ຈະດຳເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍຢູ່​ລາວ

- Quality test - ຈະດຳເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍຢູ່​ລາວ
- Untitled design - ຈະດຳເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍຢູ່​ລາວ

ເມື່ອ​ບໍ່ດົນ​ມານີ້, ທ່ານ ລັດຖະມົນຕີ ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ ​ໄດ້​ອອກ​ມາ​ຖະ​ແຫລ​ງຕໍ່ສື່​ມວນ​ຊົນ​ວ່າ: ເລີ່ມແຕ່ວັນທີ 1 ມີຖຸນາ 2018 ເປັນຕົ້ນໄປ, ສູນຢັ້ງຢືນມາດຕະຖານ ແລະ ກວດກາຄຸນນະພາບແຫ່ງຊາດ ຂອງກົມມາດຕະຖານ ແລະ ວັດແທກ ທີ່ຂື້ນກັບກະຊວງວິທະຍາສາດ ແລະ ເຕັກໂນໂລຊີ ຈະໄດ້ດຳເນີນການກວດກາຄຸນນະພາບ ວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍ ຢູ່ໃນ ສປປ ລາວຕາມກົດໝາຍກຳນົດໄວ້. ​ເຊິ່ງການຈັດຕັ້ງປະຕິບັດວຽກງານດັ່ງກ່າວນີ້, ເປັນການປະກອບສ່ວນຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາ ເສດຖະກິດ-ສັງຄົມ 5 ປີ ຄັ້ງທີ VIII(2016-2020) ຂອງ ສປປ ລາວ ໃຫ້ປະກົດຜົນເປັນຈິງ.

ທ່ານ ບໍ່ວຽງຄໍາ ວົງດາລາ ລັດ​ຖະມົນຕີ​ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ ​ໃຫ້​ຮູ້ວ່າ: ໃນຫຼາຍປີມານີ້ ໂດຍປະຕິບັດຕາມພາລະບົດບາດຂອງຕົນ. ກົມມາດຕະຖານ ແລະ ວັດແທກ ຂອງກະຊວງວິທະຍາສາດ ແລະ ເຕັກໂນໂລຊີ ໄດ້ຈັດຕັ້ງປະຕິບັດກົດໝາຍວ່າດ້ວຍມາດຕະຖານ ແລະ ກົດໝາຍວ່າດ້ວຍ ການວັດແທກ, ໂດຍໄດ້ດໍາ​ເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ໃຫ້ຜູ້ຊົມໃຊ້ຢູ່ໃນ ສປປ ລາວ ແລະ ໄດ້ປະກອບສ່ວນຮັກສາຄວາມຍຸດຕິທຳ ແລະ ປົກປ້ອງຜູ້ຊົມໃຊ້ໄດ້ດີພໍສົມຄວນ. ​ແຕ່​ເຖິງ​ຢ່າງ​ໃດ​ກໍ​ດີ, ປັດຈຸບັນນີ້ສັງຄົມໄດ້ມີຄວາມຮຽກຮ້ອງຕ້ອງການໃຫ້ເອົາໃຈໃສ່ຕໍ່ຄຸນນະພາບວັດສະດຸກໍ່ສ້າງ, ເຄື່ອງ ໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ນຳໃຊ້ຢູ່ໃນປະເທດເຮົາ, ປະຊາຊົນລາວ ທີ່ເປັນຜູ້ຊົມໃຊ້ໄດ້ມີໜັງສືສະເໜີ ຫຼື ໂທແຈ້ງສາຍດ່ວນຕໍ່ສະພາແຫ່ງຊາດ, ບັນດາຜູ້ປະກອບການ ກໍ່ໄດ້ມີໜັງສືສະເໜີຫາກະຊວງວິທະຍາສາດ ແລະ ເຕັກໂນໂລຊີ, ສື່ມວນຊົນຈຳນວນໜຶ່ງ, ນັບທັງສື່ອອນລາຍກໍ່ໄດ້ສົ່ງຂ່າວກ່ຽວກັບການຈໍາໜ່າຍ ແລະ ນຳໃຊ້ວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກຄຸນນະພາບຕໍ່າ ແລະ ບໍ່ໄດ້ມາດຕະຖານຢູ່ ສປປ ລາວ.

ສະນັ້ນ, ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມທີ່ກ່າວມາຂ້າງເທິງນັ້ນ ກະຊວງວິທະຍາສາດ ແລະ ເຕັກໂນໂລຊີ ຈຶ່ງໄດ້ຊີ້ນຳໃຫ້ກົມມາດຕະຖານ ແລະ ວັດແທກ ປະສານສົມທົບກັບບັນດາພາກສ່ວນທີ່ກ່ຽວຂ້ອງ ກະກຽມເງື່ອນໄຂດ້ານນິຕິກຳ, ພັດທະນາຊັບພະຍາກອນ ມະນຸດ, ສ້າງວິຊາການ ແລະ ກຽມພື້ນຖານໂຄງລ່າງ, ຫ້ອງທົດລອງ, ຫ້ອງກວດສອບເພື່ອຮອງຮັບ ວຽກງານກວດສອບດັ່ງກ່າວ. ພາຍຫຼັງມີຄວາມພ້ອມແລ້ວກໍ່ໄດ້ລາຍງານຂໍອະນຸມັດຈາກລັດຖະບານ ເພື່ອຈັດຕັ້ງປະຕິບັດການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ໃນທົ່ວປະເທດ. ​ແລະ ຢາກແຈ້ງມາຍັງ ສະມາຄົມວັດສະດຸກໍ່ສ້າງ, ບັນດາບໍລິສັດ, ບັນດາຜູ້ປະກອບການຜະລິດ ແລະ ນຳເຂົ້າ ຕະຫຼອດເຖິງຫ້າງຮ້ານຈຳໜ່າຍຢູ່ ສປປ ລາວ ຊາບທົ່ວເຖິງກັນວ່າ: ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມໃນການແກ້ໄຂປະກົດການຫຍໍ້ທໍ້ ແລະ ປົກປ້ອງຜູ້ຊົມໃຊ້ວັດສະດຸ ກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ຢູ່ໃນ ສປປ ລາວ ໃຫ້ຮັບປະກັນຄຸນນະພາບ ແລະ ຖືກຕ້ອງຕາມມາດຕະຖານແຫ່ງຊາດ ແລະ ມາດຕະຖານສາກົນນັ້ນ,  ການກວດກາດັ່ງກ່າວຈະໄດ້ດໍາເນີນເລີ່ມຈາກການກວດກາເອກະສານຢັ້ງຢືນຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍ, ເກັບຕົວຢ່າງຢູ່ແຕ່ລະດ່ານນຳເຂົ້າ ເພື່ອກວດຄຸນນະພາບເບື້ອງຕົ້ນ, ຫຼັງຈາກນັ້ນ ຈະໄດ້ມີການກວດ ຄຸນນະພາບລະອຽດຢູ່ຫ້ອງທົດລອງ ຂອງສູນກວດກາມາດຕະຖານ. ພ້ອມນັ້ນກໍ່ຈະດຳເນີນ ການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ຢູ່ຕາມຫ້າງຮ້ານ ໃນແຕ່ລະໄລຍະອີກດ້ວຍ. ນອກຈາກນັ້ນ, ສູນກວດກາດັ່ງກ່າວຍັງຈະດໍາເນີນການກວດສອບເຄື່ອນທີ່ ແລະ ມີສາຍດ່ວນເພື່ອຮັບການແຈ້ງຂໍ້ມູນຈາກປະຊາຊົນ, ຜູ້ຊົມໃຊ້ ຫຼື ຜູ້ປະກອບການ ທີ່ແຈ້ງຂ່າວກ່ຽວກັບ ບັນຫາວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກທີ່ບໍ່ໄດ້ມາດຕະຖານອີກດ້ວຍ.

ທ່ານ ລັດຖະມົນ​ຕີ ກະຊວງ​ດັ່ງກ່າວ ​ໃຫ້​ຮູ້​ວ່າ: ໃນນາມອົງການທີ່ຄຸ້ມຄອງ, ກວດກາຄຸນນະພາບ ແລະ ມາດຕະຖານດັ່ງກ່າວ ພວກຂ້າພະເຈົ້າ ຈະດຳເນີນວຽກງານດັ່ງກ່າວນີ້ດ້ວຍຄວາມໂປ່ງໃສ, ວ່ອງໄວ ແລະ ບໍລິການຮັບໃຊ້ປະຊາຊົນດ້ວຍຄວາມ ຮັບຜິດຊອບສູງ. ສະນັ້ນ, ຈຶ່ງຮຽກຮ້ອງມາຍັງບັນດາກະຊວງ, ອົງການທີ່ກ່ຽວຂ້ອງ, ຕະຫຼອດເຖິງບັນດາ ຜູ້ປະກອບການ, ບໍລິສັດ ຫ້າງຮ້ານ ແລະ ຜູ້ຊົມໃຊ້ໃນຂອບເຂດທົ່ວປະເທດຈົ່ງໃຫ້ຄວາມຮ່ວມມື ແລະ ຊຸກຍູ້ການປະຕິບັດວຽກງານດັ່ງກ່າວໃຫ້ໄດ້ຮັບຜົນດີ ເພື່ອປະກອບສ່ວນສ້າງສາ ແລະ ພັດທະນາ ເສດຖະກິດ-ສັງຄົມ ຂອງປະເທດເຮົານັບ​ມື້​ເຕີບ​ໃຫຍ່​ເຂັ້ມ​ແຂງ.

- Wave100S AD to Website 2020 0 - ຈະດຳເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍຢູ່​ລາວ
- WhatsApp Image 2020 05 27 at 5 - ຈະດຳເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍຢູ່​ລາວ
- WhatsApp Image 2020 05 27 at 5 - ຈະດຳເນີນການກວດກາຄຸນນະພາບວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງເອເລັກໂຕຣນິກ ທີ່ຜະລິດ ແລະ ນຳເຂົ້າມາຈຳໜ່າຍຢູ່​ລາວ
error: Alert: ເນື້ອຫາຂ່າວມີລິຂະສິດ !!