10 ວິທີເພີ່ມຄວາມສະຫຼາດໃຫ້ລູກນ້ອຍ

- AA2gQcP - 10 ວິທີເພີ່ມຄວາມສະຫຼາດໃຫ້ລູກນ້ອຍ
- Untitled design - 10 ວິທີເພີ່ມຄວາມສະຫຼາດໃຫ້ລູກນ້ອຍ

 

  1. ບໍາລຸງປັນຍາລູກ: ສະຕິປັນຍາເປັນສິ່ງທີ່ມາຈາກກໍາມະພັນ ຫຼື ບໍ່, ເປັນໄປໄດ້ ຫຼື ບໍ່ ທີ່ສະຕິປັນຍາຈະມາຈາກການອົບຮົມບົ່ມສອນຢ່າງຖືກວິທີໄດ້ ແນ່ນອນວ່າກໍາມະພັນເປັນໂຕແປທີ່ສໍາຄັນໃນການສ້າງສະຕິປັນຍາ ແຕ່ວ່າຜົນວິໄຈທາງວິທະຍາສາດຕ່າງໆ ກໍເລີ່ມສະແດງໃຫ້ເຫັັນວ່າ ການເຮັດບາງຢ່າງສາມາດເພີ່ມພູນທັກສະການຮຽນຮູ້ ແລະ ພັດທະນາການທາງດ້ານຈິດໃຈໃນເດັກໄປດ້ວຍໄດ້ແລ້ວ.
  2. ເກມລັບສະໝອງ: ໝາກລຸກ, ອັກສອນໄຂວ້, ຖອດສະຫັດ ແລະ ອື່ນໆ ສິ່ງເຫຼົ່ານີ້ຝຶກຝົນສະໝອງໄດ້ຄືກັບວ່າເປັນຢິມນາສຕິກທາງປັນຍາ, ເກມເຊັ່ນ: ຊູໂດກຸ ສາມາດທີ່ຈະໃຫ້ຄວາມສະໜຸກໄປພ້ອມໆກັນກັບພັດທະນາການຄວາມຄິດວາງແຜນ, ການແກ້ໄຂບັນຫາ ແລະ ການຕັດສິນໃຈທີ່ສັບຊ້ອນໄດ້.
  3. ຫຼິ້ນດົນຕີ: ການຫຼິ້ນດົນຕີອາດເປັນວິທີໜຶ່ງທີ່ຈະຊ່ວຍພັດທະນາສະໝອງດ້ານຂວາໄປພ້ອມກັນໃຫ້ຄວາມສະໜຸກໄດ້ ອ້າງອີງຈາກງານວິໄຈໂດຍນັກວິໄຈໃນມະຫາວິທະຍາໄລແຫ່ງໂຕຣອນໂຕ ແລ້ວການຮຽນດົນຕີຢ່າງເປັນລະບົບ ເບິ່ງຈະເປັນປະໂຫຍດຕໍ່ໄອຄິວ ແລະ ທັກສະທາງວິຊາການຂອງເດັກ ແລະ ເມື່ອຍິ່ງຮຽນໄປດົນໄປ ຜົນເຫຼົ່ານີ້ກໍຍິ່ງມີຫຼາຍຂຶ້ນຕາມໄປດ້ວຍ, ງານວິໄຈດັ່ງກ່າວພົບວ່າການຮຽນດົນຕີໃນໄວເດັກນັ້ນເປັນຕົວບົ່ງຊີ້ທີ່ຊັດເຈນວ່າເດັກໆເຫຼົ່ານີ້ຈະມີຄະແນນທີ່ດີໃນຊ່ວງຮຽນມັດທະຍົມປາຍ ແລະ ໄອຄິວທີ່ສູງເມື່ອພວກເຂົາໃຫຍ່ເປັນຜູ້ໃຫຍ່.
  4. ລ້ຽງດ້ວຍນົມແມ່
  5. ອອກກໍາລັງກາຍ: ງານວິໄຈຈາກມະຫາວິທະຍາໄລແຫ່ງອິລິນອຍ ສະແດງໃຫ້ເຫັນຄວາມສໍາພັນທີ່ຂ້ອນຂ້າງຊັດເຈນລະຫວ່າງຄວາມແຂງແຮງຂອງຮ່າງກາຍກັບຄວາມສໍາເລັດທາງວິຊາການໃນໝູ່ເດັກປະຖົມ ການເຂົ້າຮ່ວມຫຼິ້ນກິລາຊ່ວຍສ້າງຄວາມໝັ້ນໃຈການຮ່ວມມືເຮັດວຽກ ແລະ ຄວາມເປັນຜູ້ນໍາ ໂດຍອ້າງອີງຈາກງານວິໄຈໂດຍມູນນິທິອອປເປນໄຮເມີ ງານວິໄຈນີ້ຍັງພົບອີກວ່ານັກທຸລະກິດຍິງ 81% ຫຼິ້ນກິລາແບບທີມເມື່ອຕອນທີ່ພວກເຂົາຍັງນ້ອຍ.
  6. ຫຼິ້ນວິດີໂອເກມ: ງານວິໄຈຈາກມະຫາວິທະຍາໄລແຫ່ງໂຣເຊສເຕີຣ໌ເມື່ອບໍ່ດົນມານີ້ ຍັງພົບວ່າຜູ້ເຂົ້າຮ່ວມງານວິໄຈທີ່ຫຼິ້ນວິດີໂອເກມສາມາດຈັບແນວທາງ ແລະ ຫາຄວາມເຊື່ອມໂຍງລະຫວ່າງພາບໄດ້ວ່ອງໄວກວ່າຄົນທີ່ບໍ່ໄດ້ຫຼິນວິດີໂອເກມອີກດ້ວຍ.
  7. ໃຫ້ລູກກິນອາຫານທີ່ມີຄຸນປະໂຫຍດ: ເລືອກອາຫານທີ່ມີຄຸນຄ່າທາງໂພຊະນາການແທນ ສາມາດໃຫ້ປະໂຫຍດຕໍ່ກັບການພັດທະນາການທາງອາລົມ ແລະ ການເຄື່ອນໄຫວ ໂດຍສະເພາະໃນຊ່ວງສອງປີທໍາອິດ ຕົວຢ່າງເຊັ່ນ: ເດັກໆຕ້ອງການທາດເຫຼັກເພື່ອການພັດທະນາເນື້ອເຍື້ອສະໝອງທີ່ດີ ເນື່ອງຈາກການສົ່ງຄື້ນສະໝອງເປັນໄປໄດ້ຊ້າລົງເມື່ອໄດ້ຮັບທາດເຫຼັກບໍ່ພຽງພໍ. ນອກຈາກນີ້ ຍັງມີງານວິໄຈອີກຫຼາຍໆອັນທີ່ບົ່ງຊີ້ວ່າເດັກທີ່ບໍ່ໄດ້ຮັບສານອາຫານທີ່ດີຈະມີບັນຫາໃນການຕໍ່ສູ້ກັບໂຣກຕິດເຊື້ອ ຊຶ່ງຈະເຮັດໃຫ້ພວກເຂົາຕ້ອງຢຸດຮຽນ ແລະ ລ້າຫຼັງໄປຈາກເພື່ອນ ຈົ່ງເບິ່ງແຍງການກິນຂອງລູກໃຫ້ດີ ແລ້ວລະດັບ​ການ​ຮຽນທີ່ດີກໍຈະຕາມມາ.
  8. ສົ່ງເສີມຄວາມສົງໄສ: ການສົງໄສນັ້ນໄດ້ໃຫ້ບົດຮຽນກັບເດັກທີ່ມີຄ່າຫຼາຍ ຄືໃຫ້ເຂົາຮູ້ວ່າການຫາຄວາມຮູ້ເປັນສິ່ງທີ່ສໍາຄັນ ຈົ່ງສະໜັບສະໜູນຄວາມສົນໃຈຂອງພວກເຂົາດ້ວຍການຖາມຄໍາຖາມຕ່າງໆ, ສອນໃຫ້ເຂົາເຮັດສິ່ງໃໝ່ໆ, ພາທ່ອງທ່ຽວໃຫ້ລູກໄດ້ຮຽນຮູ້ສິ່ງໃໝ່ໆຈາກບ່ອນຕ່າງໆ.
  9. ອ່ານ: ເປັນວິທີພັດທະນາສະຕິປັນຍາຂອງເດັກໃນທຸກໄວໄດ້ຢ່າງແນ່ນອນທີ່ສຸດ ແລະ ເປັນວິທີທີ່ບໍ່ອາ​ໄສເຕັກໂນໂລຊີນຳ​ອີກ ອ່ານໜັງສືໃຫ້ລູກຟັງຕັ້ງແຕ່ຍັງນ້ອຍ.
  10. ສອນຄວາມໝັ້ນໃຈ: ການໃຫ້ລູກເຂົ້າຮ່ວມຫຼິ້ນກິລາແບບທີມກິດຈະກໍາສັງຄົມອື່ນໆ ສາມາດຊ່ວຍໃຫ້ເດັກສ້າງຄວາມໝັ້ນໃຈໃນໂຕເອງໄດ້.

 

 

- Wave100S AD to Website 2020 0 - 10 ວິທີເພີ່ມຄວາມສະຫຼາດໃຫ້ລູກນ້ອຍ
- WhatsApp Image 2020 05 27 at 5 - 10 ວິທີເພີ່ມຄວາມສະຫຼາດໃຫ້ລູກນ້ອຍ
- WhatsApp Image 2020 05 27 at 5 - 10 ວິທີເພີ່ມຄວາມສະຫຼາດໃຫ້ລູກນ້ອຍ
error: Alert: ເນື້ອຫາຂ່າວມີລິຂະສິດ !!