5 ພືດບຳລຸງເສັ້ນຜົມ ແລະ ໜັງຫົວ

- 013004 2018 - 5 ພືດບຳລຸງເສັ້ນຜົມ ແລະ ໜັງຫົວ
- Untitled design - 5 ພືດບຳລຸງເສັ້ນຜົມ ແລະ ໜັງຫົວ

ບັນດາພືດຕໍ່ໄປນີ້ມີສັບພະຄຸນຊ່ວຍບຳລຸງເສັ້ນຜົມ ແລະ ໜັງຫົວໄດ້ເປັນຢ່າງດີ.

  1. ໝາກຂີ້ຫູດ : ນຳ້ໝາກຂີ້ຫູດມີລິດເປັນກົດຊ່ວຍກຳຈັດໄຂມັນ ແລະ ລ້າງສິ່ງເປິເປື້ອນທີ່ຈັບຢູ່ເສັ້ນຜົມ ແລະ ໜັງຫົວໄດ້ດີ (ແຕ່ບໍ່ຄວນໃຊ້ນຳ້ໝາກຂີ້ຫູດນວດໃສ່ເສັ້ນຜົມ ແລະ ໜັງຫົວໂດຍກົງເປັນປະຈຳ ເພາະຈະເຮັດໃຫ້ເສັ້ນຜົມບາງ, ຂາດງ່າຍ ເພາະນຳ້ໝາກຂີ້ຫູດເປັນກົດອ່າວແຮງ ມີຄ່າ pH ປະມານ 3,5) ສະນັ້ນ, ວິທີໃຊ້ແມ່ນໃຫ້ເອົານຳ້ໝາກຂີ້ຫູດປະສົມໃສ່ກັບນຳ້ກ່ອນ ຈຶ່ງເອົາມານວດໃຫ້ທົ່ວເສັ້ນຜົມ ແລະ ໜັງຫົວ ສ່ວນນຳ້ມັນຈາກເປືອກໝາກຂີ້ຫູດກໍມີກິ່ນຫອມ ແລະ ຊ່ວຍບຳລຸງໃຫ້ເສັ້ນຜົມເປັນເງົາເຫລື້ອມງາມ.

     2.​ ໝາກເຟືອງ : ນຳ້ຈາກ ໝາກເຟືອງມີລິດເປັນກົດ (ອ່າວ  ຫລາຍ pH 2.5-3) ຊ່ວຍກຳຈັດໄຂມັນ ແລະ ລ້າງສິ່ງເປິເປື້ອນທີ່ ຈັບຢູ່ເສັ້ນຜົມ ແລະ ໜັງຫົວໄດ້ດີ ເມື່ອເອົານຳ້ໝາກເຟືອງມາປະສົມ ໃສ່ນຳ້ໃຫ້ເຈືອຈາງລົງ ໃຊ້ສະຜົມຈະຊ່ວຍຫລຸດຜ່ອນອາການຄັນໜັງຫົວໄດ້ດີ, ແຕ່ບໍ່ຄວນໃຊ້ນຳ້ໝາກເຟືອງສະໃສ່ເສັ້ນຜົມໂດຍກົງເປັນປະຈຳ ຕ້ອງປະສົມນຳ້ກ່ອນ ຈຶ່ງໃຊ້.

- Wave100S AD to Website 2020 0 - 5 ພືດບຳລຸງເສັ້ນຜົມ ແລະ ໜັງຫົວ
  1. ດອກອັນຊັນ : ນຳ້ທີ່ສະກັດຈາກດອກອັນຊັນຈະຊ່ວຍກະຕຸ້ນການໄຫລວຽນຂອງເລືອດ ເມື່ອເອົາມາໃຊ້ໝັກຜົມ ກ່ອນສະ 15 ນາທີ ຫລື ໃຊ້ປະສົມກັບຢາສະຜົມ ເມື່ອໃຊ້ເປັນປະຈຳຈະຊ່ວຍເຮັດໃຫ້ຮາກຜົມແຂງແຮງຂຶ້ນ ເສັ້ນຜົມຈຶ່ງບໍ່ຂາດຫລົ່ນງ່າຍ.
  2. ຫົວສີໄຄ : ນຳ້ທີ່ສະກັດຈາກຫົວສີໄຄເມື່ອເອົາມາໃຊ້ໝັກຜົມກ່ອນສະ ຫລື ໃຊ້ປະສົມກັບຢາສະຜົມ ເມື່ອໃຊ້ເປັນປະຈຳຈະຊ່ວຍຫລຸດບັນຫາເສັ້ນຜົມແຕກປາຍໄດ້, ຫລຸດຂີ້ຄັນແຄ ແລະ ຫລຸດອາການຄັນໜັງຫົວໄດ້.
  3. ຫວ້ານຫາງແຂ້ : ເມື່ອເອົາວຸ້ນໃສໆທີ່ໄດ້ຈາກຫວ້ານຫາງແຂ້ມາໃຊ້ໝັກຜົມກ່ອນສະ ຫລື ໃຊ້ປະສົມກັບຢາສະຜົມ ເມື່ອໃຊ້ເປັນປະຈຳຈະຊ່ວຍໃຫ້ເສັ້ນຜົມອ່ອນນຸ້ມ, ຫວີງ່າຍ ແລະ ຊ່ວຍປິ່ນປົວບາດແຜຢູ່ໜັງຫົວໄດ້ຕື່ມອີກ.
- WhatsApp Image 2020 05 27 at 5 - 5 ພືດບຳລຸງເສັ້ນຜົມ ແລະ ໜັງຫົວ
- WhatsApp Image 2020 05 27 at 5 - 5 ພືດບຳລຸງເສັ້ນຜົມ ແລະ ໜັງຫົວ
error: Alert: ເນື້ອຫາຂ່າວມີລິຂະສິດ !!