ທ່ານມີຄວາມອົດທົນຕໍ່ວຽກທີ່ເຮັດຢູ່ຫລາຍຫລືບໍ່ ?

- 040305 2018 - ທ່ານມີຄວາມອົດທົນຕໍ່ວຽກທີ່ເຮັດຢູ່ຫລາຍຫລືບໍ່ ?
- Untitled design - ທ່ານມີຄວາມອົດທົນຕໍ່ວຽກທີ່ເຮັດຢູ່ຫລາຍຫລືບໍ່ ?

ຄວາມອົດທົນໃນການເຮັດວຽກເປັນຄຸນສົມບັດຢ່າງໜຶ່ງທີ່ສຳຄັນຫລາຍບໍ່ໜ້ອຍໄປກ່ວາຄວາມຮູ້ຄວາມສາມາດດ້ານອື່ນໆ, ແຕ່ຄວາມອົດທົນຂອງແຕ່ລະຄົນກໍມີຂີດຈຳກັດທີ່ບໍ່ເທົ່າກັນ ເພາະພື້ນຖານ ແລະ ປະສົບການກໍແຕກຕ່າງກັນໄປ.

  1. ມີລະດັບຄວາມອົດທົນເຕັມ 100% : ຖ້າທ່ານເປັນຄົນທີ່ຍອມໄດ້ທຸກຢ່າງ, ບໍ່ມີປາກສຽງກັບໃຜທັງໝົດ, ຈະຜິດຈະຖືກຈະຂໍຮັບໄວ້ແຕ່ຜູ້ດຽວ ຂໍເຊີນເຂົ້າກຸ່ມນີ້ໄດ້ເລີຍ ທ່ານແມ່ນຄົນທີ່ໂລກຕ້ອງການ ເພາະໂລກຈະເທວຽກທຸກຢ່າງມາຫາທ່ານ ຟັງເບິ່ງອາດຈະ ດີ, ແຕ່ຄວາມຈິງແລ້ວການທີ່ທ່ານບໍ່ເວົ້າ ຫລື ສະແດງຄວາມບໍ່ພໍໃຈອອກໄປແດ່ ອາດເກີດຜົນເສຍແກ່ໂຕເອງໄດ້ ທ່ານຈະກາຍເປັນຄົນເກັບກົດ ແລະ ອຶດອັດທີ່ຕ້ອງແບກທຸກຢ່າງໄວ້ຄົນດຽວ ທັງຍັງຖືກເອົາປຽບ ແລະ ຖືກລັກຜົນງານນຳອີກ ທາງທີ່ດີຫລຸດຄວາມຖືກລົງແດ່ ແລ້ວຈົ່ມແດ່ກໍໄດ້ຄົນອື່ນ ຈຶ່ງຈະເກງໃຈທ່ານຂຶ້ນຕື່ມ.
  2. ທົນສູ້ ສູ້ທົນ ລະດັບຄວາມອົດທົນ 75% : ຄົນປະເພດນີ້ຈະແມ່ນແບບປາກຈົ່ມ ມືຍັງເຮັດ ຄື ກໍຍັງເຮັດ ແລະ ຮັບຜິດຊອບກັບວຽກຕ່າງໆທີ່ຜ່ານເຂົ້າມາໄດ້ເປັນຢ່າງດີ, ແຕ່ຈະຈົ່ມແລ້ວຈຶ່ງເຮັດເພື່ອເປັນການລະບາຍອາລົມ ເຊິ່ງສ່ວນຫລາຍແລ້ວກຸ່ມທີ່ມີຄວາມອົດທົນໃນລະດັບນີ້ຖືວ່າເປັນກຸ່ມສູ້ຊີວິດ, ວຽກໜັກທົນໄດ້ ແຕ່ຖ້າເຈິຫຍັງທີ່ບໍ່ມີປະໂຫຍດ ຫລື ຮູ້ສຶກວ່າຖືກເອົາປຽບ ຖືວ່າເປັນລະດັບມະນຸດເຮັດວຽກປົກກະຕິທີ່ສາມາດຕໍ່ສູ້ກັບຄວາມບໍ່ຍຸຕິທຳໄດ້ດ້ວຍໂຕເອງ ແລະ ມັກຈະມີໂອກາດເຕີບໃຫຍ່ໃນຕຳແໜ່ງໜ້າທີ່ ເພາະເຮັດວຽກໄດ້ດີ ແລະ ຮູ້ວ່າອັນໃດໄດ້ປຽບເສຍປຽບ, ພະຍາຍາມຮັກສາລະດັບໄວ້ບ່ອນນີ້ ຢ່າໃຫ້ຫລາຍເກີນໄປ ຫລື ໜ້ອຍເກີນໄປ ແລ້ວຊີວິດການເຮັດວຽກຈະດີຂຶ້ນ.
  3. ຈຳຕ້ອງອົດທົນ ມີລະດັບຄວາມອົດທົນ 50% : ກຸ່ນນີ້ຄວາມອົດທົນເລີ່ມຕໍ່າລົງມາອີກ ສ່ວນຫລາຍມັກຈະເປັນຜົນຂອງ ການຕໍ່ສູ້ອົດທົນມາເປັນໄລຍະເວລາດົນພໍສົມຄວນ, ແຕ່ກໍຍັງຮັບຜິດຊອບວຽກງານໃຫ້ເຖິງຝັ່ງຝັນໄດ້ຕາມມອບໝາຍ ເພາະຄວາມ ຈຳເປັນທີ່ຍັງຕ້ອງທົນຢູ່ ຈຶ່ງບໍ່ຢາກໃຫ້ໃຜມາຕຳໜິວ່າເປັນຄົນບໍ່ຮັບຜິດຊອບ, ແຕ່ຢາກແນະນຳວ່າຖ້າຄວາມອົດທົນຂອງທ່ານຕົກມາຢູ່ລະດັບນີ້ເມື່ອໃດ ຕ້ອງຟ້າວຫາແຮງບັນດານໃຈໃນການເຮັດວຽກໃໝ່ໆ, ປັບປຸງປ່ຽນແປງທັດສະນະຄະຕິໂຕເອງໂດຍໄວ ຈະ ເຮັດໃຫ້ປະຕິບັດວຽກງານດີຂຶ້ນ.
  4. ທົນຢູ່ ມີລະດັບຄວາມອົດທົນ 25% : ກຸ່ມຄວາມອົດທົນລະດັບສຸດທ້າຍ ໃຊ້ຊີວິດແບບເຊື່ອງຊ້າໃນອົງກອນໄປແຕ່ລະມື້ ໝົດແລ້ວ ເຊິ່ງໄຟໃນການເຮັດວຽກຢູ່ໄປວັນໆ ຫົວໜ້າຂໍລາຍງານມື້ນີ້ ສົ່ງມື້ອື່ນ, ຂໍລາຍງານມື້ອື່ນ ສົ່ງມື້ຮື, ໃຜຕຳໜິກໍບໍ່ສົນ ຄົນແບບນີ້ຂໍເອີ້ນວ່າທົນຢູ່ເພື່ອຮັບເງິນເດືອນໄປແຕ່ລະເດືອນເທົ່ານັ້ນ ເຊິ່ງຂໍບອກວ່າຖ້າມາເຖິງຈຸດນີ້ແລ້ວ ຫາວຽກໃໝ່ ຫລື ຫາທຸລະກິດສ່ວນໂຕມາຮອງຮັບດີກ່ວາ ທ່ານບໍ່ສົມຄວນຈະຢູ່ບ່ອນເກົ່າອີກຕໍ່ໄປແລ້ວ ຈິດວິນຍານຂອງທ່ານກຳລັງຖືກກັດກິນ ແລະ ຄວາມສາມາດຂອງທ່ານກຳລັງຖືກທຳລາຍ ຢ່າທົນຢູ່ແບບນີ້ເລີຍ ເພາະມັນບໍ່ດີກັບໂຕທ່ານເອງ.

ທຸກຄົນມີຂີດຄວາມອົດທົນທີ່ແຕກຕ່າງກັນ, ແຕ່ຂໍໃຫ້ຮູ້ຈັກໃຊ້ຄວາມອົດທົນກັບບຸກຄົນ ຫລື ສະຖານະການໃຫ້ເໝາະສົມ ເພື່ອທີ່ ເຮົາຈະໄດ້ບໍ່ເປັນຄົນເກັບກົດອົດກັ້ນກັບທຸກສິ່ງ ແລະ ບໍ່ແມ່ນຄົນທີ່ຄວບຄຸມອາລົມໂຕເອງບໍ່ໄດ້.

- Wave100S AD to Website 2020 0 - ທ່ານມີຄວາມອົດທົນຕໍ່ວຽກທີ່ເຮັດຢູ່ຫລາຍຫລືບໍ່ ?
- WhatsApp Image 2020 05 27 at 5 - ທ່ານມີຄວາມອົດທົນຕໍ່ວຽກທີ່ເຮັດຢູ່ຫລາຍຫລືບໍ່ ?
- WhatsApp Image 2020 05 27 at 5 - ທ່ານມີຄວາມອົດທົນຕໍ່ວຽກທີ່ເຮັດຢູ່ຫລາຍຫລືບໍ່ ?
error: Alert: ເນື້ອຫາຂ່າວມີລິຂະສິດ !!