ຈີນສະໜັບສະໜູນຢຸດຕິສົງຄາມ ເກົາຫລີຢ່າງເປັນທາງການ

- W020180503653370957039 - ຈີນສະໜັບສະໜູນຢຸດຕິສົງຄາມ ເກົາຫລີຢ່າງເປັນທາງການ
- Untitled design - ຈີນສະໜັບສະໜູນຢຸດຕິສົງຄາມ ເກົາຫລີຢ່າງເປັນທາງການ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ການ​ຕ່າງປະ​ເທດ​ຈີນ​ອອກ​ຖະ​ແຫລ​ງການ​ໃນ​ວັນ​ທີ 3 ພຶດສະພາ ກ່ຽວ​ກັບ​ກໍລະນີ​ທີ່​ທ່ານ ຫວັງ ອີ້ ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ​ເຂົ້າພົບ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ຢູ່​ນະຄອນຫລວງ​ພຽງ​ຢາງວ່າ: ທ່ານ ຫວັງ​ ອີ້ ຍ້ອງຍໍ​ຄວາມ​ພະຍາຍາມ ​ແລະ ຄວາມ​ມຸ່ງ​ໝັ້ນລະຫວ່າງ​ລັດຖະບານ​ພຽງ​ຢາງ​ກັບ​ລັດຖະບານ​ເຊ​ອຸນ ​ໃນ​ການ​ຢຸດຕິ​ສົງຄາມ​ເກົາຫລີ “ຢ່າງ​ເປັນ​ທາງ​ການ”.

- Wave100S AD to Website 2020 0 - ຈີນສະໜັບສະໜູນຢຸດຕິສົງຄາມ ເກົາຫລີຢ່າງເປັນທາງການ

ຂະນະ​ດຽວ​ກັນ, ທ່ານ ຫວັງ ອີ້ ຍັງ​ກ່າວ​ສະໜັບສະໜູນ​ແຜນ​ຍຸດ​ທະ​ສາດ​ປະຕິ​ຮູບ​ເສດຖະກິດ​ຂອງ​ລັດຖະບານ​ພຽງ​ຢາງ​ຊຸດ​ປັດຈຸບັນ ​ແລະ ສະໜັບສະໜູນ​ນະ​ໂຍບາຍ​ຂອງ ສປປ ​ເກົາຫລີ ​ໃນ​ການ​ແກ້​ໄຂ​ຄວາມ​ກັງວົນ​ຂອງ​ທຸກ​ຝ່າຍ “ຢ່າງ​ຍຸຕິ​ທຳ” ​ເພື່ອ​ນຳ​ໄປ​ສູ່​ການ​ປອດ​ນິວ​ເຄຼຍຢູ່​ແຫລມ​ເກົາຫລີ, ສ່ວນ​ທ່ານ ກິມ ຈ໋ອງອຸນ ​ໄດ້​ໃຫ້​ຄຳ​ຢືນຢັນ​ກັບ​ທ່ານ ຫວັງ ອີ້ ​ໃນ​ເລື່ອງ​ນີ້ ​ແລະ ສະ​ແດງ​ຄວາມ​ມຸ່ງ​ໝັ້ນຍົກ​ລະດັບ​ການ​ຮ່ວມ​ມື​ກັບ​ລັດຖະບານ​ປັກ​ກິ່ງ​ໃນ​ທຸກ​ດ້ານ​ນຳ​ອີກ.

ສຳລັບ​ການ​ຢ້ຽມຢາມ​ນະຄອນຫລວງ​ພຽງ​ຢາງ​ຂອງ​ທ່ານ ຫວັງ ອີ້ ​ເຊິ່ງຖື​ເປັນ​ເທື່ອ​ທຳ​ອິດ​ໃນ​ຮອບ 11 ປີ ຂອງ​ຜູ້​ດຳລົງ​ຕຳ​ແໜ່​ງລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ນັບ​ແຕ່​ທ່ານ ຢາງ ​ເຈຍ​ສື ​ໃນ​ປີ 2007 ​ເກີດ​ຂຶ້ນພຽງ​ອາທິດ​ດຽວ ຫລັງ​ທ່ານ ກິມ ຈ໋ອງອຸນ ສ້າງ​ປະຫວັດສາດ​ເປັນ​ຜູ້ນຳ​ສູງ​ສຸດ​ທ່ານ​ທຳ​ອິດ​ຂອງ ສປປ ​ເກົາຫລີ ທີ່​ຢ້ຽມຢາມ ສ.​ເກົາຫລີ ​ເພື່ອ​ພົບ​ປະ​ຫາລື​ກັບ​ປະທານາທິບໍດີ ມຸນ​ ​ແຈ​ອິນ ຢູ່​ເຂດ​ປອດ​ທະຫານ​ເບື້ອງ ສ.​ເກົາຫລີ ​ໃນ​ວັນ​ທີ 27 ​ເມສາ​ຜ່ານ​ມາ ​ແລະ ຜູ້ນຳຂອງ ສປປ ​ເກົາຫລີ ຍັງ​ມີ​ກຳນົດ​ກຽມ​ປະຊຸມ​ຮ່ວມ​ກັບ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ ທີ່​ຫລາຍ​ຝ່າຍ​ຄາດ​ວ່າ​ຈະ​ເກີດ​ຂຶ້ນ​ໃນຕົ້ນ​ເດືອນ​ມິຖຸນາ​ນີ້.

- WhatsApp Image 2020 05 27 at 5 - ຈີນສະໜັບສະໜູນຢຸດຕິສົງຄາມ ເກົາຫລີຢ່າງເປັນທາງການ
- WhatsApp Image 2020 05 27 at 5 - ຈີນສະໜັບສະໜູນຢຸດຕິສົງຄາມ ເກົາຫລີຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!