ແລ່ນ-ລານ ທີມຊາດລາວຍາດ 2 ຫລຽນລາຍກາໄທແລນໂອເພັນ

- 31956279 222086698560130 599688579685285888 n - ແລ່ນ-ລານ ທີມຊາດລາວຍາດ 2 ຫລຽນລາຍກາໄທແລນໂອເພັນ
- Untitled design - ແລ່ນ-ລານ ທີມຊາດລາວຍາດ 2 ຫລຽນລາຍກາໄທແລນໂອເພັນ

ທ້າຍອາທິດຜ່ານມານັກກິລາແລ່ນ-ລານທີມຊາດລາວສາມາດຍາດໄດ້ 1 ຫລຽນເງິນ, 1 ຫລຽນທອງ ໃນລາຍການໄທແລນໂອເພັນຈັດຂຶ້ນໃນວັນທີ 4-7 ພຶດສະພານີ້ ທີ່ ປະເທດໄທ ມີຊິງໄຊທັງໝົດ 42 ລາຍການການ(ສະເພາະປະເພດຍິງ-ຊາຍທົ່ວໄປ) ນອກນີ້ ຍັງມີປະເພດເຍົາວະຊົນຍິງ-ຊາຍ, ມີນັກກິລາເຂົ້າຮ່ວມຫລາຍກວ່າ 1000 ຄົນ ຈາກຫລາຍປະເທດໃນອາຊີ ແລະ ຫລາຍສະໂມສອນຈາກປະເທດໄທ.

ສປປ ລາວ ສົ່ງນັກກິລາເຂົ້າຮ່ວມ 9 ຄົນ(ຍິງ 2 ຄົນ), ຄູຝຶກ 3 ທ່ານ, ຮ່ວມຊີງໄຊໃນ 8 ລາຍການ. ຫລ້າສຸດ ນັກກິລາທີມຊາດລາວສາມາດຍາດໄດ້ 1 ຫລຽນເງິນ 1 ຫລຽນທອງ ໃນນັ້ນຫລຽນເງິນໄດ້ຈາກ ນາງ ລົດແກ້ວ ອິນທະກຸມມານ ລາຍການ ແລ່ນ 1500 ແມັດຍິງ ດ້ວຍເວລາ 4 ນາທີ 41 ວິນາທີ 3 ລິບດາ ເປັນຮອງອັນດັບ 1 ນັກກິລາຈາກຫວຽດນາມ ພຽງ 4 ວິນາທີ, ທີ 3 ນັກກິລາຈາກເກົາຫລີ ເວລາ 4 ນາທີ 54 ວິນາທີ 56 ວິນາທີ ລາຍການນີ້ ມີນັກກິລາເຂົ້າຮ່ວມ 10 ຄົນ.

ສ່ວນອີກ 1 ຫລຽນທອງ ໄດ້ຈາກ ທ້າວ ອານຸສອນ ໄຊສາ ແລ່ນຂ້າວຮົ້ວ 110 ແມັດຊາຍ ດ້ວຍເວລາ 14.37 ວິນາທີ, ຫລຽນຄຳເປັນຂອງນັກກິລາຈາກເກົາຫລີ ເວລາ 14.30 ວິນາທີ, ຫລຽນເງິນນັກກິລາຟິລິບປິນ ເວລາ 14.47 ວິນາທີ ລາຍການນີ້ ມີນັກກິລາເຂົ້າຮ່ວມ 23 ຄົນຈາກ ຟີລິບປິນ, ມາເລເຊຍ, ໄຕ້ຫວັນ, ເກົາຫລີ, ໄທເຈົ້າພາບ ແລະ ສປປ ລາວ ເຂົ້າຮ່ວມ 2 ຄົນຄື: ອານຸສອນ ໄຊສາ ແລະ ສີວອນ ພອນມະນີວົງ(ບໍ່ຜ່ານການຄັດເລືອກ).

- Wave100S AD to Website 2020 0 - ແລ່ນ-ລານ ທີມຊາດລາວຍາດ 2 ຫລຽນລາຍກາໄທແລນໂອເພັນ
- WhatsApp Image 2020 05 27 at 5 - ແລ່ນ-ລານ ທີມຊາດລາວຍາດ 2 ຫລຽນລາຍກາໄທແລນໂອເພັນ
- WhatsApp Image 2020 05 27 at 5 - ແລ່ນ-ລານ ທີມຊາດລາວຍາດ 2 ຫລຽນລາຍກາໄທແລນໂອເພັນ
error: Alert: ເນື້ອຫາຂ່າວມີລິຂະສິດ !!