ເດັກປອດໄພອະນາຄົດສົດໃສ

- 2258 - ເດັກປອດໄພອະນາຄົດສົດໃສ
- Untitled design - ເດັກປອດໄພອະນາຄົດສົດໃສ

# ວິເສດ ສະແຫວງສຶກສາ  

ອີກປະມານ 1 ເດືອນນັບ ຈາກນີ້ກໍຈະຮອດວັນທີ 1 ມິ ຖຸນາ, ວັນເດັກນ້ອຍສາກົນ ທັງເປັນວັນປູກຕົ້ນໄມ້ແຫ່ງ ຊາດ ຂອງພວກເຮົາ.

ດັ່ງນັ້ນເລື່ອງທີ່ຢາກໃຫ້ ເບິ່ງກ່ຽວກັບການປົກປ້ອງ ສິດທິຂອງເດັກ ເຊິ່ງເປັນເນື້ອ ໃນຕົ້ນຕໍຂອງ ວັນທີ 1 ມິຖຸນາ ທຸກໆປີນັ້ນ ມີຢູ່ສອງເລື່ອງຄື ໜຶ່ງ: ກ່ຽວກັບທາງການ ຂອງ ອິນໂດເນເຊຍ ໄດ້ໃຊ້ມາດຕະ ການສຶກສາອົບຮົມບໍ່ໃຫ້ເດັນ ນ້ອຍຕົກເປັນເຫຍື່ອຫລອກ ລວງໂດຍກຸ່ມຫົວຮຸນແຮງທີ່ ເປັນໄມ້ມືຂອງກຸ່ມລັດອິດ ສະລາມ ຫລື “ໄອສິດ” ແລະ ເລື່ອງທີ່ສອງແມ່ນກ່ຽວກັບ ມາດຕະການທີ່ແສນເຂັ້ມງວດ ຂອງ ສປ ຈີນ ໃນເຂດນະຄອນ ຊຽງໄຮເພື່ອປ້ອງກັນບໍ່ໃຫ້ ເດັກນ້ອຍຕົກເປັນເຫຍື່ອ ຄວາມຮຸນແຮງທາງເພດ.

 

ອຸຍນີເຊບຊ່ວຍເຫລືອວຽກງານສຸຂະພາບແມ່ ແລະ ເດັກຢູ່ລາວ2017

ລາວເລີ່ມປະຕິບັດໂຄງການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ

ສຳລັບຢູ່ອິນໂດເນເຊຍ ນັ້ນ, ທາງການໄດ້ເອົາໃຈໃສ່ ເປັນພິເສດບໍ່ໃຫ້ເດັກນ້ອຍຖືກລ້າງສະໝອງຈົນຕາຍໃຈໄປນຳກຸ່ມຫົວຮຸນແຮງທີ່ລັກ ລອບເຂົ້າໄປສູ້ຮົບຊ່ວຍພວກຫົວຮຸນແຮງ ຫລື ກຸ່ມລັດອິດ ສະລາມຢູ່ປະເທດ ຊີເຣຍ ກໍຄື ປະເທດອື່ນໆ ໃນເຂດຕາເວັນ ອອກກາງ, ທີ່ຕ້ອງໄດ້ເລັ່ງ ເປົ້າໝາຍປ້ອງກັນເດັກກໍ ເພາະວ່າກຸ່ມອິດສະລາມນັ້ນມີ ແຜນການລ້າງສະໝອງເດັກ ເພື່ອໃຫ້ເຂົ້າຮ່ວມເປັນກຳລັງພິເສດຂອງພວກຕົນເພາະ ເດັກຈຳນວນໜຶ່ງນັ້ນມີຜູ້ ໃຫຍ່ທີ່ເປັນພໍ່ແມ່ອ້າຍນ້ອງ ເຄີຍໄປຮ່ວມມືກັບກຸ່ມໄອສິດ ມາກ່ອນ.

- Wave100S AD to Website 2020 0 - ເດັກປອດໄພອະນາຄົດສົດໃສ

ເດັກນ້ອຍອິນໂດເນເຊຍ ບາງກຸ່ມໄດ້ຮັບຜົນກະທົບ ໂດຍ ກົງຈາກອຸດົມການຂອງ ກຸ່ມຫົວຮຸນແຮງໂດຍຜ່ານ ສື່ສັງຄົມອອນລາຍ ແລະ ໂດຍກຸ່ມຜູ້ໃຫຍ່ຄົນໃກ້ສິດທີ່ ສ້ຽມສອນແນວຄິດຫົວຮຸນ ແຮງໃຫ້ພວກເຂົາເຈົ້າ.
ຂ່າວ (The Nation 21/9/2017)ບອກ ວ່າທາງ ການອິນໂດເນເຊຍໄດ້ສ້າງ ຕັ້ງສູນຟັກຟື້ນເພື່ອຕີຖອຍ ແນວຄິດຫົວຮຸນແຮງດັ່ງ ກ່າວ ແລະ ໄດ້ສຳເລັດຊຸດຟັກ ຟື້ນເທື່ອທີ 1 ໃຫ້ຜູ້ທີ່ຟັກໄຝ່ ໃນອຸດົມການຫົວຮຸນຈຳນວນ 161 ຄົນ ໃນນັ້ນເກືອບເຄິ່ງ ໜຶ່ງແມ່ນເດັກນ້ອຍ.

ຜູ້ເຂົ້າຮ່ວມຊຸດສຶກສາອົບ ຮົມທັງ 161 ຄົນນີ້ ມີທັງຜູ້ທີ່ ຫາກໍກັບຈາກປະເທດຊີເຣຍ ແລະ ຜູ້ທີ່ກຳລັງຕຽມໂຕຈະ ໄປ. ພາກສ່ວນທີ່ດຳເນີນສູນ ຟັກຟື້ນນີ້ໄດ້ແກ່ກະຊວງສະ ຫວັດດີການສັງຄົມ, ກະຊວງ ກິດຈະການທາງສາສະໜາ ແລະ ຄະນະກຳມະການຕ້ານ ການກໍ່ການຮ້າຍ ແຫ່ງຊາດ ອິນໂດເນເຊຍ. ສູນຟັກຟື້ນ ເພື່ອໃຫ້ຜູ້ຫລົງຜິດຄືນສູ່ສັງ ຄົມນີ້ເລີ່ມປະຕິບັດການມາແຕ່ ເດືອນສິງ ຫາປີ 2016.

ຂ່າວບອກວ່າ ເຈົ້າໜ້າ ທີ່ ຕຳຫລວດໄດ້ຈັບຕາຕິດຕາມ ຜູ້ທີ່ສະແດງຄວາມສົນໃຈ ຍາກໄປປະເທດຊີເຣຍ ລວມ ທັງເດັກນ້ອຍ.
ສ່ວນຢູ່ ສປ ຈີນ ນັ້ນມີ ຂ່າວວ່າ ທາງການຂອງເມືອງ ມິນຮັງ (Minhang) ຢູ່ເຂດ ນະຄອນຊຽງໄຮ ໄດ້ເອົາມາດ ຕະການເດັດຂາດບໍ່ໃຫ້ຜູ້ທີ່ ເຄີຍມີຄະດີໃຊ້ຄວາມຮຸນແຮງ ທາງເພດຕໍ່ເດັກ (ຂົ່ມຂືນ, ລວນລາມທາງເພດ) ມີວຽກ ເຮັດງານທຳ ຢູ່ໃກ້ສະຖານທີ່ ບ່ອນທີ່ເດັກນ້ອຍ ໃຊ້ບໍລິການ ເຊັ່ນໂຮງຮຽນ, ໂຮງໝໍ, ສະ ຖານທີ່ທ່ອງທ່ຽວ ເພື່ອຄວາມ ເພີດເພັນ ແລະ ສະໜາມກິລາ. ພວກທີ່ຖືກຫ້າມບໍ່ໃຫ້ມີວຽກ ເຮັດງານທຳໃກ້ໆ ສະຖານທີ່ ດັ່ງກ່າວ ມາຂ້າງເທິງນັ້ນໄດ້ ແກ່ພວກທີ່ມີຄະດີຈັດຕັ້ງເຄື່ອຂາຍໂສເພນີ, ພວກສະໜອງ ການບໍລິການໂສເພນີໃຫ້ຄົນ ອື່ນ, ພວກທີ່ໃຫ້ທີ່ພັກພາອາ ໄສແກ່ໂສເພນີ.

ການປະກາດໃຊ້ມາດຕະຖານເຂັ້ມງວດກວດຂັ້ນນີ້ ແມ່ນເພື່ອປົກປ້ອງເດັກນ້ອຍບໍ່ໃຫ້ເປັນເຫຍື່ອພວກບ້າກາມຍ້ອນຢ້ານວ່າຖ້າຄົນເຫລົ່ານີ້ມີໂອກາດໄດ້ຢູ່ໃກ້ສິດກັບເດັກ ແນ່ນອນປະຫວັດຄວາມຊົ່ວ ຮ້າຍກໍຈະຊ້ຳຮອຍອີກ./.

- 2258 - ເດັກປອດໄພອະນາຄົດສົດໃສ
(ພາບປະກອບ)

 

- WhatsApp Image 2020 05 27 at 5 - ເດັກປອດໄພອະນາຄົດສົດໃສ
- WhatsApp Image 2020 05 27 at 5 - ເດັກປອດໄພອະນາຄົດສົດໃສ
error: Alert: ເນື້ອຫາຂ່າວມີລິຂະສິດ !!