ເປີດງານຕະຫລາດນັດແຮງງານ 2018 ຂຶ້ນທີ່ສູນການຄ້າລາວ-ໄອເຕັກ

- 2018 04 26 14 49 54 - ເປີດງານຕະຫລາດນັດແຮງງານ 2018 ຂຶ້ນທີ່ສູນການຄ້າລາວ-ໄອເຕັກ
- Untitled design - ເປີດງານຕະຫລາດນັດແຮງງານ 2018 ຂຶ້ນທີ່ສູນການຄ້າລາວ-ໄອເຕັກ

ພະແນກແຮງງານ ແລະ ສະຫວັດດີການສັງຄົມນະຄອນຫລວງວຽງຈັນ, ໄດ້ຮ່ວມກັບບໍລິສັດ ລາວເວີນ ມະຫາຊົນ ເປີດງານຕະຫລາດນັດສີມືແຮງງານປີ 2018 ຂຶ້ນໃນວັນທີ 4-8 ພຶດສະພານີ້, ທີ່ສູນການຄ້າລາວ-ໄອເຕັກ ເພື່ອສ້າງເງື່ອນໄຂ ແລະ ອຳນວຍຄວາມສະດວກໃຫ້ຜູ້ຕ້ອງການວຽກເຮັດງານທຳ ແລະ ຫົວໜ່ວຍແຮງງານໄດ້ພົບປະແລກປ່ຽນບົດຮຽນຊຶ່ງກັນ ແລະ ກັນ, ທັງເປັນການປູກຈິດສຳນຶກໃຫ້ຜູ້ປະກອບການ (ນາຍຈ້າງ) ແລະ ຜູ້ຊອກວຽກເຮັດງານທຳມີຄວາມຮັບຮູ້, ເຂົ້າໃຈຕໍ່ແນວທາງນະໂຍບາຍ ແລະ ລະບຽບກົດໝາຍທີ່ກ່ຽວຂ້ອງກັບວຽກງານແຮງງານ ໂດຍສະເພາະແມ່ນການຈ້າງງານ.

ທ່ານນາງ ລຳພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມນະຄອນຫລວງວຽງຈັນ, ໄດ້ໃຫ້ສຳພາດຕໍ່ສື່ມວນຊົນໃນວັນທີ 2 ພຶດສະພານີ້ວ່າ: ພະແນກແຮງງານ ແລະ ສະຫວັດດີການສັງຄົມນະຄອນຫລວງວຽງຈັນມີບົດບາດໃນການເຮັດໜ້າທີ່ສ້າງ ແລະ ສົ່ງເສີມໃຫ້ແຮງງານທົ່ວນະຄອນຫລວງວຽງຈັນ ໄດ້ມີໂອກາດໃນການມີວຽກເຮັດງານທຳດີຂຶ້ນ, ສ້າງສິ່ງອຳນວຍຄວາມສະດວກ ໃຫ້ແກ່ຜູ້ຊອກວຽກເຮັດງານທຳ ແລະ ຫົວໜ່ວຍແຮງານທີ່ຕ້ອງການແຮງງານ ເພື່ອບັນຈຸໃສ່ຕຳແໜ່ງງານຫວ່າງ. ທັງນີ້, ກໍເພື່ອເປັນສ່ວນໜຶ່ງໃນການແກ້ໄຂບັນຫາແຮງງານເຫລືອບໍ່ພໍ ໂດຍສະເພາະແມ່ນການສະໜອງແຮງງານ ໃຫ້ຂະແໜງການອຸດສາຫະກຳ, ກະສິກຳ ແລະ ການບໍລິການໄດ້ພຽງພໍທ່ານນາງ ລຳພອຍ ສີອັກຄະຈັນ ໃຫ້ຮູ້ອີກວ່າ: ຕະຫລາດນັດແຮງງານ ນອກຈາກຈະ ສ້າງເງື່ອນໄຂໃຫ້ຜູ້ປະກອບການ ແລະ ຜູ້ຊອກວຽກເຮັດງານທຳໄດ້ມາພົບກັນແລ້ວ ຍັງເປັນເວທີປຶກສາຫາລື ກ່ຽວກັບການຈັດຕັ້ງຜັນຂະຫຍາຍວຽກງານສົ່ງເສີມ ແລະ ພັດທະນາສີມືແຮງງານ ເພື່ອຕອບສະໜອງສີມືແຮງງານທັງດ້ານປະລິມານ ແລະ ຄຸນນະພາບ ໃຫ້ກັບຫົວໜ່ວຍທຸລະກິດຕ່າງໆ ທັງພາຍໃນ ແລະ ນັກລົງທຶນຕ່າງປະເທດ ໃຫ້ສາມາດປະຕິບັດວຽກງານຂອງຕົນມີປະສິດທິພາບ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງນະຄອນຫລວງວຽງຈັນກໍຄືຂອງປະເທດດີຂຶ້ນ, ໃນງານຕະຫລາດນັດແຮງງານປີນີ້ມີຫລາຍກິດຈະກຳ ເປັນຕົ້ນ: ການໃຫ້ຂໍ້ມູນຂ່າວສານກ່ຽວກັບການຊອກວຽກເຮັດງານທຳ, ຂໍ້ມູນກ່ຽວກັບການຝຶກອົບຮົມວິຊາຊີບ, ການວາງສະແດງຮູບພາບການເຄື່ອນໄຫວຂອງວຽກງານພັດທະນາສີມືແຮງງານ ແລະ ຈັດຫາງານໃນໄລຍະຜ່ານມາ, ວາງສະແດງຜົນງານການແຂ່ງຂັນສີມືແຮງງານ, ຜະລິດຕະພັນ ແລະ ການບໍລິການຂອງຫົວໜ່ວຍແຮງງານ; ການຈັດເວທີສົນທະນາກ່ຽວກັບການສ້າງ ແລະ ພັດທະ ນາສີມືແຮງງານ, ຄວາມຕ້ອງການຂອງຕະຫລາດແຮງງານ, ບັນຫາ ແລະ ສິ່ງທ້າທາຍໃນການຕອບສະໜອງຄວາມຕ້ອງການຂອງແຮງງານ ແລະ ກິດຈະກຳອື່ນໆອີກ.

- Wave100S AD to Website 2020 0 - ເປີດງານຕະຫລາດນັດແຮງງານ 2018 ຂຶ້ນທີ່ສູນການຄ້າລາວ-ໄອເຕັກ
- WhatsApp Image 2020 05 27 at 5 - ເປີດງານຕະຫລາດນັດແຮງງານ 2018 ຂຶ້ນທີ່ສູນການຄ້າລາວ-ໄອເຕັກ
- WhatsApp Image 2020 05 27 at 5 - ເປີດງານຕະຫລາດນັດແຮງງານ 2018 ຂຶ້ນທີ່ສູນການຄ້າລາວ-ໄອເຕັກ
error: Alert: ເນື້ອຫາຂ່າວມີລິຂະສິດ !!