ອິດສະລາແອນເດີນໜ້າບີບອາເມລິກາ ຖອນຕົວຈາກຂໍ້ຕົກລົງນິວເຄຼຍອີຣານ

- benjamin netanyahu - ອິດສະລາແອນເດີນໜ້າບີບອາເມລິກາ ຖອນຕົວຈາກຂໍ້ຕົກລົງນິວເຄຼຍອີຣານ
- Untitled design - ອິດສະລາແອນເດີນໜ້າບີບອາເມລິກາ ຖອນຕົວຈາກຂໍ້ຕົກລົງນິວເຄຼຍອີຣານ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ກ່າວ​ໃນ​ວັນ​ທີ 6 ພຶດສະພາ​ວ່າ: ຂໍ້​ຕົກລົງ​ນິວ​ເຄຼຍອີຣານ ສະບັບ​ປີ 2014 ​ເປັນ​ການ​ຮ່ວມ​ມື​ລະຫວ່າງ​ປະ​ເທດ​ທີ່​ອ່ອນ​ແອ ​ແລະ ​ໄຮ້​ປະສິດທິພາບ, ​ເຖິງ​ວ່າ​ຜູ້ນຳ​ອິດສະ​ລາ​ແອນ​ບໍ່​ໄດ້​ກ່າວ​ໂດຍ​ກົງ​ວ່າ​ອີຣານລະ​ເມີດ​ຂໍ້​ຕົກລົງ, ​ແຕ່​ກ່າວ​ວ່າ​ເນື້ອ​ໃນ​ຂອງ​ຂໍ້​ຕົກລົງ​ເຕັມ​ໄປ​ດ້ວຍ​ຊ່ອງ​ຫວ່າງ ​ເປີດ​ໂອກາດ​ໃຫ້​ລັດຖະບານ​ເຕຮາ​ຣານຍັງ​ເດີນ​ໜ້າ​ພັດທະນາ​ອາວຸດ​ນິວ​ເຄຼຍ​ໄດ້ ທຸກ​ຝ່າຍ​ທີ່​ກ່ຽວຂ້ອງ​ກັບ​ຂໍ້​ຕົກລົງ​ສະບັບ​ນີ້​ຄວນຮ່ວມ​ກັນ​ແກ້​ໄຂ ຫລື ຍົກ​​ເລີກ​ການ​ຮ່ວມ​ມື​ນີ້, ​ແຕ່​ຍັ​ງ​ເນັ້ນວ່າ ອິດສະ​ລາ​ແອນ​ບໍ່​ຕ້ອງການ​ເຮັດ​ສົງຄາມ​ກັບ​ອີຣານ.

- Wave100S AD to Website 2020 0 - ອິດສະລາແອນເດີນໜ້າບີບອາເມລິກາ ຖອນຕົວຈາກຂໍ້ຕົກລົງນິວເຄຼຍອີຣານ

ທັງ​ນີ້, ທ່ານ ​ເນ​ຕັນ​ຢາ​ຮູ  ຖະ​ແຫລ​ງ​ໃນ​ອາທິດ​ຜ່ານ​ມາ ພ້ອມ​ຫລັກ​ຖານ​ເປັນ​ເອກະສານ​ຫລາຍ​ກວ່າ 100.000 ໜ້າວ່າ: ອີຣານລັກລອບ​ພັດທະນາ​ໂຄງການ​ນິວ​ເຄຼຍອາ​ໝັດ ທີ່​​ເຄີຍ​ຢຸດ​ໄປ​ໃນ​ປີ 2003 ​ແລະ ຍັງ​ເດີນ​ໜ້າ​ເພີ່ມ​ສະມັດຖະພາບ​ຢູ​​ເຣນຽມ ​ເຖິງ​ວ່າ​ມີ​ການ​ລົງ​ນາມ​ຂໍ້​ຕົກລົງ​ນິວ​ເຄຼຍ ທີ່​ເປັນ​ການ​ຮ່ວມ​ມື​ລະຫວ່າງ​ອີຣານກັບ​ກຸ່ມພີ 5+1 ​ເຊິ່ງ​ເປັນ​ການ​ລວມຕົວ​ລະຫວ່າງ​ສະມາຊິກ​ຖາວອນ​ທັງ 5 ປະ​ເທດ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ​ແລະ ​ເພີ່ມ​ເຢຍລະ​ມັນ​ເຂົ້າມາ ​ໂດຍ​​ໄລຍະ​ເວລາ​ນັ້ນ​ເປັນ​ຍຸກ​ລັດຖະບານ​ອາ​ເມ​ລິ​ກາ​ຂອງ​ປະທານາທິບໍດີ ບາຣັກ ​ໂອ​ບາ​ມາ.

​ໃນ​ວັນ​ດຽວ​ກັນ, ປະທານາທິບໍດີ ຮັສຊັນ ​ໂຣຮາ​ນີ ຜູ້ນຳ​ອີຣານ ກ່າວ​ວ່າ: ທ່ານ​ໄດ້​ສັ່ງ​ໃຫ້​ອົງການ​ດ້ານ​ພະລັງງານ​ນິວ​ເຄຼຍ ​ແລະ ໜ່ວຍ​ງານ​ອື່ນ​ທີ່​ກ່ຽວຂ້ອງ ​ໃນ​ການ​ຜະ​ເຊີນ ​ແລະ ຮັບ​ມື​ກັບ​ການ​ຮຸກ​ຮານ​ຈາກ​ອາ​ເມ​ລິ​ກາ ຫລັງ​ຜ່ານ​ພົ້ນວັນ​ທີ 12 ພຶດສະພາ ​ເຊິ່ງ​ເປັນ​ເສັ້ນຕາຍ​ສະ​ເພາະ​ໃນ​ສ່ວນ​ຂອງ​ອາ​ເມ​ລິ​ກາ ທີ່​ປະທານາທິບໍດີ ​ໂດ​ນັນ ທຣຳ ຕ້ອງ​ຕັດສິນ​ໃຈ​ຈະ​ລົງ​ນາມ​ຮັບຮອງ ຫລື ປະຕິ​ເສດ​ວ່າ​ລັດຖະບານ​ເຕຮາຣານຍັງ​ປະຕິບັດ​ຕາມ​ເງື່ອນ​ໄຂ​ຂອງ​ຂໍ້​ຕົກລົງ ຫລື ບໍ່, ພ້ອມ​ທັງ​ເຕືອນ​ວ່າ: ການ​ຖອນ​ຕົວ​ອອກ​ຈາກ​ຂໍ້​ຕົກລົງ​ຈະ​ສ້າງ​ຄວາມ​ເສຍ​ໃຈ​ໃຫ້​ແກ່ອາ​ເມ​ລິ​ກາ​ໃນ​ລະດັບ​ທີ່​ບໍ່​ເຄີຍ​ເກີດ​ຂຶ້ນມາ​ກ່ອນ ​ແລະ ອິດສະ​ລາ​ແອນ​ຈະ​ໄດ້​ຮູ້​ເຖິງ​ຄວາມ​ເປັນ​ເອກະ​ພາບ​ຂອງ​ອີຣານ​ໃນ​ເລື່ອງ​ນີ້.

- WhatsApp Image 2020 05 27 at 5 - ອິດສະລາແອນເດີນໜ້າບີບອາເມລິກາ ຖອນຕົວຈາກຂໍ້ຕົກລົງນິວເຄຼຍອີຣານ
- WhatsApp Image 2020 05 27 at 5 - ອິດສະລາແອນເດີນໜ້າບີບອາເມລິກາ ຖອນຕົວຈາກຂໍ້ຕົກລົງນິວເຄຼຍອີຣານ
error: Alert: ເນື້ອຫາຂ່າວມີລິຂະສິດ !!