ວິສາຄະບູຊາວັນມົງຄຸນຂອງຊາວພຸດ

- 12554 - ວິສາຄະບູຊາວັນມົງຄຸນຂອງຊາວພຸດ
- Untitled design - ວິສາຄະບູຊາວັນມົງຄຸນຂອງຊາວພຸດ

ໂດຍ: ທິດກ່ຳ   

ເຖິງວ່າວັນວິສາຄະບູຊາ ມື້ວັນທີ 29 ເດືອນເມສາ 2018 ເຊິ່ງກົງກັບອອກໃໝ່ 15 ຄຳ ຫລື ວ່າຂຶ້ນ 15 ຄ່ຳ ເດືອນ 6 ເພັງ ຂອງປະຕິທິນ ລາວໄດ້ຜ່ານພົ້ນໄປໄດ້ຫລາຍວັນແລ້ວກໍຕາມ, ແຕ່ກິ່ນອາຍ ແຫ່ງວັນສຳຄັນຂອງຊາວພຸດລາວເຮົາຍັງມີຄວາມໝາຍ, ເປັນທີ່ຈົດຈຳລຳລຶກ ແລະ ເຄົາ ລົບບູຊາ ແລະ ເປັນທີ່ເພິ່ງທາງ ຈິດໃຈກໍວ່າໄດ້, ແຕ່ຕາມທິດ ກ່ຳຄິດ, ອາດຈະຍັງມີຫລາຍ ຄົນທີ່ເປັນຊາວພຸດຍັງບໍ່ ທັນເຂົ້າໃຈວ່າ ວັນວິສາຄະບູ ຊານັ້ນແມ່ນວັນຫຍັງ ແລະ ມີຄວາມໝາຍແນວໃດ? ໂດຍສະເພາະແມ່ນບັນດາລູກ ຫລານຜູ້ເກີດໃໝ່ໃຫຍ່ລຸນຈຳນວນບໍ່ໜ້ອຍບໍ່ຄ່ອຍສົນໃຈ, ທັງໆທີ່ເຮົາເກີດມານັບທັງພໍ່ ແມ່ປູ່ຍ່າຕາຍາຍ ແລະ ກະໂຕ ເຮົາເອງກໍຖືສາດສະໜາພຸດ, ແຕ່ບໍ່ຄ່ອຍໄດ້ເຂົ້າວັດຟັງທຳ ແລະ ເຮັດບຸນສິນກິນທານ ຕາມສັດທາ ແລະ ຄວາມສາ ມາດທີ່ຕົນມີ, ຄົນໃນຍຸກສະ  ໄໝນີ້ ຈຳນວນໜຶ່ງຊວນທຳ ບຸນປານດຶງຂາເຕົ່າ, ຊວນກິນ ເຫລົ້າຈົກໜ້າຈົກສິບ.

 

ເຮັດເຂົ້າຕົ້ມຂາຍກໍມີລາຍໄດ້ດີ

ຄວາມເປັນມາຂອງບຸນປະເພນີເຂົ້າພັນສາ

- Wave100S AD to Website 2020 0 - ວິສາຄະບູຊາວັນມົງຄຸນຂອງຊາວພຸດ

ສະນັ້ນ, ທິດກ່ຳ ຈິ່ງຂໍອະ ນຸໂມທະນານຳເອົາຕົ້ນເຫດ, ຄວາມໝາຍ ແລະ ຄວາມສຳ ຄັນຂອງວັນດັ່ງກ່າວມາເຈຍລະໃນສູ່ກັນຟັງ, ຄຳວ່າວັນ ວິ ສາຂະບູຊານັ້ນເປັນວັນເກີດ, ວັນຕັດສະຮູ້ ແລະ ວັນຕາຍ ຂອງພະພຸດທະເຈົ້າ (ວັນກຳ ເນີດ, ຕັດສະຮູ້ ແລະ ປະນິ ພານ),ໃນສາມວັນນີ້ມີຄວາມ ໝາຍວ່າ ພະພຸດທະເຈົ້າ ເພິ່ນ ເກີດມາກົງກັບມື້ອອກໃໝ່ 15 ຄ່ຳ ເດືອນ 6 ເພັງ, ຕັດສະຮູ້ ແລະ ຕາຍກໍເປັນວັນດຽວກັນ ນີ້ ເຊິ່ງມັນແຕກຕ່າງກັບຄົນ ເຮົາໂດຍທົ່ວໄປ ຄົນເຮົາທີ່ ເກີດມາໃນໂລກແມ່ນຫາຍາກທີ່ເກີດມາເປັນຄືພະພຸດທະ ເຈົ້າ, ເພາະສະນັ້ນເພິ່ນຈິ່ງ ຖື ວ່າພະພຸດທະເຈົ້າເປັນຄົນວິ ເສດບໍ່ມີໃຜຄື ແລະ ບໍ່ຄືໃຜ ຄຳ ວ່າກຳເນີດນັ້ນກໍແມ່ນເກີດ ອອກມາ ຈາກທ້ອງແມ່, ຄຳ ວ່າຕັດສະຮູ້ນັ້ນ ກໍແມ່ນສາ ມາດຮອບຮູ້ເຖິງທຸກຢ່າງ ແລະ ປະກົດການໃນໂລກ, ນັບທັງ ໂລກວັດຖຸ ແລະ ຈິດໃຈ ແລະ ຕໍ່ຄຳວ່ານິພານນັ້ນກໍໝາຍ ຄວາມວ່າຕາຍດ້ວຍສັງຂານດັບຕາມຕຳນານເລື່ອງລາວ ກ່າວຂານໃນຄຳພິດີກາພະພຸດ ທະເຈົ້າ, ມີອັນແຕກຕ່າງກັບ ຄົນທົ່ວໄປຫລາຍຢ່າງເປັນຕົ້ນ: ເກີດມາມີແຂ້ວ 32 ເຫລັ້ມ, ຍ່າງໄດ້ 7 ບາດກ້າວ, ເມື່ອ ເຕີບໃຫຍ່ຂຶ້ນກໍເປັນຄົນສະ ຫລາດ, ຮອບຮູ້, ມີພະຫຍາ ປັນຍາ, ມີເມດຕາຈິດເປັນເລີດ ອາຍຸ 29 ປີ ລັກໜີພໍ່ແມ່ໄປ ບວດດ້ວຍຕົນເອງນັ່ງສະມາ ທິ, ຍ່າງຈົມກົມ, ເຂົ້າປ່າ, ເຂົ້າ ດົງ, ເຂົ້າຖ້ຳເຂົ້າຮູ, ຜ່ານພາຍຸ ລົມແດງ, ຕັ້ງໜ້າເຝິກຝົນຫລໍ່ ຫລອມສຶກສາຮ່ຳຮຽນດ້ວຍ ຕົນເອງ, ໃຊ້ຊີວິດປະເຊີນກັບ ສິ່ງທ້າທາຍຕ່າງໆຢ່າງເຫລືອ ຄະນານັບເປັນເວລາ 6 ປີກໍ ສາມາດຕັດສະຮູ້ເຫັນໄດ້ທຸກ ຢ່າງທີ່ມີ ແລະ ເກີດມາໃນ ໂລກ, ພະພຸດທະເຈົ້າຍັງສາ ມາດຮູ້ຮອດພາສາສັດທຸກປະ ເພດນັບແຕ່ສັດໃຫຍ່ຊ້າງເສືອ ໄປຮອດສັດນ້ອຍນົກໝູປູ ປີກ, ຄວາມເປັນສຸກ, ເປັນທຸກ, ຍາກເຂັນຂອງມະນຸດ ແລະ ສັດໂລກ.

ພາຍຫລັງເພິ່ນຕັດສະຮູ້ ເປັນພະພຸດທະເຈົ້າແລ້ວ, ເພິ່ນ ກໍຕັ້ງໜ້າອຸທິດສິດສອນ ແລະ ນຳພາໃຫ້ບຸນສິນກິນທານ, ອອກທຸດົງຍ່າງໄປທຸກສາລະທິດເພື່ອປົດປ່ອຍມະນຸດທັງ ຫລາຍໃຫ້ພົ້ນຈາກ ຄວາມທຸກ ແລະ ສາມາດແຕ່ງຕຳລາ, ຄຳ ພິດີກາທາງທຳອອກມາໄດ້ ເຖິງສີ່ໝື່ນແປດພັນພະທຳ ມະຂັນ, ເພື່ອໃຫ້ເປັນຫລັກໃນ ການປະຕິບັດຕົນເອງ ແລະ ລວມໝູ່ເຊັ່ນ: ຊາວພຸດຄື ໄທ ເຮົາເຈົ້າຂ້ອຍແມ່ນໃຫ້ພາກັນປະຕິບັດສິນ 5 ຂໍ້, ແມ່ຂາວ ຖືສິນ 8 ຂໍ້, ຄູບາອາຈານທີ່ ບວດຢູ່ວັດໃຫ້ປະຕິບັດສິນ 227 ຂໍ້ເຫລົ່ານັ້ນເປັນຕົ້ນ. ນອກຈາກນັ້ນ, ກໍຍັງມີຫລັກ ມູນທິດສະດີຕ່າງໆ ທີ່ຫລາກ ຫລາຍໃນແຕ່ລະຜູກ, ແຕ່ລະ ເລື່ອງ, ແຕ່ລະຕອນ, ແຕ່ລະ ຂໍ້ ແລະ ແຕ່ລະມາດຕາ, ເຊິ່ງ ພວກເຮົາທັງຫລາຍຟັງຄູບາ-ອາຈານເພິ່ນເທດກໍລ້ວນແຕ່ ແມ່ນພະພຸດທະເຈົ້າເພິ່ນໄດ້ ແຕ່ງອອກມາເພື່ອສຶກສາ ຊາວພຸດເຮົາໃຫ້ຮູ້ແຈ້ງເຫັນ ຈິງ, ທຸກຄຳເວົ້າໃນຄຳພິດີ ກາຖ້າທຸກ ຄົນປະຕິບັດໄດ້ກໍມີ ຜົນດີໃຫ້ຕົນເອງທັງມີຜົນສັກ ສິດອີ່ຫລີ.

ເພາະສະນັ້ນ, ຈິ່ງສະ ຫລຸບໄດ້ວ່າພະພຸດທະເຈົ້າ ເປັນປຣາມາຈານຜູ້ຍິ່ງໃຫຍ່ ຂອງໂລກທຸກຄົນທີ່ມີຈິດໃຈ ເຫລື້ອມໃສ ແລະ ສັດຕໍ່ເພິ່ນ ກໍພາກັນປະຕິບັດນັບຖືຈົນສືບຕໍ່ກັນມາຮອດປັດຈຸບັນເອີ້ນ ວ່ານັບຖືສາດສະໜາພຸດ, ເມື່ອ ຖາມວ່າຈາກຊ່ວງໄລຍະນັ້ນມາຮອດປັດຈຸບັນໄດ້ຈັກປີ ແລ້ວ? ຄຳຕອບກໍຄືໄດ້ 2561 ປີນີ້ແລ້ວ, ດ້ວຍຄວາມສັດທາ ແລະ ລະນຶກນັບຖືບຸນຄຸນຂອງ ພະພຸດທະເຈົ້າ ອົງການສະຫະ ປະຊາຊາດ ຈິ່ງກຳນົດເອົາວັນ ວິສາຂະບູຊາ ເປັນວັນສຳຄັນ ຂອງຊາວໂລກ ຊາວພຸດເຮົາ ທັງຫລາຍໃນທົ່ວໂລກຕ່າງກໍຈັດກິດຈະກຳ ທີ່ຫລາກຫລາຍ ສີສັນເພື່ອເປັນການອຸທິດເຖິງບຸນຄຸນຂອງພະພຸດທະເຈົ້າ ທີ່ມີພາລະກິດອັນຍິ່ງໃຫຍ່ຕໍ່ ຊາວໂລກຕັ້ງແຕ່ສະໄໝເລີ້ມ ຕົ້ນຈົນມາຮອດປັດຈຸບັນ./.

- 12554 - ວິສາຄະບູຊາວັນມົງຄຸນຂອງຊາວພຸດ
(ພາບປະກອບ)
- WhatsApp Image 2020 05 27 at 5 - ວິສາຄະບູຊາວັນມົງຄຸນຂອງຊາວພຸດ
- WhatsApp Image 2020 05 27 at 5 - ວິສາຄະບູຊາວັນມົງຄຸນຂອງຊາວພຸດ
error: Alert: ເນື້ອຫາຂ່າວມີລິຂະສິດ !!