ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

- Untitled design - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

- TP 1 300x201 - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

ເມືອງສີໂຄດຕະບອງເປັນເມືອງໜຶ່ງທີ່ອຸດົມສົມບູນໄປດ້ວຍຊັບພະຍາກອນທໍາມະຊາດແລະ ພູຜາປ່າໄມ້ ອັນດົກໜາຂຽວງາມອຸ່ມທຸ່ມເຊິ່ງໃນນັ້ນແມ່ນໄດ້ມີສະຖານທີ່ທ່ອງທ່ຽວທາງດ້ານປະຫວັດສາດ, ວັດທະນະທໍາ ແລະ ແຫຼ່ງທ່ອງທ່ຽວທໍາມະຊາດທີ່ ໂດດເດັ່ນຫຼາຍແຫ່ງອັນທີ່ພິເສດໄປກວ່ານັ້ນກໍແມ່ນ ມີຄວາມອຸດົມສົມບູນໄປດ້ວຍ ວັດວາອາຮາມປູລິຍະນິສະຖານ ແລະ ສະຖານທີ່ອັນສັກສິດຢູ່ຫຼາຍແຫ່ງເຊິ່ງໃນນັ້ນກໍ ແມ່ນ ວັດຖໍ້າພະລືສີ ວະນາຣາມ ສະຖານທີ່ເຝິກອົບຮົມປະຕິບັດທັມ, ວັດຖໍ້າພະ ແລະ ວັດປ່າຖໍ້າຄອກມ້ານັ້ນເອງທີ່ເປັນສະຖານ ທີ່ທ່ອງທ່ຽວເປັນເອກະລັກທາງດ້ານວັດທະນະທໍາອັນດີງາມໃຫ້ແກ່ຄົນລາວຊາວພຸດທຸກຄົນໄດ້ທ່ຽວຊົມກາບໄຫວ້ ແລະ ທໍາພິທີກໍາຕ່າງໆທາງສາດສະໜາ.

-ວັດຖໍ້າພະລືສີຕັ້ງຢູ່ເຂດບ້ານໃໝ່, ເມືອງສີໂຄດຕະບອງ ຕາມເສັ້ນທາງເລກທີ11B ນັບຈາກບ້ານເກົ້າລ້ຽວໄປຢູ່ລະ ຫວ່າງຫຼັກກິໂລແມັດທີ 17 ເຊິ່ງ ໃຊ້ເວລາໃນການເດີນທາງປະມານ 20 ນາທີ, ເປັນວັດທີ່ມີ ຄວາມສະຫງົບງຽບ ແລະ ຮົ່ມເຢັນດີຈາກຕົ້ນໄມ້ໃຫຍ່ທີ່ດົກໜາ ເຊິ່ງພາຍໃນວັດຍັງມີຖໍ້າຂະໜາດນ້ອຍອັນເປັນບ່ອນປະດິດ ສະຖານ ຂອງພະລືສີຈຶ່ງເປັນທີ່ ມາຂອງຊື່ວັດແຫ່ງນີ້. ພວກເຮົາ ສາມາດທ່ຽວຊົມຄວາມສວຍ ສົດງົດງາມຂອງສິມທີ່ສ້າງ ແບບສິລະປະລວດລາຍລາວເດີມຈາກສີມືຂອງນາຍຊ່າງທີ່ປານີດ, ໃນ ວັດຍັງມີບໍ່ນໍ້າສັກສິດອີກດ້ວຍ. ຕາມການ ໄດ້ໄປທ່ຽວຊົມໃນຜ່ານມາ, ເຫັນວ່າວັດແຫ່ງນີ້ຈະມີນັກທ່ອງທ່ຽວ ແລະ ຊາວພຸດທີ່ເດີນທາງມາຈາກຕ່າງແຂວງ, ຕ່າງ ເມືອງ ມາກາບໄຫວ້ ແລະ ສັກກາ ລະບູຊາເປັນປະຈໍາ, ໂດຍສະເພາະແມ່ນວັນສໍາຄັນຕ່າງໆທາງພຸດທະສາດ ສະໜາກໍຈະມີພຸດທະສາສະນິກກະຊົນເດີນທາງມາປະຕິບັດວິປັດສະນາກໍາມະຖານຢູ່ວັດແຫ່ງນີ້ຢ່າງຫຼວງຫຼາຍ.

- TP101 300x201 - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

–   ສຳລັບວັດຖໍ້າພະຕັ້ງຢູ່ ເຂດບ້ານຫ້ວຍຫ້ອມ, ເມືອງສີໂຄດຕະບອງ, ສາມາດເດີນທາງໄປຕາມເສັ້ນທາງເລກທີ 11B ຈາກເກົ້າລ້ຽວໄປໂດຍຜ່ານ ບ້ານຫ້ວຍຫ້ອມເຊິ່ງຢູ່ລະຫວ່າງກິໂລແມັດທີ 19.

ພາຍໃນວັດຈະມີສາລາ ພະພຸດທະຮູບເກົ່າແກ່ປາງຕ່າງໆ ຢູ່ປາກຖໍ້າດ້ານລຸ່ມທີ່ຕິດກັບແມ່ ນໍ້າຂອງເຊິ່ງເພິ່ນໄດ້ ສ້າງຂັ້ນໃດ ເປັນຫົນທາງທຽວລົງໄປຫາປາກຖໍ້າທີ່ມີຫົວຂັ້ນໃດເຮັດເປັນຮູບຫົວນາກຢ່າງງົດງາມ ເຊິ່ງໄດ້ ມີພຸດ ທະສາສະນິກກະຊົນຫຼືນັກ ທ່ອງທ່ຽວເດີນທາງມາກາບໄຫ້ວທ່ຽວຊົມເປັນປົກກະຕິໂດຍ ສະເພາະກໍແມ່ນໃນມື້ ວັນພັກ ແລະ ວັນສໍາຄັນທາງພຸດທະສາສະໜາຕ່າງໆ. ນອກຈາກນັ້ນ, ທ່ານຍັງສາມາດຊົມຄວາມງົດງາມ ຂອງສອງຟາກຝັ່ງແມ່ນໍ້າ ຂອງຍາມພະອາທິດຫັດສະດົງລົງແລງກໍຈະເຫັນປະກາຍແສງ ສອດສ່ອງລົງມາຕ້ອງ ໃສ່ແມ່ ນະທີວັງໃຫຍ່ກາຍເປັນສີຄໍາສະ ທ້ອນເຫຼື້ອມລະຍິບລະຢັບເຫັນ ແລ້ວໜ້າຈັບໃຈແທ້ໆ.

- Wave100S AD to Website 2020 0 - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

 

- S 2 300x201 - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

-ສ່ວນວັດປ່າຖໍ້າຄອກມ້າ ຕັ້ງຢູ່ເຂດບ້ານຫ້ວຍຫ້ອມເຊັ່ນ ດຽວກັນເຊິ່ງທ່ານສາມາດເດີນ ທາງໄປຕາມເສັ້ນທາງ ເລກທີ 11Bຈາກເກົ້າລ້ຽວລຽບຕາມ ແຄມແມ່ນໍ້າຂອງຢູ່ລະຫວ່າງກິໂລແມັດທີ 20 ເຊິ່ງຫ່າງຈາກ ວັດຖໍ້າພະໄປປະ ມານ 2 ກິໂລ ແມັດ ເວລາໄປແມ່ນເບື້ອງຂວາມືຊ້າຍສວຍກັບວັດຖໍ້າພະ ເຊິ່ງນັກ ທ່ອງທ່ຽວສາມາດເດີນທາງ ຈາກທາງໃຫຍ່ເຂົ້າໄປຫາຖໍ້າ ຄອກມ້າດ້ວຍການຍ່າງເລາະ ປ່າໃນໄລຍະທາງປະມານ 1 ກິໂລແມັດພ້ອມທັງໄດ້ຊົມ ຄວາມສວຍສົດງົດງາມຂອງທິວທັດທໍາມະຊາດເຂດນັ້ນອັນເຕັມໄປ ດ້ວຍປ່າໄມ້ທີ່ຂຽວງາມ ແລະ ດົກ ໜາທີ່ປົກ ຄຸມຫຸ້ມຫໍ່ທັງສອງຟາກທາງເຮັດໃຫ້ອາກາດມີຄວາມຊຸ່ມເຢັນດີ. ວັດປ່າຖໍ້າຄອກມ້າ ເປັນວັດປ່າທີ່ສະຫງົບງຽບ ແລະ ຮົ່ມເຢັນດີ ແລະ ມີຄວາມສວຍສົດ ງົດງາມດ້ວຍຜົນງານສິລະປະ ກໍາຂອງນັກຈິດຕະກອນທີ່ມີ ຄວາມຄິດ ສ້າງສັນໃນການຫຼໍ່ຮູບປັ້ນທີ່ມີຮູບລັກສະນະຕ່າງໆ ລຽນຢາຍໄປທົ່ວບໍລິເວນວັດ ເປັນຕົ້ນແມ່ນຮູບປັ້ນຂອງພະ ສັງກະຈາຍສີທອງອົງໃຫຍ່ທີ່ຕັ້ງສະຫງ່າຢູ່ກາງວັດ, ມີພະພຸດທະຮູບປາງຕ່າງໆເຊິ່ງລວມທັງຮູບປັ້ນ ຂອງໂຕມ້າ ທີ່ເປັນສັນຍາລັກຂອງວັດແຫ່ງນີ້ກໍຄືທີ່ມາ ຂອງຊື່ວັດນັ້ນເອງ. ນອກຈາກນັ້ນ,  ທ່ານຍັງສາມາດຊົມທັດສະນີ ຍະພາບສວຍສົດງົດງາມຂອງສາຍແມ່ນໍ້າຂອງ ແລະ ສາມາດຖ່າຍຮູບເກັບພາບໄວ້ເພື່ອເປັນທີ່ລະນຶກອີກດ້ວຍ.

ທ່ານໃດຫາກໄດ້ໄປເຂດບ້ານໃໝ່-ຫ້ວຍຫ້ອມເມືອງສີ ໂຄດຕະບອງກໍຢ່າລືມຫາໂອກາດມາສ້າງບຸນກຸສົນ ດ້ວຍການ ເອົາເຂົ້າຂອງບໍລິວານ, ເຄື່ອງ ອຸປະໂພກ ແລະ ບໍລິໂພກຕ່າງໆ ມາຖວາຍແດ່ພະສົງສາມະເນນທີ່ເປັນ ຜູ້ລິເລີ່ມ ບຸກເບີກໃຫ້ເປັນ ສະຖານທີ່ຕັ້ງວັດເພື່ອມາປະຕິ ບັດທໍາຈໍາສິນຢູ່ແຫ່ງນີ້ແດ່ເພາະ ເຫັນວ່າວັດວາອາຮາມ ເຂດນີ້ ແມ່ນຢູ່ຫ່າງໄກຈາກບ້ານ ປະຊາຊົນ ຈຶ່ງເຮັດໃຫ້ການອຸປະຖັມ ຄໍ້າ ຊູຈາກອອກຕົນຍາດໂຍມບໍ່ທັນ ໄດ້ດີເທົ່າ ທີຄວນ.  ຖ້າຜູ້ໃດມີໃຈສັດທາຢາກປະກອບສ່ວນໃນ ການສ້າງສາວັດວາອາຮາມ, ຫໍກອງ, ຫໍ ແຈກ, ສາລາໂຮງ ທັມ, ກໍາແພງວັດ  ແລະ ລວມໄປ ຮອດການຖວາຍພະປາງຕ່າງໆ ກໍຂໍໃຫ້ໄປພົວພັນດ້ວຍຕົວຂອງ ທ່ານເອງ ແລະ ຊາຍພະເນຈອນ ກໍຈະຂໍອະນຸໂມທະນາສາທຸນໍາເດີ!

- WhatsApp Image 2020 05 27 at 5 - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ
- WhatsApp Image 2020 05 27 at 5 - ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

Comment (2)

    ໄຊໂຢ
    26/04/2017 - 8:38 am

    ສະບາຍດີທາ່ນບັນນາທິການໜັງສືພິມ ລາວພັດທະນາ,

    ຂ້າພະເຈົ້າເປັນຜູ້ໜຶ່ງທີ່ເຄີຍຕິດຕາມໜັງສືພິມລາວພັດທະນາມາເປັນປະຈຳ ຢາກຈະຂໍຝາກຄວາມເຫັນກັບໜັງສືພິມລາວພັດທະນາ ແລະ ຖາມວ່າ ເປັນຫຍັງຫຼັງຈາກທີ່ທາງໜງັສືພິມລາວພັດທະນາໄດ້ປ່ຽນຊື່ໃໝ່ຂອງເວບໄຊນີ້ ມັນໄດ້ເຮັດໃຫ້ການອ່ານຂ່າວບໍ່ສະດວກດີປານໃດຍ້ອນວ່າ ຕົວໜັງສືທຸກຕົວແມ່ນແຕກແຍກກັນ ອ່ານຍາກ ບໍ່ຄືແຕ່ເກົ່າ

      [email protected]
      14/05/2017 - 9:54 pm

      ກ່ຽວກັບໂຕຫນັງສືພວກເຮົາໄດ້ໄຊ້ຕົວຟ້ອນທີ່ເປັນຕົວມາດຕະຖານ ທີ່ສາມາດອ່ານໄດ້ຫມົດທຸກລະບົບແຕ່ບາງຄັ້ງອາດເກີດຈາກລະບົບ… ຂອບໃຈທ່ານ ທາງເຮົາຈະກວດສອບຄືນແລະແກ້ໄຂທັນທີ

Comments are closed.

error: Alert: ເນື້ອຫາຂ່າວມີລິຂະສິດ !!