ກະຊວງການຄ້າອອກແຈ້ງການໃຫ້ເພີ່ມທະວີຄຸ້ມຄອງລາຄາສິນຄ້າ

- fresh market - ກະຊວງການຄ້າອອກແຈ້ງການໃຫ້ເພີ່ມທະວີຄຸ້ມຄອງລາຄາສິນຄ້າ
- Untitled design - ກະຊວງການຄ້າອອກແຈ້ງການໃຫ້ເພີ່ມທະວີຄຸ້ມຄອງລາຄາສິນຄ້າ

ລັດຖະມົນຕີກະຊວງອຸດສາຫະກໍາ ແລະ ການຄ້າ, ໄດ້ອອກແຈ້ງການເຖິງຂະແໜງການຄ້າໃນຂອບເຂດທົ່ວປະເທດໃຫ້ເພີ່ມທະວີ​ການ​ຄຸ້ມ​ຄອງ, ຕິດຕາມກວດກາລາຄາ​ສິນຄ້າ ​ແລະ ຄ່າ​ບໍລິການໃຫ້ຢູ່ໃນເກນປົກກະຕິ, ​ເພື່ອຮັບປະກັນ​ບໍ່​ໃຫ້​ເກີດ​ມີ​ສະພາບ​ການສວຍໂອກາດ​ຂຶ້ນລາຄາ​ສິນຄ້າ​ໂດຍ​ລໍາພັງໃຈ​ຂອງຊາວຄ້າຂາຍ ແລະ ​ຜູ້​ປະກອບ​ການ, ໂດຍ​ສະ​ເພາະ​ແມ່ນ​ສິນຄ້າ​ທີ່​ມີ​ຜົນ​ກະທົບ​ໄວ​ຕໍ່​ຊີວິດ​ການ​ເປັນ​ຢູ່​ຂອງ​ປະຊາຊົນ. ໂດຍແຈ້ງການມີເນື້ອໃນສໍາຄັນວ່າ: (1) ໃຫ້​ຫົວໜ້າ​ພະ​ແນ​ກອຸດສາຫະກຳ ​ແລະ ການ​ຄ້າ​ແຂວງ​ທີ່​ຍັງ​ບໍ່​ທັນ​ແຕ່ງຕັ້ງຄະນະ​ຊີ້​ນຳ​ວຽກ​ງານ​ຄຸ້ມ​ຄອງ​ລາຄາ​ສິນຄ້າ ​ແລະ ຄ່າ​ບໍລິການ​ຂັ້ນ​ແຂວງ ​ແລະ ຂັ້ນ​ເມືອງ​ ​ແມ່ນ​ໃຫ້​ຮີບ​ຮ້ອນ​ແຕ່ງຕັ້ງຄະນະ​ດັ່ງກ່າວ ​ເພື່ອ​ສະ​ເໜີ​ເຈົ້າ​ແຂວງ, ​ພິຈາລະນາ​ຮັບຮອງ ​ແລະ ​ໃຫ້​ດຳ​ເນີນ​ກອງ​ປະຊຸມ​ຄັ້ງປະຖົມມະ​ເລີກ​ຂອງ​ຕົນ​ບົນ​ພື້ນຖານ​ການ​ແບ່ງ​ຄວາມ​ຮັບຜິດຊອບ​ຕາມ​ຂອບ​ເຂດ​ສິດ ​ແລະ ພາລະ​ບົດບາດ​ຂອງ​ພາກສ່ວນ​ທີ່​ກ່ຽວຂ້ອງ​ຢູ່​ຂັ້ນ​ແຂວງ​ຕົນ. (2) ​ໃຫ້​ພະ​ແນ​ກອຸດສາຫະກຳ ​ແລະ ການ​ຄ້າແຂວງໃນທົ່ວປະເທດ​​ເອົາ​ໃຈ​ໃສ່​ຊີ້​ນຳ​ການ​ຄຸ້ມ​ຄອງ​ລາຄາ​ສິນຄ້າ ​ແລະ ຄ່າ​ບໍລິການ ​ເພື່ອ​ບໍ່​ໃຫ້​ລາຄາ​ເໜັງ​ຕີງ​ຂຶ້ນ​ແບບ​ບໍ່​ມີ​ເຫດຜົນ​ເວົ້າລວມ, ​ເວົ້າສະ​ເພາະ​ແມ່ນ​ໃນ​ການ​ປັບ​ຂຶ້ນ​ຄ່າ​ແຮງ​ງານ​ຂັ້ນຕໍ່າ​ຂອງ​ຜູ້​ອອກ​ແຮງ​ງານ​ຢູ່ ສປປ ລາວ ຈາກ 900.000 ມາ​ເປັນ 1.100.000 ກີບຕໍ່​ຄົນ​ຕໍ່​ເດືອນ, ​ເຊິ່ງຈະ​ເລີ່​ມປະຕິບັດ​ໃນ​ວັນ​ທີ 1 ພຶດສະພາ 2018 ​ເປັນຕົ້ນ​ໄປ. (3) ​​ສືບ​ຕໍ່​ປະສານ​ສົມທົບ​ກັບ​ຂະ​ແໜງ​ການ​ທີ່​ກ່ຽວຂ້ອງ​ຕ່າງໆຢູ່​ພາຍ​ໃນ​ແຂວງ ​ເພື່ອ​ປະຕິບັດ​ວຽກ​ງານ​ຕິດຕາມ​ກວດກາ ​ແລະ ຄຸ້ມ​ຄອງ​ລາຄາ​ສິນຄ້າ​ທີ່​ມີ​ຜົນ​ກະທົບ​ໄວ​ຕໍ່​ຊີວິດ​ການ​ເປັນ​ຢູ່​ຂອງ​ປະຊາຊົນ ​ເປັນຕົ້ນ​ແມ່ນ​ສິນຄ້າ​ສະບຽງ​ອາຫານ ​ເຊັ່ນ: ​ຊີ້ນ, ປາ, ສັດປີກ, ເຂົ້າກິນ, ​ຢາປົວພະຍາດ ​ແລະ ພືດ​ຜັກ​ອື່ນໆ, ລວມທັງ​ການ​ສະໜອງ​ເຄື່ອງ​ອຸປະ​ໂພ​ກ-ບໍລິ​ໂພ​ກ, ພ້ອມ​ທັງ​ຮັບປະກັນ​ຄວາມດຸ່ນດ່ຽງ​ການ​ສະໜອງ ​ແລະ ຄວາມ​ຕ້ອງການຂອງຕະຫລາດ, ພ້ອມທັງ​ເປັນ​ເຈົ້າການ​ຄຸ້ມ​ຄອງ​ສິນຄ້າ​ ໃຫ້​ໄປ​ຕາມ​ກົນ​ໄກ​ຕະຫລາດບົນ​ພື້ນຖານ​ການ​ຄິດ​ໄລ່​ໂຄງ​ປະກອບ​ລາຄາ​ໃນ​ແຕ່ລະ​ຂອດ​ຢ່າງ​ຊັດ​ເຈນ ​ເຊັ່ນ: ລາຄາ​ຕົ້ນທຶນ (ຜະລິດ​ຢູ່​ພາຍ​ໃນ ​ແລະ ນຳ​ເຂົ້າຈາກ​ຕ່າງປະ​ເທດ), ຂອດ​ຂາຍຍົກ ​ແລະ ຂາຍ​ຍ່ອຍ ຫລື ຂອດ​ບໍລິການ ​ເພື່ອ​ຫລີກ​ເວັ້ນປັດ​ໄຈ​ການ​ສວຍ​ໂອກາດ​ແບບ​ບໍ່​ມີ​ເຫດຜົນ. (5) ໃຫ້​ສືບ​ຕໍ່​ເປັນ​ເຈົ້າການ​ລະດົມ, ຊຸກຍູ້​ຜູ້​ປະກອບ​ການ​ສະໜອງ​ສິນຄ້າ​ປະ​ເພດ​ສະບຽງ​ອາຫານ​ທີ່​ຈຳ​ເປັນ​​ໃຫ້​ພຽງພໍ​ກັບ​ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ, ພ້ອມ​ທັງ​ສືບ​ຕໍ່​ຕິດຕາມ ​ແລະ ກວດກາ​ຢ່າງ​ເປັນ​ປະຈຳ​ໃນ​ທ້ອງ​ຕະຫລາດ​ຢູ່​ພາຍ​ໃນ​ທ້ອງ​ຖິ່ນ​ຂອງ​ຕົນ ດ້ວຍ​ວິທີ​ການ​ແຕ່ງຕັ້ງ​ພະນັກງານ​ລົງ​ໄປ​ຕິດຕາມ, ກວດກາ ​ແລະ ຊີ້​ນຳ​ເປັນ​ປົກກະຕິ. (6) ​ໃຫ້ຮີບຮ້ອນ​ແກ້​ໄຂ​ບັນຫາ​ຕ່າງໆທີ່​ເກີດ​ຂຶ້ນ​ໃນ​ໄລຍະ​ບຸນ​ປະ​ເພນີ​ສຳຄັນ​ຕ່າງໆ​ຂອງ​ຊາດ ກໍ​ຄື​ໄລຍະ​ການ​ປັບ​ຂຶ້ນຄ່າ​ແຮງ​ງານ​ຂັ້ນຕໍ່າ​ກ່ຽວ​ກັບ​ການ​ຄຸ້ມ​ຄອງ​ລາຄາ​ສິນຄ້າ​ປະ​ເພດ​ດັ່ງກ່າວ​ຢູ່​ພາຍ​ໃນ​ທ້ອງ​ຖິ່ນ​ຕົນ​ດ້ວຍ​ຄວາມ​ຮັບຜິດຊອບ​ສູງ, ພ້ອມທັງ​ລາຍ​ງານ​ການຈັດຕັ້ງປະຕິບັດ​ໃຫ້​ກະຊວງ​ອຸດສາຫະກຳ ​ແລະ ການ​ຄ້າໄດ້ຮັບຊາບ, ຖ້າ​ຫາກ​ມີ​ສະພາບ​ການ​ເກີດ​ຂຶ້ນກໍ​ພ້ອມ​ກັນ​ແກ້​ໄຂ​ບັນຫາ​ໃຫ້​ໄດ້​ທັນ​ສະພາບ​ການ.

- Wave100S AD to Website 2020 0 - ກະຊວງການຄ້າອອກແຈ້ງການໃຫ້ເພີ່ມທະວີຄຸ້ມຄອງລາຄາສິນຄ້າ
- WhatsApp Image 2020 05 27 at 5 - ກະຊວງການຄ້າອອກແຈ້ງການໃຫ້ເພີ່ມທະວີຄຸ້ມຄອງລາຄາສິນຄ້າ
- WhatsApp Image 2020 05 27 at 5 - ກະຊວງການຄ້າອອກແຈ້ງການໃຫ້ເພີ່ມທະວີຄຸ້ມຄອງລາຄາສິນຄ້າ
error: Alert: ເນື້ອຫາຂ່າວມີລິຂະສິດ !!