ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ

- northernnn1 - ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ
- Untitled design - ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ

ໃນລະຫວ່າງວັນທີ 7-8 ພຶດສະພາ ນີ້, ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມປຶກສາຫາລືເນື້ອໃນຮ່າງກົດໝາຍ ວ່າດ້ວຍປ່າໄມ້ ສະບັບປັບປຸງ ປະຈໍາພາກເໜືອ, ຂຶ້ນທີ່ແຂວງອຸດົມໄຊ. ໂດຍການເປັນປະທານຮ່ວມຂອງທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງ ກະສິກໍາ ແລະ ປ່າໄມ້ ແລະ ທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ, ມີສະພາປະຊາຊົນຂັ້ນແຂວງ, ໄອຍະການແຂວງ, ພະແນກກະສິກໍາ ແລະ ປ່າໄມ້ ແຂວງ, ກະຊວງຊັບພະຍາກອນ ແລະ ສິ່ງແວດລ້ອມ ແລະ ມີ ພາກສ່ວນກ່ຽວຂ້ອງຈາກ 7 ແຂວງພາກເໜືອເຂົ້າຮ່ວມ.

ການປຶກສາຫາລືປະກອບຄໍາຄິດເຫັນໃສ່ຮ່າງກົດໝາຍສະບັບປັບປຸງດັ່ງກ່າວ, ກໍເພື່ອແນໃສ່ເຮັດໃຫ້ມີເນື້ອໃນຄົບຖ້ວນສົມບູນ, ສອດຄອງກັບການຂະຫຍາຍຕົວຂອງເສດຖະກິດ-ສັງຄົມ ໃນປັດຈຸບັນ, ພ້ອມທັງໃຫ້ແທດເໝາະກັບຍຸດທະສາດ ແລະ ນະໂຍບາຍການຄຸ້ມຄອງປ່າໄມ້ ແລະ ຊັບພະຍາກອນປ່າໄມ້ ຂອງພັກ ແລະ ລັດຖະບານ, ແນໃສ່ແກ້ໄຂປະກົດການຫຍໍ້ທໍ້ທີ່ພົ້ນເດັ່ນໃນຂົງເຂດວຽກງານການຄຸ້ມຄອງປ່າໄມ້ ແລະ ຊັບພະຍາກອນປ່າໄມ້. ພາຍຫຼັງກົດໝາຍດັ່ງກ່າວ ໄດ້ຖືກຮັບຮອງຈາກສະພາແຫ່ງຊາດໃນປີ 2007 ແຕ່ກໍຍັງປາສະຈາກບໍ່ໄດ້ດ້ານຈຸດອ່ອນ ແລະ ຂໍ້ຫຍຸ້ງຍາກຕ່າງໆ ຄື ປ່າໄມ້ໄດ້ຖືກຂຸດຄົ້ນ ແລະ ຖືກທໍາລາຍຢ່າງໜັກໜວງ. ຊື່ງເຫດຜົນດັ່ງກ່າວ ເປັນເຫດຜົນໜຶ່ງທີ່ເຮັດໃຫ້ກົດໝາຍປ່າໄມ້ ຕ້ອງໄດ້ຮັບການປັບປຸງ. ໂດຍຮ່າງກົດໝາຍດັ່ງກ່າວມີຢູ່ 12 ພາກ, 13 ໝວດ ແລະ 130 ມາດຕາ ແລະ ໄດ້ປັບປຸງເປັນ 13 ພາກ, 17 ໝວດ ແລະ 150 ມາດຕາ ແລະ ເພີ່ມໃໝ່ 1 ພາກ, 4 ໝວດ ແລະ 20 ມາດຕາ.

- Wave100S AD to Website 2020 0 - ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ
- WhatsApp Image 2020 05 27 at 5 - ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ
- WhatsApp Image 2020 05 27 at 5 - ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ
error: Alert: ເນື້ອຫາຂ່າວມີລິຂະສິດ !!