ຊາອຸດິດໂຈມຕີທາງອາກາດໃນເຢເມນ ມີຜູ້ເສຍຊີວິດແລ້ວເຄິ່ງຮ້ອຍ

- n82899454 72310218 - ຊາອຸດິດໂຈມຕີທາງອາກາດໃນເຢເມນ ມີຜູ້ເສຍຊີວິດແລ້ວເຄິ່ງຮ້ອຍ
- Untitled design - ຊາອຸດິດໂຈມຕີທາງອາກາດໃນເຢເມນ ມີຜູ້ເສຍຊີວິດແລ້ວເຄິ່ງຮ້ອຍ

ກອງທັບ​ອາຣັບບີ ຊາ​ອຸ​ດິດ ປະຕິບັດ​ການ​ໂຈມ​ຕີ​ທາງ​ອາກາດ​ຖະຫລົ່ມ​ເປົ້າໝາຍ​ຂະໜາດ​ໃຫຍ່ 2 ​ແຫ່ງ​ໃນ​ນະຄອນຫລວງ​ຊາ​ນາ ​ໃນ​ທ້າຍ​ອາທິດ​ຜ່ານ​ມາ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ລວມກັນ​ບໍ່​ຕໍ່າກວ່າ 50 ຄົນ ລວມທັງ​ສະມາຊິກ​ລະດັບ​ສູງ 2 ຄົນ​ຂອງ​ກະບົດ​ຮູ​ຕີ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສະຖານີ​ໂທລະພາບອັລ-ອັດ​ບາຣິຢາ ໜຶ່ງ​ໃນ​ກະບອກ​ສຽງ​ຂອງ​ລັດຖະບານຣິຢາດ ລາຍ​ງານ​ວ່າ: ກອງທັບ​ອາຣັບບີ ຊາ​ອຸ​ດິດ ປະຕິບັດການ​ໂຈມ​ຕີ​ທາງ​ອາກາດ​ຫລາຍ​ຄັ້ງຕໍ່​ເປົ້າໝາຍ​ຂະໜາດ​ໃຫຍ່ ຄື​ອາຄານ​ກະຊວງ​ພາຍ​ໃນ ​ແລະ ສຳນັກງານ​ຕຳຫລວດ ​ໃນ​ນະຄອນຫລວງ​ຊາ​ນາ ​ເຊິ່ງຢູ່​ພາຍ​ໃຕ້​ການ​ຍຶດຄອງ​ຂອງ​ກອງ​ກຳລັງ​ຮູ​ຕີ ​ເຊິ່ງມີ​ແນວ​ຄິດ​ຝັກ​ໄຝ່ອີຣານ ລະຫວ່າງ​ວັນ​ທີ 27-28 ​ເມສາ​ນີ້ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ລວມກັນ “ຫລາຍ​ກວ່າ 50 ຄົນ” ​ໃນ​ຈຳນວນ​ນີ້ 2 ຄົນ​ເປັນ​ສະມາຊິກ​ລະດັບ​ສູງ​ຂອງ​ກະບົດ​ຮູ​ຕີ ​ແລະ ຍັງ​ມີ​ຜູ້​ໄດ້​ຮັບ​ບາດ​ເຈັບ​ອີກ​ເປັນ​ຈຳນວນ​ຫລາຍ.

ຂະນະ​ດຽວ​ກັນ, ຖະ​ແຫລ​ງການ​ຂອງ​ກອງທັບ​ອາຣັບບີ ຊາ​ອຸ​ດິດ ລະບຸ​ວ່າ: ລະບົບ​ປ້ອງ​ກັນ​ທາງ​ອາກາດ​ສາມາດ​ສະກັດ​ການ​ໂຈມ​ຕີ​ຂອງ​ລູກ​ສອນ​ໄຟ 4 ລູກ ​ເຊິ່ງຖືກ​ຍິງ​ມາ​ຈາກ​ເຂດ​ອິດ​ທິພົນ​ຂອງ​ກຸ່ມ​ຮູ​ຕີ​ໃນ​ເຢ​ເມນ ​ໂດຍ​ລູກ​ສອນ​ທັງ 4 ລູກ​ມີ​ທິດ​ທາງ​ມຸ່ງ​ມາ​ແຂວງ​ຈາ​ຊານ ທາງ​ຕາ​ເວັນ​ຕົກ​ສຽງ​ໃຕ້​ຂອງ​ປະ​ເທດ ​ເຊິ່ງມີ​ຊາຍ​ແດນ​ຕິດ​ກັບ​ພາກ​ເໜືອ​ຂອງ​ເຢ​ເມນ.

- Wave100S AD to Website 2020 0 - ຊາອຸດິດໂຈມຕີທາງອາກາດໃນເຢເມນ ມີຜູ້ເສຍຊີວິດແລ້ວເຄິ່ງຮ້ອຍ
- WhatsApp Image 2020 05 27 at 5 - ຊາອຸດິດໂຈມຕີທາງອາກາດໃນເຢເມນ ມີຜູ້ເສຍຊີວິດແລ້ວເຄິ່ງຮ້ອຍ
- WhatsApp Image 2020 05 27 at 5 - ຊາອຸດິດໂຈມຕີທາງອາກາດໃນເຢເມນ ມີຜູ້ເສຍຊີວິດແລ້ວເຄິ່ງຮ້ອຍ
error: Alert: ເນື້ອຫາຂ່າວມີລິຂະສິດ !!