ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ

- Law of invesment in laos - ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ
- Untitled design - ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ

ໃນວັນທີ 2 ພຶດສະພານີ້, ກະຊວງແຜນການ ແລະ ການລົງທຶນ (ຜທ) ໄດ້ຈັດກອງປະຊຸມລາຍງານຄວາມຄືບໜ້າໃນການຈັດຕັ້ງປະຕິບັດຄໍາສັ່ງເລກທີ 02/ນຍ ຂອງທ່ານນາຍົກລັດຖະມົນຕີ ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ ຂຶ້ນທີ່ນະຄອນຫຼວງວຽງຈັນ, ໂດຍການເປັນປະທານຂອງທ່ານ ຄໍາລຽນ ພົນເສນາ ຮອງລັດຖະມົນຕີ ກະຊວງ ຜທ, ມີຄະນະຈັດຕັ້ງຄໍາສັ່ງດັ່ງກ່າວ ແລະ  ບັນດາບໍລິສັດທີ່ປຶກສາທາງດ້ານກົດໝາຍ ທີ່ເປັນຕົວແທນໃກ້ກັບພາກທຸລະກິດເຂົ້າຮ່ວມນໍາດ້ວຍ.

ທ່ານຮອງລັດຖະມົນຕີ ໄດ້ກ່າວວ່າ: ເພື່ອປະຕິບັດຄໍາສັ່ງເລກທີ 02/ນຍ, ລົງວັນທີ 1 ກຸມພາ 2018 ຂອງທ່ານນາຍົກລັດຖະມົນຕີ ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ, ກະຊວງແຜນການ ແລະ ການລົງທຶນ ໄດ້ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ, ໂດຍໄດ້ສຸມໃສ່ແກ້ໄຂບັນຫາທີ່ເປັນອຸປະສັກໃນການລົງທຶນຢູ່ລາວເປັນຕົ້ນ: ຄວາມຫຍຸ້ງຍາກໃນການເລີ່ມຕົ້ນທຸລະກິດ, ການຂໍອະນຸຍາດປຸກສ້າງ, ການປົກປ້ອງນັກລົງທຶນຂະໜາດນ້ອຍ ແລະ ຜູ້ຖືຫຸ້ນສ່ວນນ້ອຍ ຍັງເຮັດບໍ່ທັນໄດ້ດີ, ການເສຍອາກອນ ແລະ ການຄ້າຂ້າມແດນ ຍັງແກ່ຍາວເວລາ, ການບັງຄັບໃຊ້ສັນຍາ ຍັງບໍ່ທັນເຂັ້ມງວດ ແລະ  ການແຈ້ງລົ້ມລະລາຍຂອງວິສາຫະກິດ ຍັງບໍ່ມີ.

ມາຮອດປັດຈຸບັນຫຼາຍຂະແໜງການໄດ້ປຶກສາຫາລືກ່ຽວກັບການປັບປຸງກົນໄກການເຮັດວຽກ ແລະ ປະສານງານຂອງຕົນເຊັ່ນ: ການອອກທະບຽນການຄ້າ, ການຕິດຕັ້ງໄຟຟ້າ, ການອອກອະນະຍາດປຸກສ້າງ, ຊຶ່ງຫ້ອງການບໍລິການ ການລົງທຶນປະຕູດຽວ ຢູ່ກະຊວງແຜນການ ແລະ ການລົງທຶນ ໄດ້ເປີດໃຫ້ບໍລິການແລ້ວໃນອາທິດຜ່ານມາ.

- Wave100S AD to Website 2020 0 - ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ

ທ່ານຮອງລັດຖະມົນຕີເນັ້ນວ່າ: ອັນສໍາຄັນຕ້ອງຕິດຕາມວ່າຢູ່ຂະແໜງການດັ່ງກ່າວ ໄດ້ມີບັນຍາກາດດີຂຶ້ນແທ້ບໍ? ກົນໄກການປະສານງານມີຄວາມໂປ່ງໃສແທ້ບໍ? ພະນັກງານລັດຖະກອນມີຄວາມສາມາດ ແລະ ຈັນຍາບັນແທ້ບໍ? ຍັງມີພະຍາດອາດຍາສິດສວຍໃຊ້ໜ້າທີ່ຕໍາແໜ່ງ ແລະ ສວຍໂອກາດຢູ່ບໍ? ແລະ ຕ້ອງສືບຕໍ່ປັງປຸງແກ້ໄຂປະກົດການຫຍໍ້ທໍ້ທີ່ໄດ້ຍົກຂຶ້ນໃນບັ້ນປົວແປງດໍາເນີນຊີວິດການເມືອງທີ່ຜ່ານມາ ໃຫ້ມີການປ່ຽນແປງຢ່າງຮອບດ້ານ ແລະ ໜັກແໜ້ນ.

- WhatsApp Image 2020 05 27 at 5 - ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ
- WhatsApp Image 2020 05 27 at 5 - ປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ລາວ
error: Alert: ເນື້ອຫາຂ່າວມີລິຂະສິດ !!