ເຊື່ອມຊຶມຄໍາສັ່ງແນະນໍາຂອງທ່ານນາຍົກລັດຖະມົນຕີວ່າດ້ວຍການປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່

- Untitled design - ເຊື່ອມຊຶມຄໍາສັ່ງແນະນໍາຂອງທ່ານນາຍົກລັດຖະມົນຕີວ່າດ້ວຍການປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່

ໃນວັນທີ 3 ພຶດສະພາ ນີ້, ກະຊວງກະສິກໍາ ແລະ ປ່າໄມ້ (ກປ), ໄດ້ຈັດກອງປະຊຸມເຊື່ອມຊຶມຄໍາສັ່ງແນະນໍາຂອງທ່ານນາຍົກລັດຖະມົນຕີ ວ່າດ້ວຍການປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່ ສະບັບເລກທີ 03/ນຍ, ໂດຍການເຂົ້າຮ່ວມຂອງທ່ານ ພວງປະຣີລັກ ປຣະວົງວຽງຄໍາ ຮອງລັດຖະມົນຕີກະຊວງ ກປ.

ໃນກອງປະຊຸມ ທ່ານ ນາງ ພວງເພັດ ປູ່ວັງ ຫົວໜ້າກົມຈັດຕັ້ງ ແລະ ພະນັກງານ ມີຄໍາເຫັນວ່າ: ເພື່ອເສີມຂະຫຍາຍດ້ານດີ, ແກ້ໄຂບັນດາຈຸດອ່ອນ, ຂໍ້ຄົງຄ້າງໃນໄລຍະຜ່ານມາ ແລະ ເພື່ອປັບປຸງຍົກສູງຄຸນນະພາບໃນການເຄື່ອນໄຫວວຽກງານຂອງກົງຈັກການຈັດຕັ້ງຂັ້ນຕ່າງໆ ແລະ ການສອບເສັງຄັດເລືອກລັດຖະກອນໃໝ່ ໃຫ້ຖືກທິດ ແລະ ດີຂຶ້ນກວ່າເກົ່າ.  ດັ່ງນັ້ນ, ນາຍົກລັດຖະມົນຕີ ຈຶ່ງໄດ້ອອກຄໍາສັ່ງສະບັບນີ້ ເພື່ອແນໃສ່ປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່ດັ່ງນີ້:

ໃຫ້ບັນດາທ່ານລັດຖະມົນຕີກະຊວງ, ຫົວໜ້າອົງການທຽບເທົ່າກະຊວງ, ຫົວໜ້າອົງການຈັດຕັ້ງພັກ ຂອງສູນກາງ, ຄະນະເລຂາທິການສະພາແຫ່ງຊາດ, ຫ້ອງວ່າການປະທານປະເທດ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ປະທານອົງການກວດສອບແຫ່ງລັດ, ສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ, ອົງການຈັດຕັ້ງມະຫາຊົນຂັ້ນສູນກາງ, ເຈົ້າຄອງນະຄອນຫຼວງວຽງຈັນ ແລະ ເຈົ້າແຂວງ ກວດກາຄືນການກໍານົດຕໍາແໜ່ງງານຂອງການຈັດຕັ້ງຂອງຕົນໃນໄລຍະຜ່ານມາ ແລ້ວປັບປຸງແກ້ໄຂຈຸດທີ່ເຫັນວ່າບໍ່ຖືກຕ້ອງໃຫ້ຂາດຕົວ ເພາະການກໍານົດຕໍາແໜ່ງງານໃນເມື່ອກ່ອນມີລັກສະນະເພີ່ມຈໍານວນລັດຖະກອນຂຶ້ນທຸກໆປີ. ສໍາລັບກະຊວງ, ອົງການຈັດຕັ້ງພັກ-ລັດ ຫຼືອົງການປົກຄອງທ້ອງຖິ່ນໃດ ຖ້າບໍ່ທັນໄດ້ກໍານົດຕໍາແໜ່ງງານຂອງກົງຈັກການຈັດຕັ້ງຂອງຕົນ ໂດຍມີການວິເຄາະ ແລະ ດັດສົມວຽກງານໃຫ້ຖືກຕ້ອງ ແລະ ເໝາະສົມ ບົນພື້ນຖານຄົນຜູ້ໜຶ່ງຮັບຜິດຊອບຫຼາຍວຽກ ເພື່ອຫຼຸດຜ່ອນການຂໍເພີ່ມລັດຖະກ່ອນເລື້ອຍໆ ແລະ ກໍານົດຕໍາແໜ່ງງານຄືນໃໝ່ນີ້ ຕ້ອງຖືກຕ້ອງ ແລະ ສອດຄ່ອງກັບປະລິມານວຽກງານຕົວຈິງທີ່ມີກົມໃດ, ພະແນກໃດ ຫຼືກົງຈັກການຈັດຕັ້ງໃດ ມີຈໍານວນລັດຖະກອນຫຼາຍ ແລະ ບໍ່ສົມຄູ່ກັບໜ້າວຽກທີ່ມີ ຕ້ອງສັບຊ້ອນຄືນໃໝ່ ເຂົ້າກັບກົມ, ພະແນກ ຫຼືກົງຈັກການຈັດຕັ້ງ ທີ່ພະນັກງານ-ລັດຖະກອນບໍ່ພໍ ໃຫ້ມີຈໍານວນເໝາະສົມ, ພາຍຫຼັງສັບຊ້ອນແລ້ວຕ້ອງໄດ້ເອົາໃຈໃສ່ຝຶກອົບຮົມເຂົາເຈົ້າເຫຼົ່ານັ້ນໃຫ້ມີຄວາມເຂັ້ມແຂງທາງດ້ານວິຊາສະເພາະ ແລະ ມີຫຼັກໝັ້ນທັດສະນະຊົນຊັ້ນທີ່ຖືກຕ້ອງ, ມີຄວາມຮັບຜິດຊອບ, ສາມາດຈັດຕັ້ງປະຕິບັດວຽກງານໃຫ້ມີຄຸນນະພາບ ແລະ ເດັດຂາດ ບໍ່ຫ້ເພີ່ມຕໍາແໜ່ງ ແລະ ຈໍານວນພົນທີ່ບໍ່ຈໍາເປັນໃນທຸກກົງຈັກການຈັດຕັ້ງ ແລະ ພາຍຫຼັງກວດກາ, ທົບທວນ ແລະ ກໍານົດຕໍາແໜ່ງງານຄືນໃໝ່ສໍາເລັດແລ້ວ ໃຫ້ທຸກການຈັດຕັ້ງຂັ້ນສູນກາງ ແລະ ອົງການປົກຄອງທ້ອງຖິ່ນ ສະເໜີມາຍັງກະຊວງພາຍໃນ ພິຈາລະນາຮັບຮອງຈໍານວນຕໍາແໜ່ງງານ ແລະ ຈໍານວນພົນ ເພື່ອລາຍງານລັດຖະບານພິຈາລະນາ.

- Wave100S AD to Website 2020 0 - ເຊື່ອມຊຶມຄໍາສັ່ງແນະນໍາຂອງທ່ານນາຍົກລັດຖະມົນຕີວ່າດ້ວຍການປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່

ເພື່ອຈັດຕັ້ງປະຕິບັດນະໂຍບາຍການປະຢັດລາຍຈ່າຍງົບປະມານຂອງລັດ ສະນັ້ນ, ໃຫ້ທຸກອົງການຈັດຕັ້ງໃນລະບົບການເມືອງທຸກຂັ້ນ ໂຈະການສ້າງຕັ້ງກົງຈັກໃໝ່ທີ່ບໍ່ຈໍາເປັນ ດັ່ງນີ້: ບໍ່ອະນຸຍາດໃຫ້ກໍານົດກົງຈັກການຈັດຕັ້ງໃໝ່ ເຂົ້າໃນກົດໝາຍ ຫຼືດໍາລັດ; ເດັດຂາດບໍ່ອະນຸຍາດໃຫ້ມີການສ້າງຕັ້ງກົງຈັກ (ກະຊວງ, ອົງການລັດທຽບເທົ່າກະຊວງ, ທະບວງ, ກົມ, ພະແນກ, ຂະແໜງ ແລະ ໜ່ວຍງານ) ເພີ່ມອີກ;  ສໍາລັບຂົງເຂດການຈັດຕັ້ງພັກ, ສະພາແຫ່ງຊາດ, ສານປະຊາຊົນ, ອົງການໄອຍະການປະຊາຊົນ, ແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດຕັ້ງມະຫາຊົນ ກໍລະນີມີຄວາມຈໍາເປັນສ້າງຕັ້ງກົງຈັກຂຶ້ນໃໝ່ ໃຫ້ປຶກສາຫາລືເອກະພາບນໍາກະຊວງພາຍໃນກ່ອນ ແລ້ວຈຶ່ງສະເໜີຂັ້ນເທິງ ທີ່ີມີສິດອໍານາດພິຈາລະນາຕົກລົງ; ໃຫ້ທຸກອົງການຈັດຕັ້ງຂັ້ນສູນກາງຄົ້ນຄວ້າປັບປຸງສັບຊ້ອນກົງຈັກຂັ້ນພະແນກຂອງກົມ ແລະ ອົງການທຽບເທົ່າຄືນໃໝ່ ໂດຍສະເພາະແມ່ນພະແນກບໍລິຫານ, ພະແນກແຜນການ, ພະແນກພົວພັນ-ຮ່ວມມືສາກົນ ທີ່ມີພາລະບົດບາດ-ໜ້າທີ່ ກ້າວກ່າຍກັນ, ຊໍ້າຊ້ອນ ພາລະບົດບາດຂອງຫ້ອງການ, ກົມແຜນການ ແລະ ການຮ່ວມມືຂອງອົງການຂອງຕົນ ແລະ ໃຫ້ຄົ້ນຄວ້າປັບປຸງສັບຊ້ອນຄືນໃໝ່ກົງຈັກຂັ້ນຂະແໜ່ງ ແລະ ໜ່ວຍງານ ທີ່ຂຶ້ນກັບພະແນກ ໂດຍສະເພາະແມ່ນກົມຊ່ວຍໜູນຕ່າງໆ ແລະ ຕໍ່ໄປນີ້ບໍ່ຂໍອະນຸຍາດໃຫ້ຂະແໜງການ ຫຼືໜ່ວຍງານ ທີ່ຂຶ້ນກັບພະແນກຂອງກົມ ແລະ ອົງການທຽບເທົ່າກົມ ຖ້າຫາກບໍ່ໄດ້ຮັບການກວດກາ ແລະ ອະນຸມັດດ້ານຕໍາແໜ່ງງານກ່ອນ; ໃຫ້ບັນດາກະຊວງ-ອົງການທຽບເທົ່າກະຊວງ ຮີບຮ້ອນຜັນຂະຫຍາຍພາລະບົດບາດຂອງກະຊວງ ໃນການແບ່ງຂັ້ນຄຸ້ມຄອງ ແລະ ການມອບວຽກໃຫ້ທ້ອງຖິ່ນຢ່າງຈະແຈ້ງຂາດຕົວຕາມທິດທາງສາມສ້າງ, ກະຊວງ ແລະ ອົງການທຽບເທົ່າກະຊວງເຮັດພາລະບົດບາດຄຸ້ມຄອງມະຫາພາກຕິດຕາມກວດກາເປັນຕົ້ນຕໍ. ສໍາລັບອົງການປົກຄອງທ້ອງຖິ່ນ ຕ້ອງຫຼີກເວັ້ນລັກສະນະທີ່ວ່າງກົງຈັກຂອງກະຊວງ, ອົງການລັດທຽບເທົ່າກະຊວງ ມີຈໍານວນເທົ່າໃດກົມ, ຢູ່ຂັ້ນທ້ອງຖິ່ນ ກົງຈັກຂອງພະແນກຂັ້ນແຂວງ ກໍມີເທົ່ານັ້ນຂະແໜງ ແລະ ກົງຈັກຂອງຫ້ອງການຂັ້ນເມືອງກໍເຊັນດຽວກັນ.

ກ່ຽວກັບວຽກງານການບັນຈຸລັດຖກອນໃໝ່ ໃຫ້ເອົາໃຈໃສ່ດັ່ງນີ້: ໃຫ້ກະຊວງພາຍໃນຄົ້ນຄວ້າ, ສ້າງ ແລະ ປັບປຸງນິຕິກໍາກ່ຽວກັບວຽກງານການສອບເສັງລັດຖະກອນໃໝ່ໃຫ້ຮັດກຸມ ແລະ ແທດເໝາະກັບສະພາບຕົວຈິງ, ຄົ້ນຄວ້າປັບປຸງຄືນໃໝ່ ລະບົບ, ກົນໄກ, ວິທີ ແລະ ຂັ້ນຕອນການສອບເສັງ ນັບແຕ່ຂັ້ນຕອນການປະກາດຮັບສະໝັກຮອດຂັ້ນຕອນການພິຈາລະນາອະນຸມັດ, ພ້ອມທັງເຜີຍແຜ່, ແນະນໍາ, ຕິດຕາມກວດກາການຈັດຕັ້ງປະຕິບັດໃຫ້ທົ່ວເຖິງ ເພື່ອຮັບປະກັບການຈັດຕັ້ງປະຕິບັດມີຄວາມເປັນເອກະພາບ, ໂປ່ໃສ ແລະ ມີຄວາມຍຸຕິທໍາ.

- WhatsApp Image 2020 05 27 at 5 - ເຊື່ອມຊຶມຄໍາສັ່ງແນະນໍາຂອງທ່ານນາຍົກລັດຖະມົນຕີວ່າດ້ວຍການປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່
- WhatsApp Image 2020 05 27 at 5 - ເຊື່ອມຊຶມຄໍາສັ່ງແນະນໍາຂອງທ່ານນາຍົກລັດຖະມົນຕີວ່າດ້ວຍການປັບປຸງຄຸນນະພາບຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່
error: Alert: ເນື້ອຫາຂ່າວມີລິຂະສິດ !!