ລາວ-ສ.ເກົາຫລີ ແລກປ່ຽນຄວາມຮູ້ທາງດ້ານນະໂຍບາຍເພື່ອດຶດດູງການລົງທຶນ

- Laos Korea Invesment policy - ລາວ-ສ.ເກົາຫລີ ແລກປ່ຽນຄວາມຮູ້ທາງດ້ານນະໂຍບາຍເພື່ອດຶດດູງການລົງທຶນ
- Untitled design - ລາວ-ສ.ເກົາຫລີ ແລກປ່ຽນຄວາມຮູ້ທາງດ້ານນະໂຍບາຍເພື່ອດຶດດູງການລົງທຶນ

ໃນວັນທີ 4 ພຶດສະພານີ້, ກະຊວງແຜນການ ແລະ ການລົງທຶນ ຮ່ວມກັບສະຖາບັນພັດທະນາເກົາຫລີ ແລະ ສະຖານທູດ ສ.ເກົາຫລີ ປະຈຳລາວໄດ້ຈັດກອງປະຊຸມສຳມະນາພາຍໃຕ້ແຜນງານແລກປ່ຽນທາງດ້ານຄວາມຮູ້ ລະຫວ່າງ ສປປ ລາວ-ສ.ເກົາຫລີ ສຳລັບປີ 2017-2018 ຂຶ້ນທີ່ນະຄອນ

ຫລວງວຽງຈັນ. ພາຍໃຕ້ການເປັນປະທານຮ່ວມຂອງທ່ານ ນາງ ສີສົມບູນ ອຸນາວົງ ຫົວໜ້າກົມຮ່ວມມືສາກົນ, ກະຊວງແຜນການ ແລະ ການລົງທຶນ ແລະ ທ່ານ ແຕ ຍຸງ ກວ້ນ (Tae Kyung Kwon) ຊ່ຽວຊານທີ່ປຶກສາອາວຸໂສ ສະຖາບັນພັດທະນາເກົາຫລີ, ໂດຍມີສໍາມະນາກອນເຂົ້າຮ່ວມຫລາຍກວ່າ 50 ຄົນ, ເພື່ອນໍາສະເໜີຜົນການຈັດຕັ້ງປະຕິບັດແຜນງານ ແລະ ການກຳນົດນະໂຍບາຍຂອງ ສປປ ລາວ, ປຶກສາຫາລືແນະນຳກ່ຽວກັບນະໂຍບາຍ ສຳລັບຜົນກະທົບຕໍ່ບັນດາຫົວຂໍ້ການຄົ້ນຄວ້າ, ເຜີຍແຜ່ຜົນການຄົ້ນຄວ້າຂັ້ນສຸດທ້າຍ ແລະ ປຶກສາຫາລືປະກອບຄຳຄິດຄຳເຫັນທາງດ້ານນະໂຍບາຍ ໃຫ້ແກ່ຄະນະທີມງານຂອງຝ່າຍລາວ, ເພື່ອດຳເນີນການຕິດຕາມການເປັນຄູ່ຮ່ວມພັດທະນາທີ່ຍືນຍົງ ກ່ຽວກັບປະເດັນທີ່ເປັນບັນຫາສຳຄັນຕ່າງໆ ຊຶ່ງລວມມີ 3 ຫົວຂໍ້ດັ່ງນີ້: ການຕິດຕາມຄຸ້ມຄອງ ແລະ ລະບົບຕິດຕາມການສົ່ງເສີມການລົງທຶນໂດຍກົງຂອງຕ່າງປະເທດຕໍ່ ສປ ປ ລາວ; ຜົນກະທົບທາງດ້ານນະໂຍບາຍ ແລະ ຜົນກະທົບທາງດ້ານເສດຖະກິດ ຕໍ່ການລົງທຶນໂດຍກົງຂອງຕ່າງປະເທດຕໍ່ ສປປ ລາວ; ການສ້າງນະໂຍບາຍທຸລະກິດຂະໜາດກາງ-ນ້ອຍ ເພື່ອດຶງດູດການລົງທຶນ.

ແຜນງານຮ່ວມມືດັ່ງກ່າວ, ແມ່ນໄດ້ເລີ່ມຈັດຕັ້ງປະຕິບັດແຕ່ປີ 2004 ເປັນຕົ້ນມາ ໂດຍເນັ້ນໃສ່ການແລກປ່ຽນ, ໃຫ້ຄຳປຶກສາດ້ານນະໂຍບາຍການຄຸ້ມຄອງເສະຖະກິດ ກັບບັນດາປະເທດກຳລັງພັດ ທະນາໃນທົ່ວໂລກ 64 ປະເທດ ທີ່ຄົ້ນຄວ້າບັນດາຫົວຂໍ້ຕ່າງໆ ມີທັງໝົດ 990 ຫົວຂໍ້, ໂດຍສະເພາະໃນຂົງເຂດອາຊີ ມີ 300 ຫົວຂໍ້ໃນ 10 ປະເທດອາຊຽນ.

- Wave100S AD to Website 2020 0 - ລາວ-ສ.ເກົາຫລີ ແລກປ່ຽນຄວາມຮູ້ທາງດ້ານນະໂຍບາຍເພື່ອດຶດດູງການລົງທຶນ

ສຳລັບ ສປປ ລາວ – ສ.ເກົາຫລີ ແມ່ນເລີ່ມມີການຮ່ວມມືກັນແຕ່ ປີ 2010 ເປັນຕົ້ນມາ ມີ 36 ຫົວຂໍ້ ແລະ ກຳລັງຈັດຕັ້ງປະຕິບັດໃນປັດຈຸບັນມີ 3 ຫົວຂໍ້.

- WhatsApp Image 2020 05 27 at 5 - ລາວ-ສ.ເກົາຫລີ ແລກປ່ຽນຄວາມຮູ້ທາງດ້ານນະໂຍບາຍເພື່ອດຶດດູງການລົງທຶນ
- WhatsApp Image 2020 05 27 at 5 - ລາວ-ສ.ເກົາຫລີ ແລກປ່ຽນຄວາມຮູ້ທາງດ້ານນະໂຍບາຍເພື່ອດຶດດູງການລົງທຶນ
error: Alert: ເນື້ອຫາຂ່າວມີລິຂະສິດ !!