5 ສິ່ງທີ່ທ່ານຄວນເຮັດເມື່ອຕ້ອງໄປພົບກັບຄອບຄົວແຟນ

- 020805 2018 - 5 ສິ່ງທີ່ທ່ານຄວນເຮັດເມື່ອຕ້ອງໄປພົບກັບຄອບຄົວແຟນ
- Untitled design - 5 ສິ່ງທີ່ທ່ານຄວນເຮັດເມື່ອຕ້ອງໄປພົບກັບຄອບຄົວແຟນ
  1. ຊື້ສິ່ງຂອງຕິດໄມ້ຕິດມືໄປນຳ : ຈະເຂົ້າໄປຫາພໍ່ແມ່ແຟນຈັກເທື່ອ ຖ້າບໍ່ລຳບາກຈົນເກີນໄປ ໃຫ້ລອງຫາສິ່ງຂອງຕິດໄມ້ຕິດມືໄປນຳກໍຈະດີ ບໍ່ຈຳເປັນຕ້ອງເປັນສິ່ງຂອງລາຄາແພງ ພຽງແຕ່ສິ່ງຂອງເລັກນ້ອຍທີ່ສະແດງໃຫ້ເພິ່ນໄດ້ຮູ້ວ່າທ່ານເລືອກມາດ້ວຍໃຈ ຢ່າງນ້ອຍກໍເປັນການສ້າງຄວາມປະທັບໃຈຄັ້ງທຳອິດ ແລະ ເປັນໃບເບີກທາງໃຫ້ເພີ່ນຮູ້ສຶກເກີດຄວາມເອັນດູຮັກແພງເຮົາ.
  2. ແຕ່ງໂຕໃຫ້ສຸພາບຮຽບຮ້ອຍ : ເຊື່ອວ່າແມ່ຍິງທຸກຄົນຮູ້ດີວ່າການແຕ່ງໂຕສຸພາບຮຽຍຮ້ອຍເປັນແນວໃດ ດັ່ງທີ່ບອກວ່າເຮົາ ແຕ່ງໂຕໄປພົບຜູ້ໃຫຍ່ ບໍ່ແມ່ນແຕ່ງໂຕໄປພົບໝູ່ ດັ່ງນັ້ນ ການແຕ່ງໂຕຈຶ່ງເປັນເລື່ອງທີ່ແມ່ຍິງທຸກຄົນກໍຄວນເອົາໃຈໃສ່ ຖ້າທ່ານຄິດບໍ່ ອອກວ່າຄວນແຕ່ງໂຕແບບໃດກໍໃຫ້ຍຶດຖືຫອັກການນຸ່ງຊຸດທີ່ສຸພາບທີ່ສຸດ ບໍ່ໂປ້ ຫລື ໂຊຈົນເກີນງາມ ຫລື ຈະລອງໃຫ້ແຟນຂອງທ່ານຊ່ວຍເລືອກໃຫ້ກໍໄດ້.
  3. ຢ່າມາຊ້າເດັດຂາດ : ຄວາມຈິງແລ້ວເລື່ອງນີ້ໜ້າຈະເປັນເລື່ອງພື້ນຖານທີ່ບໍ່ຕ້ອງບອກກໍຮູ້ ເພາະເມື່ອທ່ານນັດໝາຍກັບໃຜກໍຕາມ ການມາຊ້າບໍ່ແມ່ນເລື່ອງທີ່ດີ ແລະ ຍິ່ງເປັນພໍ່ແມ່ຂອງແຟນແລ້ວ ທ່ານຄວນມາໃຫ້ກົງເວລາ ຖ້າມາກ່ອນໄດ້ຈະຍິ່ງເປັນການດີຫລາຍ ຢ່າງໜ້ອຍກໍຈະໄດ້ມີເວລາສຳຫລວດຄວາມຮຽບຮ້ອຍຂອງໂຕເອງກ່ອນຈົນໝັ້ນໃຈ ເພາະການໃຫ້ຜູ້ໃຫຍ່ມານັ່ງຖ້າ ບໍ່ແມ່ນເລື່ອງທີ່ດີແນ່ນອນ.
  4. ເວົ້າຈາໃຫ້ສຸພາບໄວ້ : ແມ່ຍິງເຮົາເມື່ອເວົ້າຈາກັບຜູ້ໃຫຍ່ ໂດຍສະເພາະກັບພໍ່ແມ່ແຟນ ໃຫ້ມີຄຳວ່າ ເຈົ້າ, ໂດຍ ໄວ້ຈະດີທີ່ສຸດ ຢ່າງໜ້ອຍກໍເພື່ອສະແດງໃຫ້ເຫັນເຖິງຈິດໃຈອ່ອນນ້ອມຍ້ອນໂຍນຂອງຄວາມເປັນແມ່ຍິງ, ແຕ່ກໍບໍ່ຕ້ອງຫວານຈົນເກີນງາມ ເພາະມັນຈະເບິ່ງຄືບໍ່ຈິງໃຈ ແລະ ເບິ່ງທ່ານຕິດລົບ ເສຍຄະແນນການເປັນລູກໄພ້ໃນອະນາຄົດໄປໄດ້.
  5. ຢ່າອອກຄຳສັ່ງກັບແຟນໃຫ້ພໍ່ແມ່ຂອງເຂົາເຫັນ : ບໍ່ມີພໍ່ແມ່ຄົນໃດຢາກເຫັນລູກຂອງຕົນຕົກເປັນຄົນເບື້້ອງລຸ່ມ ດັ່ງນັ້ນ ເວລາຢູ່ຕໍ່ໜ້າພໍ່ແມ່ຂອງເຂົາ ເປັນໄປໄດ້ທ່ານຄວນຈະຫລີກເວັ້ນເລື່ອງກິລິຍາ ຫລື ຄຳເວົ້າທີ່ສະແດງອອກໃນທາງບັງຄັບຂົ່ມຂູ່ແຟນຂອງ ທ່ານຕໍ່ໜ້າຄອບຄົວຂອງເຂົາເດັດຂາດ, ເກັບອາການລົບໆນັ້ນໄວ້ໃນໃຈ, ເອົາໄວ້ຢູ່ກັນສອງຄົນຍາມໃດ ທ່ານ ແລະ ເຂົາຈຶ່ງຄ່ອຍເວົ້າກັນ ແລະ ຈັດໜັກ ຈັດເຕັມ ຈັດເບົາ ກໍແລ້ວແຕ່ກໍລະນີ.

ແນວໃດກໍຕາມ ສິ່ງສຳຄັນທີ່ສຸດສຳລັບແມ່ຍິງເມື່ອຕ້ອງໄປພົບກັບຄອບຄົວຂອງແຟນ ການສະແດງອອກໃຫ້ເຫັນເຖິງຄວາມຈິງໃຈເປັນເລື່ອງສຳຄັນ ຢ່າງໜ້ອຍທີ່ສຸດເພິ່ນຈະໄດ້ຮູ້ວ່າລູກຊາຍເລືອກຮັກຄົນບໍ່ຜິດ ແນວໃດພວກເຮົາກໍຂໍອວຍພອນໃຫ້ບັນດາແມ່ຍິງທຸກທ່ານໂຊກດີທຸກຄົນ.

- Wave100S AD to Website 2020 0 - 5 ສິ່ງທີ່ທ່ານຄວນເຮັດເມື່ອຕ້ອງໄປພົບກັບຄອບຄົວແຟນ
- WhatsApp Image 2020 05 27 at 5 - 5 ສິ່ງທີ່ທ່ານຄວນເຮັດເມື່ອຕ້ອງໄປພົບກັບຄອບຄົວແຟນ
- WhatsApp Image 2020 05 27 at 5 - 5 ສິ່ງທີ່ທ່ານຄວນເຮັດເມື່ອຕ້ອງໄປພົບກັບຄອບຄົວແຟນ
error: Alert: ເນື້ອຫາຂ່າວມີລິຂະສິດ !!