ນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ທີ່ສິງກະໂປ

- asean summit - ນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ທີ່ສິງກະໂປ
- Untitled design - ນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ທີ່ສິງກະໂປ

ໃນວັນທີ 27-28 ເມສານີ້, ທ່ານນາຍົກລັດຖະມົນຕີແຫ່ງ ສປປ ລາວ ທອງລຸນ ສີສຸລິດ ພ້ອມດ້ວຍຄະນະ, ໄດ້ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ພາຍໃຕ້ຄໍາຂວັນ: “ເຂັ້ມແຂງ ແລະ ທັນສະໄໝ”, ໂດຍການເປັນເຈົ້າພາບ ແລະ ປະທານຂອງປະເທດສິງກະໂປ, ຊຶ່ງມີບັນດາປະມຸກລັດ, ຫົວໜ້າລັດຖະບານປະເທດອາຊຽນ, ລັດຖະມົນຕີຕ່າງປະເທດອາຊຽນ ແລະ ແຂກຖືກເຊີນເຂົ້າຮ່ວມ.

ໃນໂອກາດດັ່ງກ່າວ, ຜູ້ນຳໄດ້ແລກປ່ຽນທັດສະນະກ່ຽວກັບການສ້າງປະຊາຄົມອາຊຽນໃຫ້ເຂັ້ມແຂງ ແລະ ທັນສະໄໝ, ເພື່ອຮັບມືກັບສິ່ງທ້າທາຍຕ່າງໆ ແລະ ຮັບປະກັນໃຫ້ແກ່ການພັດທະນາຂອງບັນດາປະເທດໃນພາກພື້ນ ກໍຄື ການເຊື່ອມໂຍງພາກພື້ນອາຊຽນໂດຍລວມ.

ໃນໂອກາດນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ກ່າວຢໍ້າວ່າ: ປະຊາຄົມອາຊຽນຈະເຂັ້ມແຂງ ແລະ ທັນສະໄຫມ ກໍຕໍ່ເມື່ອບັນດາປະເທດ ສະມາຊິກເຂັ້ມແຂງ ແລະ ທັນສະໄຫມ. ສະນັ້ນ, ຈຶ່ງມີຄວາມຈຳເປັນທີ່ອາຊຽນຈະຕ້ອງຊ່ວຍເຫລືອຊຶ່ງກັນ ແລະ ກັນ ລວມທັງການຖ່າຍທອດເຕັກໂນໂລຊີ ເພື່ອຮັດແຄບຄວາມແຕກໂຕນທາງດ້ານການພັດທະນາ ແນໃສ່ຊ່ວຍເຫລືອປະເທດທີ່ມີລະດັບການພັດທະນາຕໍ່າກວ່າເປັນບູລິມະສິດ ເພື່ອກ້າວໄປຂ້າງໜ້າພ້ອມໆກັນ.

ສຳລັບການຮ່ວມມືກັບພາຍນອກ, ຜູ້ນຳໄດ້ຕີລາຄາສູງຕໍ່ຜົນສຳເລັດຂອງການພົວພັນຮ່ວມມືກັບພາຍນອກຂອງອາຊຽນ ກໍຄືການຮ່ວມມືກັບບັນດາຄູ່ເຈລະຈາຂອງອາຊຽນ, ອັນໄດ້ປະກອບສ່ວນສຳຄັນເຂົ້າໃນຂະບວນການສ້າງປະຊາຄົມອາຊຽນ, ເພື່ອສືບຕໍ່ນະໂຍບາຍເປີດກວ້າງການຮ່ວມມືກັບພາຍນອກ, ຜູ້ນຳອາຊຽນໄດ້ຢໍ້າເຖິງຄວາມສຳຄັນໃນການຍົກສູງບົດບາດຄວາມສຳຄັນ ແລະ ຄວາມເປັນແກນກາງຂອງອາຊຽນໃນບັນດາກົນໄກຕ່າງໆທີ່ອາຊຽນເປັນຜູ້ສ້າງຂື້ນ ແລະ ເປັນເຈົ້າການໃນການກໍານົດໂຄງສ້າງພາກພື້ນທີ່ພວມຜັນແປ. ນອກນີ້, ຜູ້ນໍາອາຊຽນ ກໍໄດ້ແລກປ່ຽນຄວາມຄິດຄວາມເຫັນກ່ຽວກັບສະພາບການພາກພື້ນ ແລະ ສາກົນ, ໂດຍສະເພາະແມ່ນສະພາບການເມືອງ ແລະ ເສດຖະກິດ ໂລກພວມຜັນແປ, ການເພີ້ມທະວີນະໂຍບາຍປົກປ້ອງຕະຫລາດ, ສະພາບຄວາມຂັດແຍ້ງຢູ່ຊີຣີ, ກອງປະຊຸມສຸດຍອດລະຫວ່າງສອງເກົາຫລີ.

ໃນໂອກາດນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ສະແດງຄວາມຍິນດີຕໍ່ຜົນສໍາເລັດຂອງກອງປະຊຸມສຸດຍອດຄັ້ງປະຫວັດສາດລະຫວ່າງສອງເກົາຫລີ ທີ່ຈັດຂື້ນໃນຕອນເຊົ້າຂອງວັນທີ 27 ເມສາ 2018 ໂດຍສະເພາະການລົງນາມໃນຖະແຫລງການປັນມຸນຈອມ ເພື່ອສັນຕິພາບ, ຄວາມສົມບູນພູນສຸກ ແລະ ການທ້ອນໂຮມສອງແຫຼມເກົາຫລີ, ອັນເປັນການປູພື້ນຖານສໍາຄັນເພື່ອກ້າວໄປສູ່ການຢຸດຕິສົງຄາມເກົາຫລີ ແລະ ສ້າງແຫລມເກົາຫລີໃຫ້ເປັນເຂດສັນຕິພາບ ແລະ ປອດອາວຸດນິວເຄລຍໂດຍສິ້ນເຊີງ.

- Wave100S AD to Website 2020 0 - ນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ທີ່ສິງກະໂປ

​​  ກອງປະຊຸມສຸດຍອດອາຊຽນຄັ້ງທີ 32 ໄດ້ຮັບຮອງເອົາ 3 ເອກະສານສຳຄັນຄື: (1) ເອກະສານວິໄສທັດຜູ້ນໍາອາຊຽນວ່າດ້ວຍການສ້າງປະຊາຄົມອາຊຽນໃຫ້ເຂັ້ມແຂງ ແລະ ທັນ​ສະ​ໄໝ. (2) ເອກະສານແນວຄວາມຄິດເຄືອຂ່າຍເມືອງພັດທະນາອາຊຽນ ​ແລະ (3) ຖະແຫລງການຮ່ວມຂອງຜູ້ນໍາອາຊຽນວ່າດ້ວຍ ການຮ່ວມມືຄວາມຫມັ້ນຄົງທາງຄອມພິວເຕີ.

 

- WhatsApp Image 2020 05 27 at 5 - ນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ທີ່ສິງກະໂປ
- WhatsApp Image 2020 05 27 at 5 - ນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 32 ທີ່ສິງກະໂປ
error: Alert: ເນື້ອຫາຂ່າວມີລິຂະສິດ !!