ຣອນນີ ຕົກຮອບ 2 ສະນຸກເກີຊີງແຊ້ມໂລກ

- news201804290039140 - ຣອນນີ ຕົກຮອບ 2 ສະນຸກເກີຊີງແຊ້ມໂລກ
- Untitled design - ຣອນນີ ຕົກຮອບ 2 ສະນຸກເກີຊີງແຊ້ມໂລກ

ຣອນນີ ​ໂອ​ຊຸ​ລິ​ແວນ ນັກ​ສະນຸກ​ເກີ​ມື 2 ຂອງ​ໂລກຊາວ​ອັງກິດ ທີ່​ຖືກ​ວາງ​ໃຫ້​ເປັນ​ເບີ 1 ພາດ​ທ່າ​ຕົກ​ຮອບ 2 ຫລື ຮອບ 16 ຄົນ​ສຸດ​ທ້າຍ ​ໃນ​ການ​ແຂ່ງຂັນ​ສະນຸກ​ເກີ ຊີງ​ແຊ້ມ​ໂລກ 2018 ທີ່​ປະ​ເທດ​ອັງກິດ ​ໃນ​ວັນ​ທີ 28 ​ເມສາ ຫລັງ​ເສຍ​​ໄຊ​​ໃຫ້ ອາລີ ຄາຣ​ເຕີ ມື 15 ຂອງ​ໂລກ​ຈາກ​ອັງກິດ 9-13 ​ເຟຣມ.

ການ​ຕົກ​ຮອບ​ໃນ​ຄັ້ງນີ້ ​ໄດ້​ເຮັດ​ໃຫ້ ຣອນນີ ທີ​່ມີ​ແຟນສະນຸກ​ເກີ​ຕາມ​ເຊຍ​ຫລາຍ​ທີ່​ສຸດ​ໃນ​ຍຸກ​ປັດຈຸບັນ ໝົດ​ສິດ​ລ່າ​ແຊ້ມ​ໂລກ​ເປັນ​ສະ​ໄໝ​ທີ 6 ຢ່າງ​ໜ້າ​ເສຍດາຍ. ນອກຈາກ​ນີ້ ຍັງ​ພາດ​ສ້າງ​ສະຖິຕິ​ຄວ້າ​ແຊ້ມລາຍການ ​ເວິລ​ແຣງກິ້ງຫລາຍ​ທີ່​ສຸດ​ໃນ 1 ລະດູ​ການ ຫລັງ​ຈາກ​ໃນ​ລະດູ​ການ​ນີ້ ຄວ້າ​ແຊ້ມລາຍການ​ເວິລ​ແຣງກິ້ງ​ໄປ​ແລ້ວ 5 ການ​ແຂ່ງຂັນ ​ໂດຍ​ນັກ​ສະນຸກ​ເກີ​ທີ່​ຄວ້າ​ແຊ້ມລາຍການ​ເວິລ​ແຣງກິ້ງ 5 ການ​ແຂ່ງຂັນ ພາຍ​ໃນ 1 ລະດູ​ການ ມີ​ອີກ 3 ຄົນ.

​ເຖິງ​ວ່າ​ຈະ​ຕົກ​ຮອບ​ໃນ​ຄັ້ງນີ້ ​ແຕ່ ຣອນນີ ຈະ​ບໍ່​ຖືກ​ຫັກ​ຄະ​ແນນ​ສະ​ສົມ​ອັນ​ດັບ​ໂລກ ​ເນື່ອງ​ຈາກ​ໃນ​ການ​ແຂ່ງຂັນ​ສະນຸກ​ເກີ​ຊີງ​​ແຊ້ມ​ໂລກ​ເມື່ອ 2 ປີ​ກ່ອນ ຣອນນີ ຕົກ​ຮອບ 16 ຄົນ​ສຸດ​ທ້າຍ​ຄື​ກັນ ພ້ອມ​ກັບ​ຍັງ​​ໄດ້​ຄະ​ແນນ​ສະ​ສົມ​ເພີ່ມ​ອີກ 5.500 ຄະ​ແນນ.

- Wave100S AD to Website 2020 0 - ຣອນນີ ຕົກຮອບ 2 ສະນຸກເກີຊີງແຊ້ມໂລກ
- WhatsApp Image 2020 05 27 at 5 - ຣອນນີ ຕົກຮອບ 2 ສະນຸກເກີຊີງແຊ້ມໂລກ
- WhatsApp Image 2020 05 27 at 5 - ຣອນນີ ຕົກຮອບ 2 ສະນຸກເກີຊີງແຊ້ມໂລກ
error: Alert: ເນື້ອຫາຂ່າວມີລິຂະສິດ !!