ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້

- nintchdbpict000401973106 - ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້
- Untitled design - ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້

ຜູ້ນຳ​ສູງ​ສຸດ​ຂອງ ສປປ ​ເກົາຫລີ ກ່າວ​ກັບ​ປະທານາທິບໍດີ ສ.​ເກົາຫລີ ວ່າ: ຖານ​ທົດ​ລອງ​ນິວ​ເຄຼຍຂະໜາດ​ໃຫຍ່​ໃນ​ປະ​ເທດ​ຈະ​ປິດ​ໃນ​ເດືອນ​ໜ້າ ​ແລະ ຈະ​ອະນຸຍາດ​ໃຫ້​ຜູ້​ສັງ​ເກດ​ການ ລວມທັງ​ສື່​ມວນ​ຊົນ​ຂອງ​ອາ​ເມ​ລິ​ກາ​ເຂົ້າ​ໄປ​ກວດ​ສອບ.

- 2018 04 27t180717z 2011672497 rc17fa95f0d0 rtrmadp 3 northkorea southkorea summit - ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຢຸນ ຢອງ​ຊານ ​ໂຄສົກ​ທຳນຽບປະທານາທິບໍດີ ສ.​ເກົາຫລີ ຫລື ຊອງ​ວາ​ແດ ຖະ​ແຫລ​ງ​ໃນ​ວັນ​ທີ 29 ​ເມສາ​ວ່າ: ປະທານາທິບໍດີ ມຸນ ​ແຈ​ອິນ ​ແລະ ທ່ານ ກິມ ຈ໋ອງອຸນ ​ເຫັນ​ພ້ອມ​ກັນ​ລະຫວ່າງ​ການ​ພົບ​ປະ​ຫາລື ຢູ່​ປານ​ມຸນ​ຈອມ​ເບື້ອງ ສ.​ເກົາຫລີ ​ໃນ​ວັນ​ທີ 27 ​ເມສາ​ວ່າ: ລັດຖະບານ​ພຽງ​ຢາງ​ຈະ​ປິດ​ຖານ​ທົດ​ລອງ​ນິວ​ເຄຼຍປຸງ​ເກຣີ ​ໃນ​ພາກ​ຕາ​ເວັນ​ອອກສຽງ​ເໜືອ​ຂອງ ສປປ ​ເກົາຫລີ ຢ່າງ​ເປັນ​ທາງ​ການ ​ໃນ​ລະຫວ່າງ​ເດືອນ​ພຶດສະພາ​ນີ້, ຈາກ​ນັ້ນຈະ​ມີ​ການ​ເຊີນ​ຄະນະ​ຜູ້​ສັງ​ເກດ​ການ​ນາໆ​ຊາດ ພ້ອມ​ສື່​ມວນ​ຊົນ​ຂອງ ສ.​ເກົາຫລີ ​ແລະ ອາ​ເມ​ລິ​ກາ ​ເຂົ້າ​ໄປ​ກວດ​ສອບ​ສະຖານ​ທີ່​ເພື່ອ​ຄວາ​ມ​ໂປ່​ງ​ໃສ.

- 2018 04 27t114336z 132169318 rc16f1802900 rtrmadp 3 northkorea southkorea summit - ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້

​ຂະນະ​ດຽວ​ກັນ, ທ່ານ ກິມ ຈ໋ອງອຸນ ຍັງ​ກ່າວ​ກັບ​ທ່ານ ມຸນ ​ແຈ​ອິນ ອີກ​ວ່າ: ສະຖານະ​ການ​ຢູ່​ແຫລມ​ເກົາຫລີ​ຕໍ່​ຈາກ​ນີ້​ຈະ​ບໍ່ຊ້ຳຮອຍ​ສົງຄາມ​ອັນ​ເຈັບ​ປວດ​ທີ​່​ເຄີຍ​ເກີດ​ຂຶ້ນ, ​ແຕ່​ທຸກ​ພາກສ່ວນ​ທີ່​ກ່ຽວຂ້ອງ​ຕ້ອງ​ມີ​ມາດ​ຕະການ​ອັນ​ເປັນ​ຮູບ​ປະ​ທຳ​ຮ່ວມ​ກັນ ​ເພື່ອ​ປ້ອງ​ກັນ​ການ​ຜະ​ເຊີນ​ໜ້າ​ທາງ​ທະຫານ ຫລື ຄວາມ​ຂັດ​​ແຍ່ງ​ດ້ານ​ອາວຸດ. ນອກຈາກ​ນີ້ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ຍັງ​ເຫັນ​ພ້ອມ​ກັບ​ມາ​ໃຊ້​ເວລາ​ມາດ​ຕະຖານ​ຢູ່​ແຫລມ​ເກົາຫລີ​ໃຫ້​ເທົ່າ​ກັບ​ເວລາ​ຂອງ ສ.​ເກົາຫລີ ຫລັງ​ເຄີຍ​ກຳນົດ​ເມື່ອ 3 ປີ​ກ່ອນ ​ໃຫ້​ເວລາ​ທ້ອງ​ຖິ່ນ​ຂອງ ສປປ ​ເກົາຫລີ ຊ້າ​ກວ່າ​ຂອງ ສ.​ເກົາຫລີ 30 ນາທີ.

ທັງ​ນີ້, ຖານ​ທົດ​ລອງ​ນິວ​ເຄຼຍປຸງ​ເກຣີ ຕັ້ງຢູ່​​ແຂວງ​ຮຳ​ກອງ​ເໜືອ ​ເປັນ​ສະຖານ​ທີ່​ທົດ​ລອງ​ລະ​ເບີດ​ນິວ​ເຄຼຍຂອງ ສປປ ​ເກົາຫລີ ທັງ 6 ຄັ້ງ ນັບ​ແຕ່​ປີ 2006 ​ແລະ ການ​ທົດ​ລອງ​ລະ​ເບີດ​ນິວ​ເຄຼຍຄັ້ງຫລ້າ​ສຸດ​ຂອງ​ລັດຖະບານ​ພຽງ​ຢາງ​ເກີດ​ຂຶ້ນ​ໃນ​ວັນ​ທີ 3 ກັນຍາ​ປີຜ່ານມາ ​ໂດຍ​ລະ​ເບີດ​ມີ​ອານຸພາບ​ຮຸນ​ແຮງ​ກວ່າ​ການ​ທົດ​ລອງ​ທຸກ​ຄັ້ງ.

- WhatsApp Image 2020 05 27 at 5 - ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້
- WhatsApp Image 2020 05 27 at 5 - ສປປ ເກົາຫລີ ກຽມປິດ ຖານທົດລອງນິວເຄຼຍ ໃນເດືອນພຶດສະພານີ້
error: Alert: ເນື້ອຫາຂ່າວມີລິຂະສິດ !!