ADB ມອບອຸປະກອນ IT ໃຫ້ກະຊວງແຮງງານບໍລິການຈັດຫາງານ

- ADB - ADB ມອບອຸປະກອນ IT ໃຫ້ກະຊວງແຮງງານບໍລິການຈັດຫາງານ
- Untitled design - ADB ມອບອຸປະກອນ IT ໃຫ້ກະຊວງແຮງງານບໍລິການຈັດຫາງານ

ພິທີມອບ-ຮັບອຸປະກອນ IT ລະຫວ່າງ ທະນາຄານພັດທະນາອາຊີ (ADB) ແລະ ກະຊວງແຮງງານ ແລະ ສະຫວັດດີການສັງຄົມ ພາຍໃຕ້ໂຄງການເສີມສ້າງຄວາມອາດສາມາດທາງດ້ານວິຊາການ​ລະບົບ​ການຈັດ​ຫາ​ງານຢູ່ ສປປ ລາວ ໄດ້ມີຂຶ້ນໃນວັນທີ 2 ພຶດສະພານີ້ ທີ່ນະຄອນຫລວງວຽງຈັນ ໂດຍການ​ຊ່ວຍ​ເຫລື​ອຈາກລັດ​ຖະ​ບານ​ຢີ່ປຸ່ນ ​​ໂດຍ​ການ​ເຂົ້າ​ຮ່ວມ​ຂອງທ່ານ ຢາ​ຊຸ​ຊິ ​ເນ​ກິ​ຊິ ຜູ້ຕາງໜ້າທະນາຄານພັດທະນາອາຊີ ປະ​ຈໍາລາວ​ ແລະ ທ່ານ ບຸນ​ຄົງ ຮອງ​ລັດຖະມົນຕີ ກະຊວງ​ແຮງ​ງານ​ ​ແລະ ສະຫວັດດີ​ການສັງຄົມ.

​      ໂຄງການ​ເສີມ​ສ້າງ​ຄວາມ​ອາດ​ສາມາດ​ຂອງ​ວິຊາ​ການ ​ເພື່ອ​ພັດທະນາ​ລະບົບ​ກາ​ນຈັດ​ຫາ​ງານ​ຢູ່ ສປປ ລາວ ​ເປັນ​ໂຄງການ​ໜຶ່ງທີ່ສໍາຄັນ ​ແລະ ​​ຈຳ​ເປັນ​ທີ່​ສຸດ​ສໍາລັບ ສປປ ລາວ ​ໃນ​ເງື່ອນ​ໄຂ​ປັດຈຸ​ບັນ​ເນື່ອງ​ຈາກ​ວ່າ​ໂຄງການ​ດັ່ງກ່າວ​ນີ້ ຈະ​ໄດ້​ສ້າງ​ລະບົບ​ການຈັດ​ຫາ​ງານ​ທີ່ທັນ​ສະ​ໄຫມ ​ແລະ ສ້າງ​ຄວາມ​ເຂັ້ມ​ແຂງ​ໃຫ້​​ແກ່ພະນັກງານ​ຂອງ​ລັດ​ໃນ​ການ​ບໍລິການ​ທີ່​ມີ​ປະສິດທິພາບ, ​ເປັນ​ການ​ປັບປຸງ​ລະບົບ​ຂ່່າວສານ​ຕະຫລາດ​ແຮງ​ງານ, ການ​ວິ​​​​ໄຈ ​ແລະ ​​ໂຄ​ສະ​ນາ​ປະຊາສຳພັນ ​ເພື່ອ​ສະຫນອງ​ຂໍ້​ມູນ​ຂ່າວສານ​ຕະ ຫລາດ​ແຮງ​ງານໃຫ້​ແກ່​ຜູ້​ຊອກ​ວຽກ​ເຮັດ, ນັກ​ລົງ​ທຶນ, ຫົວໜ່ວຍ​ແຮງ​ງານ ​ແລະ ​ບັນດາ​ວິ​ສາຫະ​ກິດຕ່າງໆ. ​ເປັນ​ໂຄງການທີ່​ມີ​ໄລຍະ​ການຈັດ​ຕັ້ງ​ປະຕິບັດ​ເປັນ​ເວລາ 2 ປີ ​ໂດຍ​ເລີ່​ມ​ແຕ່​ປີ 2017-2019.

ເຊິ່ງ​​ອຸປະກອນ​ IT ດັ່ງກ່າວປະກອບມີຄອມພິວເຕີຕັ້ງໂຕະ 22 ໜ່ວຍ, Laptop 22 ໜ່ວຍ, ປຣິນ​ເຕີ 13 ໜ່ວຍ ​ແລະ ​ເຊີ​ເວີ 1 ​ເຄື່ອງ ພ້ອມ​ດ້ວຍ​ອຸປະກອນ​ອື່ນໆ​ອີກ ລວມມູນ​ຄ່າ 1 ​ແສນ​ກວ່າ​ໂດ​ລາ​ ​ເພື່ອ​ຈະ​ໄດ້​ມອບ​ໃຫ້ 9 ຈຸດສູນ​ບໍລິການ​ຈັດ​ຫາ​ງານ ຄື​ແຂວງອຸດົມ​ໄຊ, ​​ໄຊ​ຍະ​ບູລີ, ຫລວງ​ພະ​ບາງ, ​ແຂວງວຽງ​ຈັນ, ບໍລິ​ຄຳ​ໄຊ, ຄຳ​ມ່ວນ, ສະຫວັນ​ນະ​ເຂດ, ຈຳປາ​ສັກ ​ແລະ ນະຄອນຫລວງ​ວຽງ​ຈັນ ​ບໍລິການ​ຈັດ​ຫາ​ງານ​​ສາມາດ​ນຳ​ໃຊ້​ລະບົບ​ການ​ໃຫ້​ບໍລິການຈັດ​ຫາ​ງານ​ທີ່​ໂຄງການ​ສ້າງ​ຂຶ້ນ​ໃຫ້ໄດ້​ຮັບ​ປະສິດທິ​ຜົນ​ດີ.

- Wave100S AD to Website 2020 0 - ADB ມອບອຸປະກອນ IT ໃຫ້ກະຊວງແຮງງານບໍລິການຈັດຫາງານ
- WhatsApp Image 2020 05 27 at 5 - ADB ມອບອຸປະກອນ IT ໃຫ້ກະຊວງແຮງງານບໍລິການຈັດຫາງານ
- WhatsApp Image 2020 05 27 at 5 - ADB ມອບອຸປະກອນ IT ໃຫ້ກະຊວງແຮງງານບໍລິການຈັດຫາງານ
error: Alert: ເນື້ອຫາຂ່າວມີລິຂະສິດ !!