ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ

- bualapha - ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ
- Untitled design - ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ

ບໍລິສັດ ບົວລະພາກະສິກຳ ແລະ ປ່າໄມ້ ຈຳກັດ, ໄດ້ດໍາເນີນການສົ່ງເສີມການປູກໄມ້ວິກແບບມີສ່ວນຮ່ວມກັບປະຊາຊົນ, ທັງຜະລິດເຄື່ອງເຟີນີເຈີສົ່ງອອກຫລາຍກວ່າ 20 ປະເທດ, ຫລ້າສຸດລັດຖະບານກຳລັງພິຈາລະນາການສ້າງໂຮງງານຝານໄມ້ ແລະ ໄມ້ອັດ, ໂດຍຄາດວ່າທ້າຍປີນີ້ຈະໄດ້ລົງມືກໍ່ສ້າງ, ເຊິ່ງຕ້ອງການກໍາລັງແຮງງານກວ່າ 3.000 ຄົນ. ທາງດ້ານຮອງຜູ້ອໍານວຍການຊີ້ວ່າ: ກໍາລັງແຮງງານມີບົດບາດສໍາຄັນຫລາຍຕໍ່ການຂັບເຄື່ອນທຸລະກິດ, ຈຶ່ງອິງໃສ່ກົດໝາຍແຮງງານເປັນເຄື່ອງມືໃນການປົກປ້ອງຜູ້ໃຊ້ງານ ແລະ ຜູ້ອອກແຮງງານໃຫ້ມີຄວາມຖືກຕ້ອງເປັນທໍາ.

ເນື່ອງໃນໂອກາດວັນກໍາມະກອນສາກົນ 1 ພຶດສະພານີ້, ທ່ານນາງ ສຸໄພວັນ ທ່ຽງຈັນໄຊ ຮອງຜູ້ອໍານວຍການບໍລິສັດດັ່ງກ່າວໃຫ້ສໍາພາດຕໍ່ຊື່ມວນຊົນວ່າ: ໃນນາມຜູ້ບໍລິຫານກໍຄືຊາວຜູ້ອອກຮງງານຄືກັນກັບອ້າຍນ້ອງພະນັກງານໝົດທຸກຄົນ, ຈຶ່ງຖືສຳຄັນດ້ານນະໂຍບາຍ, ໃຫ້ສະຫວັດດີການສັງຄົມຕ່າງໆຕໍ່ພະນັກງານ ແລະ ເພື່ອເປັນການປົກປ້ອງສິດຂອງຜູ້ໃຊ້ງານ ແລະ ຜູ້ອອກແຮງງານ ຈຶ່ງເອົາກົດໝາຍແຮງງານມາເປັນມາດຖານຕໍ່ການກຳນົດລະບຽບຂອງບໍລິສັດ, ພະນັກງານທຸກຄົນມີມື້ພັກ ແລະ ມີສິດພັກງານເທົ່າທຽມກັນ ນອກຈາກວັນພັກທຳມະດາແລ້ວ, ຍັງມີພັກປະຈຳປີ 15-20 ວັນ, ໃນເວລາເຈັບເປັນພະນັກງານກໍໄດ້ຮັບການເບິ່ງແຍງດີຄືຄົນໃນຄອບຄົວ, ສ່ວນຄ່າແຮງງານຂັ້ນຕ່ຳກໍສູງກວ່າລັດກຳນົດໄວ້.

ທ່ານ ແກ້ວ ນັນທະສັກ ຜູ້ຈັດການສວນກ້າເບ້ຍໄມ້ບໍລິສັດດັ່ງກ່າວ ເວົ້າວ່າ: ຕົນເອງໄດ້ເຂົ້າມາເຮັດວຽກກັບບໍລິສັດນີ້ 6 ປີກວ່າແລ້ວ, ເຊິ່ງບໍລິສັດມີຄວາມເອົາໃຈໃສ່ເບິ່ງແຍງເປັນຢ່າງດີ, ມີສະຫວັດດີການຫລາຍຢ່າງ, ຊີວິດການເປັນຢູ່ນັບມື້ດີຂື້ນເປັນກ້າວໆ, ປະຊາຊົນໃນບ້ານອ້ອມຂ້າງທີ່ເຂົ້າມາເຮັດວຽກນຳເຫັນວ່າຫລາຍຄົນກໍສາມາດສ້າງເຮືອນຖາວອນເປັນຂອງຕົນເອງໄດ້,ຜູ້ທີ່ບໍ່ມີລົດຈັກຂີ່ກໍມີຂີ່ ແລະ ຜູ້ມີລົດຈັກກໍມີລົດໃຫຍ່.

ທ່ານ ວັນນິຖາ ພົມມະວົງ ຮອງຜູ້ຈັດການໂຮງງານປຸງແຕ່ງໄມ້ບໍລິສັດບົວລະພາ ກ່າວວ່າ: ພະນັກງານທຸກຄົນຕ່າງກໍມີຄວາມພາກພູມໃຈທີ່ລັດກຳນົດຄ່າແຮງງານຂັ້ນຕ່ຳ ເພື່ອມີລາຍຮັບເພີ່ມຂື້ນ, ແຕ່ໃນຄວາມເປັນຈິງແລ້ວ ເງິນເດືອນພະນັກງານຢູ່ທີ່ນີ້ສູງກວ່ານັ້ນ ແລະ ຍັງຈັດຕັ້ງປະຕິບັດລະບຽບຕາມກົດໝາຍແຮງງານກຳນົດ, ພະນັກງານໄດ້ຮັບການຝືກອົບຮົມໃນການປ້ອງກັນອຸປະຕິເຫດແຮງງານ ແລະ ອື່ນໆໃຫ້ມີຄວາມປອດໄພ.  ທ່ານ ເຈີໂຣມ ເມຣິອົງ ຜູ້ຈັດການໂຮງງານ ເວົ້າວ່າ: ຂ້ອຍດີໃຈຫລາຍທີ່ໄດ້ມາເຮັດວຽກຢູ່ບໍລິສັດນີ້ ແລະ ສາມາດເຮັດວຽກຮ່ວມກັບຄົນລາວໄດ້, ທຸກຄົນມີຄວາມສະເໝີພາບໃນການອອກແຮງງານຕາມໜ້າທີ່ ແລະ ໃນນາມຕົນເອງມີປະສົບການເຮັດວຽກຢູ່ຫລາຍປະເທດ ກໍຈະນໍາເອົາບົດຮຽນໃໝ່ໆມາຊ່ວຍພັດທະນາແຮງງານລາວໃຫ້ທັນກັບສາກົນ, ສ້າງສິນຄ້າຄຸນນະພາບໃໝ່ໆອອກມາຮັບໃຊ້ສັງຄົມ ແລະ ເນື່ອງໃນວັນກໍາມະກອນສາກົນຂໍໃຫ້ທຸກຄົນໄດ້ຮັບການພັດທະນາທີ່ດີ ແລະ ໄດ້ຮັບການເບິ່ງແຍງທີ່ດີຈາກອົງກອນ.

- Wave100S AD to Website 2020 0 - ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ

ປັດຈຸບັນ, ບໍລິສັດ ບົວລະພາກະສິກກໍາ-ປ່າໄມ້ ຈໍາກັດ ມີພະນັກງານປະຈຳຫລາຍກວ່າ 100 ຄົນ ແລະ ກໍາມະກອນລາຍວັນຫລາຍກວ່າ 100 ຄົນແລະ ທ້າຍປີນີ້, ບໍລິສັດຈະສ້າງໂຮງງານຝານໄມ້ ແລະ ໄມ້ອັດ ທີ່ເມືອງຫີນເຫີບແຂວງວຽງຈັນ, ເຊຶ່ງມີຄວາມຕ້ອງການພະນັກງານປະຈຳ ແລະ ກໍາມະກອນຫລາຍກວ່າ 3.000 ຄົນ ແລະ ໃນອະນາຄົດຈະສ້າງໂຮງງານກັ່ນຊີວະພາບ ຖ້າວ່າມີແຫລ່ງວັດຖຸດິບພຽງພໍ, ເຊິ່ງຕ້ອງການແຮງງານບໍ່ຫລຸດ 10 ພັນຄົນ.

- WhatsApp Image 2020 05 27 at 5 - ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ
- WhatsApp Image 2020 05 27 at 5 - ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ
error: Alert: ເນື້ອຫາຂ່າວມີລິຂະສິດ !!