ໄດ້ຮັບຄ່າແຮງງານຂັ້ນຕໍ່ານັ້ນ ແມ່ນແຮງງານນອກລະບົບ, ໝາຍວ່າ ເຂົາເຈົ້າອາດບໍ່ມີ ສະຫວັດດິການ ທີ່ດີພໍເທົ່າໃດ, ເມື່ອເວລາເຈັບເປັນ ເຂົາເຈົ້າອາດກຸ້ມຕົນເອງທັງໝົດ, ເພາະສະນັ້ນ ຖ້າຂາດການບໍລິຫານທີ່ດີ ກໍຈະກາຍເປັນຄົນມີໜີ້ສິນຖ້ວມຄໍຄັກໆ.

ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ - Wave100S AD to Website 2020 0 - ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ

ຫຼາຍຄົນຮັບຮູ້ດີວ່າ ບັນດາປະເທດອ້ອມຂ້າງມີຄ່າຄອງຊີບທີ່ຂ້ອນຂ້າງຕໍ່າກວ່າເຮົາ, ສິ່ງທີ່ຜູ້ຂຽນເຫັນຈະແຈ້ງ ແມ່ນ ລາຄາ ອາຫານ ທີ່ເປັນປັດໄຈພື້ນຖານທີ່ສຸດສຳລັບເພື່ອການດຳລົງຊີບ ເຊິ່ງເປັນເຫດຜົນວ່າ ຄົນລາວຫຼັ່ງໄຫຼ ໄປບ້ານເພິ່ນ ເພື່ອຊື້ອາຫານ, ເຄື່ອງໃຊ້ ຕ່າງໆ ເລື້ອຍໆ.

ການຂຶ້ນຄ່າແຮງງານຂັ້ນຕໍ່າຂອງພວກເຮົາ ເປັນສິ່ງທີ່ສຳຄັນໃນການປັບປຸງຊີວິດການເປັນຢູ່ຂອງປະຊາຊົນ ແຕ່ສິ່ງ ຈຳເປັນແມ່ນການປັບຄ່າຄອງຊີບລົງ ໃຫ້ສົມດຸນກັບລາຍຮັບຂອງປະຊາຊົນສ່ວນໃຫຍ່, ເຊິ່ງກໍເຂົ້າໃຈດີວ່າ ມັນບໍ່ແມ່ນເລື່ອງງ່າຍດາຍພໍປານໃດ ເພາະເຊື່ອມໂຍງກັບຫຼາຍປັດໄຈ ບໍ່ວ່າໂຄງຮ່າງພື້ນຖານຕ່າງໆ, ລະບົບການຜະລິດ, ເງື່ອນໄຂພູມສັນຖານ ແລະອື່ນໆ ແຕ່ມັນກໍຈຳເປັນສຳລັບພວກເຮົາ ທີ່ຈະເຮັດໃຫ້ຄ່າຄອງຊີບ ຕໍ່າລົງກວ່ານີ້ ເຊິ່ງອາດບໍ່ແມ່ນມີຜົນດີສະເພາະຜູ້ໄດ້ຄ່າແຮງງານຂັ້ນຕໍ່າ ແຕ່ອາດມີຜົນດີຕໍ່ລະບົບເສດຖະກິດພວກເຮົາໂດຍລວມ ເຊັ່ນວ່າ ວຽກງານທ່ອງທ່ຽວ ແລະ ອື່ນໆ.

ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ - WhatsApp Image 2020 05 27 at 5 - ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ
ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ - WhatsApp Image 2020 05 27 at 5 - ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ
error: Alert: ເນື້ອຫາຂ່າວມີລິຂະສິດ !!