ຮູ້ທັນສາເຫດ ແລະ ວິທີຮັບມືອາການອິດເມື່ອຍອ່ອນເພຍ

- 050205 2018 - ຮູ້ທັນສາເຫດ ແລະ ວິທີຮັບມືອາການອິດເມື່ອຍອ່ອນເພຍ
- Untitled design - ຮູ້ທັນສາເຫດ ແລະ ວິທີຮັບມືອາການອິດເມື່ອຍອ່ອນເພຍ

ເຊື່ອວ່າທ່ານຕ້ອງເຄີຍນັ່ງເບິ່ງໂທລະພາບແລ້ວກໍເຜີຫລັບໄປ ຫລື ກັບຈາກເຮັດວຽກແລ້ວເມື່ອຍຫລັບໄປໂດຍຍັງບໍ່ທັນໄດ້ອາບນຳ້ ແລ້ວງົວເງຍລຸກຂຶ້ນມາຈັດການທຸກຢ່າງແລ້ວຈຶ່ງໄປນອນ ເຊິ່ງຄວາມຈິງແລ້ວຖ້າເກີດຂຶ້ນເປັນປະຈຳກໍບໍ່ດີແນ່ນອນ.

  1. ເຂົ້ານອນ ແລະ ຕື່ນໃຫ້ກົງເວລາທຸກໆມື້ ໂຕເຮົາຈະໄດ້ລຶ້ງເຄີຍ ແລະ ບໍ່ໄປເຫງົານອນໃນເວລາອື່ນ.
  2. ນອນໃຫ້ໄດ້ປະມານ 8 ຊົ່ວໂມງ ຫລື ສັງເກດເບິ່ງໂຕເອງວ່ານອນຈັກຊົ່ວໂມງຈຶ່ງຈະພໍ ແລ້ວກໍຍຶດເອົາເວລານັ້ນເປັນຫລັກ ບາງຄົນຕ້ອງການນອນຫລາຍ ຫລື ນອນໜ້ອຍກ່ວາຄົນອື່ນ.
  3. ຖ້ານອນບໍ່ຫລັບໃຫ້ຫາຍໃຈເຂົ້າອອກຍາວໆ ຫລື ອ່ານໜັງສືປະເພດຊວນໃຫ້ຢາກນອນ ເພື່ອໃຫ້ຫລັບງ່າຍ ທ່ານຈະໄດ້ບໍ່ຕ້ອງກາຍເປັນຄົນທີ່ນອນຫລັບຍາກແບບຖາວອນ.
  4. ກິນອາຫານ ຫລື ເຂົ້າໜົມທຸກໆ 3 – 4 ຊົ່ວໂມງ ເພື່ອເພີ່ມພະລັງ ຖ້າປ່ອຍໃຫ້ຫິວຫລາຍໆຊົ່່ວໂມງຈະຮູ້ສຶກບໍ່ມີແຮງ. ໃຫ້ກິນອາຫານ 3 ຄາບ, ແຕ່ກິນໜ້ອຍໆ ແລະ ກິນເຂົ້າໜົມ ຫລື ຜັກ – ໝາກໄມ້ ຫລື ອາຫານທີ່ມີປະໂຫຍດອີກ 2 ຄາບໃນຕອນບ່າຍ ລວມເປັນ 5 ຄາບນ້ອຍຕໍ່ມື້.
  5. ເຮັດໂຕໃຫ້ມີຄວາມສຸກແດ່ ເພາະຄວາມເຄັ່ງຄຽດ, ຄວາມເສົ້າເສຍໃຈຈະດູດພະລັງງານຂອງເຮົາໄປ. ຫາກທ່ານເຮັດຫຍັງ ແລ້ວມີຄວາມສຸກເພີດເພີນຊ່ວຍໃຫ້ຍິ້ມຫົວໄດ້ແດ່ກໍຄວນຫາເວລາເຮັດສິ່ງນັ້ນເລື້ອຍໆຂຶ້ນ.
  6. ງົດດື່ມຊາ, ກາເຟ ຫລື ເຄື່ອງດື່ມທີ່ມີກາເຟອີນ ເພາະຈະເຮັດໃຫ້ຫົວໃຈເຕັ້ນໄວ, ຫລັບຍາກ ເຊິ່ງຄວນຫັນມາດື່ມນຳ້ໝາກໄມ້ ຫລື ນຳ້ບໍລິສຸດແທນຈະດີກ່ວາ.
  7. ຫລຸດນຳ້ໜັກສ່ວນເກີນ ຖ້າເຮົາປ່ອຍໃຫ້ຕຸ້ຍຫລາຍເກີນໄປກໍບໍ່ດີແນ່ນອນ. ການຍ່າງ, ແລ່ນ ຫລື ຂຶ້ນ – ລົງຂັ້ນໄດຂອງເຮົາຈະເຜົາຜານພະລັງງານຫລາຍຄືກັບການອອກກຳລັງກາຍ.
  8. ຢ່າອອກກຳລັງກາຍກ່ອນນອນ ເພາະຈະເຮັດໃຫ້ຫົວໃຈເຕັ້ນໄວຂຶ້ນ ຮ່າງກາຍສົດຊື່ນ ບໍ່ຄິດຢາກຈະນອນ.
  9. ໝັ່ນກວດເບິ່ງຄວາມເຄັ່ງຄຽດວ່າຫລາຍເກີນໄປຫລືຍັງ, ພະຍາຍາມຫລຸດຄວາມເຄັ່ງຄຽດໂດຍການອອກກຳລັງກາຍຝຶກໂຢຄະ, ເຕັ້ນແອໂຣບິກເປັນປະຈຳ.
  10. ປຶກສາທ່ານໝໍ ຫາກຄິດວ່າດູແລໂຕເອງເປັນຢ່າງດີແລ້ວຍັງບໍ່ຮູ້ສຶກວ່າຈະເຊົາຈາກຄວາມອິດເມື່ອຍອ່ອນເພຍໄປໄດ້ ທ່ານກໍຈະຕ້ອງຫາສາເຫດທີ່ແທ້ຈິງຈາກການໄປກວດສຸຂະພາບຢູ່ໂຮງໝໍ.

 

- Wave100S AD to Website 2020 0 - ຮູ້ທັນສາເຫດ ແລະ ວິທີຮັບມືອາການອິດເມື່ອຍອ່ອນເພຍ
- WhatsApp Image 2020 05 27 at 5 - ຮູ້ທັນສາເຫດ ແລະ ວິທີຮັບມືອາການອິດເມື່ອຍອ່ອນເພຍ
- WhatsApp Image 2020 05 27 at 5 - ຮູ້ທັນສາເຫດ ແລະ ວິທີຮັບມືອາການອິດເມື່ອຍອ່ອນເພຍ
error: Alert: ເນື້ອຫາຂ່າວມີລິຂະສິດ !!