ໃຊ້ວັນເສລີພາບສື່ມວນຊົນໂລກໄວ້ອາໄລ ກຸ່ມນັກຂ່າວທີ່ເສຍຊີວິດຢູ່ອັບການິດສະຖານ

- advert banner 728 90 728x90 - ໃຊ້ວັນເສລີພາບສື່ມວນຊົນໂລກໄວ້ອາໄລ ກຸ່ມນັກຂ່າວທີ່ເສຍຊີວິດຢູ່ອັບການິດສະຖານ

ສື່​ຫລາຍ​ແຫ່ງ​ໃຊ້​ວັນ​ເສລີພາບ​ສື່​ມວນ​ຊົນ​ໂລກ 3 ພຶດສະພາ​ປີ​ນີ້ ລະນຶກ​ເຖິງ​ກຸ່ມ​ນັກ​ຂ່າວ​ ​ແລະ ຊ່າ​ງພາບ 10 ຄົນ​ທີ່​ເສຍ​ຊີວິດ​ຈາກ​ເຫດ​ຮ້າຍ​ຢູ່​ອັບ​ກາ​ນິດ​ສະຖານ ​ໃນ​ວັນ​ທີ 30 ​ເມສາ​ຜ່ານ​ມາ ​ເປັນ​ເຫດ​ທຳຮ້າຍ​ນັກ​ຂ່າວ​ພາຍ​ໃນ​ວັນ​ດຽວ​ຄັ້ງຮ້າຍ​ແຮງ​ທີ່​ສຸດ​ນັບ​ແຕ່​ກຸ່ມ​ຕາ​ລີ​ບັນ​ຖືກ​ໂຄ່ນ​ລົ້ມ​ໃນ​ປີ 2001.

- new3 - ໃຊ້ວັນເສລີພາບສື່ມວນຊົນໂລກໄວ້ອາໄລ ກຸ່ມນັກຂ່າວທີ່ເສຍຊີວິດຢູ່ອັບການິດສະຖານ

- 1525331423429 960x0 - ໃຊ້ວັນເສລີພາບສື່ມວນຊົນໂລກໄວ້ອາໄລ ກຸ່ມນັກຂ່າວທີ່ເສຍຊີວິດຢູ່ອັບການິດສະຖານ

ບັນນາທິການ​ສະຖານີ​ໂທລະພາບ ວັນ​ທີ​ວີ ກ່າວ​ວ່າ: ມື້ນີ້​ເປັນ​ມື້​ໄວ້ອາ​ໄລ​ຂອງ​ທາງ​ສະຖານີ​ທີ່​ສູນ​ເສຍ​ນັກ​ຂ່າວ 1 ຄົນ ​ແລະ ຊ່າງ​ພາບ 1 ຄົນ ​ໃນ​ເຫດ​ລະ​ເບີດ​ວັນ​ທີ 30 ​ເມສາ​ຜ່ານ​ມາ ​ແລະ ​ເປັນ​ວັນ​​ເນັ້ນ​ເຕືອນ​ວ່າ​ປີຜ່ານມາ​ສະຖານະ​ການ​ຮ້າຍ​ແຮງ​ພຽງ​ໃດ, ທຸກ​ຄົນ​ລ້ວນຊຶມ​ເຊົ້າທີ່​ເຫັນ​ໂຕະ​ເຮັດ​ວຽກ​ບໍ່​ມີ​ເຈົ້າຂອງ​ໃນ​ຫ້ອງ​ຂ່າວ. ສະຖານີ​ໂທລະພາບ​ເອກະ​ຊົນ​ແຫ່ງ​ນີ້​ເຄີຍ​ຖືກ​ຄົນ​ຮ້າຍ​ຂັບ​ລົດ​ບັນທຸກ​ລະ​ເບີດ​​ແລ່ນ​ຕຳ ​ໃນ​ເດືອນ​ພຶດສະພາ​ປີຜ່ານມາ ມີ​ຜູ້​ເສຍ​ຊີວິດ​ສູງ​ເຖິງ 150 ຄົນ, ​ແຕ່​ສາມາດ​ກັບ​ມາ​ອອກ​ອາກາດ​ໄດ້​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງ. ຂະນະ​ທີ່ ບັນນາທິການ​ໜັງສືພິມ ຮາ​ຊ ອີ ຊັບ ​ໃນ​ອັບ​ກາ​ນິດ​ສະຖານ ກ່າວ​ວ່າ: ວັນ​ເສລີພາບ​ສື່​ມວນ​ຊົນ​ໂລກ​ເນັ້ນ​ເຕືອນ​ຄົນ​ເຮັດ​ວຽກ​ຂ່າວ​ເຖິງ​ຄວາມ​ສຳຄັນ​ຂອງ​ການ​ລາຍ​ງານ​ຂ່າວ​ເພື່ອ​ປະຊາທິປະ​ໄຕ​ທີ່​ມີ​ຊີວິດ ​ແລະ ​ເພື່ອ​ນຳ​ສະ​ເໜີ​ຂໍ້​ມູນ​ທີ່​ປະຊາຊົນ​ຕ້ອງ​ຮູ້ ​ແລະ ຢາກ​ຮູ້.

ນັກ​ຂ່າວ ​ແລະ ຊ່າງ​ພາບ 9 ຄົນ​ເສຍ​ຊີວິດ​ຈາກ​ລະ​ເບີດ​ສອງ​ຄັ້ງ​ໃນ​ນະຄອນຫລວງ​ກາ​ບູນ ຂອງ​ອັບ​ກາ​ນິດ​ສະຖານ ທີ່​ກຸ່ມ​ລັດ​ອິດສະ​ລາມ (IS) ອ້າງ​ວ່າ​ເປັນ​ຄົນ​ເຮັດ. ຄົນ​ຮ້າຍ​ສວຍ​ໂອກາດ​ປົດ​ສະ​ນວນ​ລະ​ເບີດ​ລູກ​ທີ​ສອງ​ໃນ​ຂະນະ​ທີ່​ກຸ່ມ​ນັກ​ຂ່າວ​ໄປ​ເກັບ​ກຳ​ຂ່າວ​ລະ​ເບີດ​ລູກ​ທຳ​ອິດ ​ເຮັດ​ໃຫ້​ມີ​ຜູ້​ເສຍ​ຊີວິດ​ລວມກັນ 25 ຄົນ ມີ​ທັງ​ຄົນ​ຂອງ​ສຳນັກ​ຂ່າວ​ເອ​ເອຟພີ​ຂອງຝຣັ່ງ, ສະຖານີ​ວິທະຍຸ​ເອີຣົບ​ເສລີ, ສະຖານີ​ຂ່າວ​ໂທລະພາບ​ໂຕ​ໂລ​ນິວ, ສະຖານີ​ໂທລະພາບ​ວັນ​ທີ​ວີ ​ແລະ ສະຖານີ​ໂທລະພາບ​ມາ​​ແຊ​ລທີ​ວີ​ຂອງ​ອັບ​ກາ​ນິດ​ສະຖານ, ສ່ວນ​ນັກ​ຂ່າວ​ອີກ​ຄົນ​ໜຶ່ງ​ເສຍ​ຊີວິດ​ຈາກ​​ເຫດ​ຮ້າຍ​ຢູ່​ແຂວງ​ຄອສ ທາງ​ຕາ​ເວັນ​ອອກ​ຂອງ​ອັບ​ກາ​ນິດ​ສະຖານ ​ເປັນ​ນັກ​ຂ່າວ​ບີ​ບີ​ຊີ​ຂອງ​ອັງກິດ.

- lattana 1 - ໃຊ້ວັນເສລີພາບສື່ມວນຊົນໂລກໄວ້ອາໄລ ກຸ່ມນັກຂ່າວທີ່ເສຍຊີວິດຢູ່ອັບການິດສະຖານ

ອົງການ​ນັກ​ຂ່າວ​ໄຮ້​ພົມ​ແດນ​ຈັດ​ໃຫ້​ອັບ​ກາ​ນິດ​ສະຖານ​ເປັນ​ປະ​ເທດ​ອັນຕະລາຍ​ສຳ​ລັບ​ນັກ​ຂ່າວ​​ເປັນອັນ​ດັບ​ສາມ​ຂອງ​ໂລກ​ໃນ​ປີ​ກ່ອນ ​ແລະ ນັບ​ແຕ່​ປີ 2016 ​ເປັນຕົ້ນມາ ມີ​ນັກ​ຂ່າວ​ຖືກ​ສັງຫານ​ໃນ​ປະ​ເທດ​ນີ້​ແລ້ວ 34 ຄົນ. ຂະນະ​ທີ່​ຈຳນວນ​ນັກ​ຂ່າວ​ຖືກ​ສັງຫານ​ທົ່ວ​ໂລກ​ໃນ​ປີ​ກ່ອນ​ມີ 50 ຄົນ ຕໍ່າ​ທີ່​ສຸດ​ໃນ​ຮອບ 14 ປີ.

error: Content is protected !!