ເຈົ້າໜ້າທີ່ເລັ່ງສະຫລຸບຄະດີຜົວ​ຂ້າ​ເມຍ​ຢູ່ບ້ານນາແຄເພື່ອສັ່ງຟ້ອງສານຕັດສິນລົງໂທດ

- kill wife - ເຈົ້າໜ້າທີ່ເລັ່ງສະຫລຸບຄະດີຜົວ​ຂ້າ​ເມຍ​ຢູ່ບ້ານນາແຄເພື່ອສັ່ງຟ້ອງສານຕັດສິນລົງໂທດ
- Untitled design - ເຈົ້າໜ້າທີ່ເລັ່ງສະຫລຸບຄະດີຜົວ​ຂ້າ​ເມຍ​ຢູ່ບ້ານນາແຄເພື່ອສັ່ງຟ້ອງສານຕັດສິນລົງໂທດ

ເມື່ອກາງເດືອນເມສາ 2018 ນີ້, ໄດ້ເກີດເຫດການເສົ້າຜົວຄາດຕະກໍາເມຍຢູ່ບ້ານນາແຄເມືອງໄຊທານີນະຄອນຫລວງວຽງຈັນ ແລະ ໃນຕົ້ນເດືອນພຶດສະພານີ້, ເຈົ້າໜ້າທີ່ໄດ້ນໍາຕົວ​ທ້າວ ຄຳ​ສອນ (ປິກ) ອາຍຸ 50 ປີຜູ້ເປັນຜົວມາທໍາແຜນທົດສະກໍາ ເພື່ອປະກອບສຳນວນ​ຄະດີ​ສົ່ງ​ໃຫ້​ໄອ​ຍະ​ການ​ປະຊາຊົນສັ່ງຟ້ອງສານລົງໂທດຕາມລະບຽບກົດໝາຍ.

ຜ່ານ​ການ​ສືບສວນ-ສອບ​ສວນຂອງເຈົ້າໜ້າທີ່ທ້າວ ຄຳ​ສອນ ສາລະພາບ​ວ່າ: ຕົນ​ໄດ້​ແຕ່ງງານ​ກັບ​ນາງ ສຸດ​ໃຈ (ຜູ້​ເສຍ​ຊີວິດ) ​ໄດ້​ເກືອບ 30 ປີ ແລະ ມີລູກນໍາກັນ 2 ຄົນ ແລະ ໃນໄລຍະ 4-5 ​ປີຫລັງມານີ້, ແມ່ນມັກມີການຜິດ​ຖຽງ ແລະ ທຳຮ້າຍ​ຮ່າງກາຍ​ກັນເປັນປະຈໍາຍ້ອນບັນຫາພາຍໃນຄອບຄົວ. ມາຮອດ​ວັນ​ທີ 20 ​ເມສາ 2018 ​ເວລາ​ປະມານ 14:00 ​ໂມງຕົນໄດ້ຂໍເງິນນໍາເມຍເພື່ອໄປຫລີ້ນກິລາໝາກບູນນໍາໝູ່, ແຕ່ເມຍບໍ່ໃຫ້ຈຶ່ງ​ໄດ້​ຜິດ​ຖຽງ​ກັນ ແລະ ​ເກີດອາລົມ​ໂມ​ໂຫຮຸນ​ແຮງ ຈຶ່ງ​​ໃຊ້​ກຳປັ້ນຕີ​ເມຍຫລາຍບາດ, ພ້ອມທັງ​ໃຊ້ໄມ້ຄ້ອນຕີ​ຫົວຊໍ້າຕື່ມຫລາຍບາດຈົນ​ເມຍ​ໝົດ​ສະຕິ​​ແລ້ວ, ຈຶ່ງໄດ້ອອກຈາກ​ເຮືອນຂັບ​ລົດຈັກ​ເອົາ​ໄມ້ຄ້ອນ​​ໄປ​ຖິ້ມລົງ​ຄອງ​ນ້ຳເພື່ອທໍາລາຍຫລັກຖານ. ຈາກ​ນັ້ນກໍ​ຂີ່​ລົດ​ໄປ​ຫລີ້ນໝາກບູນ​ຢູ່​ຫ້ອງການ​ບ້ານນາແຄ, ສ່ວນເມຍແມ່ນມີຄົນມາພົບເຫັນແລ້ວໄດ້ນໍາສົ່ງໂຮງໝໍ ແລະ ໄດ້ເສຍຊີວິດໃນເວລາຕໍ່ມາ ແລະ ສ່ວນຕົນພາຍຫລັງມີຄົນໂທບອກວ່າເມຍໄດ້ເສຍຊີວິດກໍໄດ້ກັບມາເຮືອນ, ຈາກ​ນັ້ນກໍ​ມີ​ເຈົ້າໜ້າ​ທີ່ລົງ​ມາ​ເກັບ​ກຳ​ຂໍ້​ມູນຫລັກຖານ ແລະ ຮູ້ວ່າແມ່ນຜົວເປັນຜູ້ລົງມືກໍ່ເຫດຈຶ່ງໄດ້ກັກ​ຕົວມາດໍາເນີນຄະດີຕາມລະບຽບກົດໝາຍ.

- Wave100S AD to Website 2020 0 - ເຈົ້າໜ້າທີ່ເລັ່ງສະຫລຸບຄະດີຜົວ​ຂ້າ​ເມຍ​ຢູ່ບ້ານນາແຄເພື່ອສັ່ງຟ້ອງສານຕັດສິນລົງໂທດ
- WhatsApp Image 2020 05 27 at 5 - ເຈົ້າໜ້າທີ່ເລັ່ງສະຫລຸບຄະດີຜົວ​ຂ້າ​ເມຍ​ຢູ່ບ້ານນາແຄເພື່ອສັ່ງຟ້ອງສານຕັດສິນລົງໂທດ
- WhatsApp Image 2020 05 27 at 5 - ເຈົ້າໜ້າທີ່ເລັ່ງສະຫລຸບຄະດີຜົວ​ຂ້າ​ເມຍ​ຢູ່ບ້ານນາແຄເພື່ອສັ່ງຟ້ອງສານຕັດສິນລົງໂທດ
error: Alert: ເນື້ອຫາຂ່າວມີລິຂະສິດ !!