ຫ້ອງການ​ປະກັນ​ສຸຂະພາບ​ແຫ່ງ​ຊາດ​ໄດ້​ຮັບ​ການ​ຊ່ວຍ​ເຫຼືອອຸປະກອນ​ໄອ​ທີ

- pakansangkhom - ຫ້ອງການ​ປະກັນ​ສຸຂະພາບ​ແຫ່ງ​ຊາດ​ໄດ້​ຮັບ​ການ​ຊ່ວຍ​ເຫຼືອອຸປະກອນ​ໄອ​ທີ
- Untitled design - ຫ້ອງການ​ປະກັນ​ສຸຂະພາບ​ແຫ່ງ​ຊາດ​ໄດ້​ຮັບ​ການ​ຊ່ວຍ​ເຫຼືອອຸປະກອນ​ໄອ​ທີ

​​​ພິທີ ມອບ​-ຮັບ ​ເຄື່ອງ​ຊ່ວຍ​ເຫລືອ ອຸປະກອນ​ໄອ​ທີ ຈາກ​ໂຄງການ ລາວ-ລຸກ​ຊຳ​ບວກ ​ເພື່ອສະໜັບ​ສະ​ໜູນ​ຂະ​ແໜງ​ສາທາລະນະ​ສຸກ ​ໄລຍະ II (LAO/207) ​ໃຫ້​ແກ່​ຫ້ອງການ​ປະກັນ​ສຸຂະພາບ​ແຫ່ງ​ຊາດຂັ້ນ​ສູນ​ກາງ ​ແລະ ຫ້ອງການ​ປະກັນ​ສຸຂະພາບ​ແຫ່ງ​ຊາດ​ຂັ້ນ​ແຂວງ ​ແລະ ​ເມືອງ​ ຂອງ​ແຂວງ​ວຽງ​ຈັນ ​ແລະ ​ແຂວງ​ບໍລິ​ຄຳ​ໄຊ ລວມມູນ​ຄ່າ 168 ລ້ານ​ກີບ. ໄດ້​ມີ​ຂຶ້ນ​ໃນ​ວັນ​ທີ 4 ພຶດສະພາ ນີ້, ລະຫວ່າງທ່ານ Frank Haegeman ຕາງໜ້າ​ໂຄງ ການ LAO/207 ​ແລະ ​ທ່ານ ບຸນ​ແຝງ ພູມ​ມະ​ໄລ​ສິດ ຫົວ​ໜ້າ​ຫ້ອງການປະກັນ​ສຸຂະພາບ​ແຫ່ງ​ຊາດ ​ ​​ໂດຍ​ການ​ເຂົ້າ​ຮ່ວມ​ຂອງຮອງ​ຫົວ​ໜ້າ​ກົມ​ແຜນການ ​ແລະ ການ​ຮ່ວມ​ມື ກະຊວງ​ສາທາລະນະ​ສຸກ ທັງ​ເປັນ​ຫົວ​ໜ້າ​ໂຄງການ LAO/207 ຝ່າຍ​ລາວ ພ້ອມ​ດ້ວຍ​ພະນັກງານ​ທີ່​ກ່ຽວຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ​ນຳ​ດ້ວຍ.

ເຄື່ອງຊ່ວຍ​ເຫລືອ​ດັ່ງກ່າວ​ປະກອບ​ມີ LCD Projector  1 ​ເຄື່ອງ, ຄອມ​ພິວ​ເຕີ​ໂນ​ດ ບຸກ 24 ​ເຄື່ອງ ​ເຄື່ອງພິມ​ເອກະສານ 3 ​ເຄື່ອງ ​ແລະ Pocket WIFI 22 ໜ່ວຍ ເພື່ອ​ຊ່ວຍ​ສ້າງ​ຄວາມ​ເຂັ້ມ​ແຂງ​ໃຫ້​ແກ່ຫ້ອງການ​ປະກັນ​ສຸຂະພາບ​ແຫ່ງ​ຊາດຂັ້ນ​ສູນ​ກາງ ​ແລະ ສອງ​ແຂວງ​ດັ່ງກ່າວ ​ໃນ​ການຈັດ​ຕັ້ງ​ປະຕິບັດ​ກອງ​ທຶນ​ປະກັນ​ສຸຂະພາບ​ແຫ່ງ​ຊາດໃຫ້​ມີ​ປະສິດທິພາບ-ປະສິດທິ​ຜົນ ​ແລະ ການ​ກ້າວ​ໄປ​ສູ່​ບັນລຸ​ເປົ້າ​ໝາຍ​ປະກັນ​ສຸຂະພາບ​ທົ່ວ​ປວງ​ຊົນ​ໃນສປປ ​ລາວ, ນອກ​ນີ້ ​ໂຄງການ LAO/207 ກໍ​ໄດ້​ມອບ​ຄອມ​ພິວ​ເຕີ​ຈຳນວນ 20 ​ເຄື່ອງ ລວມມູນ​ຄ່າ 124 ລ້ານ​ກີບ ​ໃຫ້​ແກ່​ໜ່ວຍ​ງານ​ສະຖິຕິ​ຫ້ອງການ​ສາທາລະນະ​ສຸກ​ເມືອງ ​ແລະ ພະ​ແນ​ກສາທາລະນະ​ສຸກ​ແຂວງ​ວຽງ​ຈັນ ບໍລິ​ຄຳ​​ໄຊ ​ແລະ ​ແຂວງ​ຄຳ​ມ່ວນ ​ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ບໍລິການ​ຄຸ້ມ​ຄອງ​ຂໍ້​ມູນ​ຂ່າວສານ​ສາ ທາລະນະ​ສຸກ​ແບບ​ອອນ​ລາຍ(DHIS2) ​ໃຫ້​ມີ​ຄຸນະພາບ​ດີ.

- Wave100S AD to Website 2020 0 - ຫ້ອງການ​ປະກັນ​ສຸຂະພາບ​ແຫ່ງ​ຊາດ​ໄດ້​ຮັບ​ການ​ຊ່ວຍ​ເຫຼືອອຸປະກອນ​ໄອ​ທີ
- WhatsApp Image 2020 05 27 at 5 - ຫ້ອງການ​ປະກັນ​ສຸຂະພາບ​ແຫ່ງ​ຊາດ​ໄດ້​ຮັບ​ການ​ຊ່ວຍ​ເຫຼືອອຸປະກອນ​ໄອ​ທີ
- WhatsApp Image 2020 05 27 at 5 - ຫ້ອງການ​ປະກັນ​ສຸຂະພາບ​ແຫ່ງ​ຊາດ​ໄດ້​ຮັບ​ການ​ຊ່ວຍ​ເຫຼືອອຸປະກອນ​ໄອ​ທີ
error: Alert: ເນື້ອຫາຂ່າວມີລິຂະສິດ !!