ທ່ານ ປູຕິນ ສະເໜີຊື່ທ່ານ ເມດເວເດຟ ເປັນນາຍົກລັດຖະມົນຕີຣັດເຊຍ

- 5af03d1bdda4c8e7018b4619 - ທ່ານ ປູຕິນ ສະເໜີຊື່ທ່ານ ເມດເວເດຟ ເປັນນາຍົກລັດຖະມົນຕີຣັດເຊຍ
- Untitled design - ທ່ານ ປູຕິນ ສະເໜີຊື່ທ່ານ ເມດເວເດຟ ເປັນນາຍົກລັດຖະມົນຕີຣັດເຊຍ

ທຳນຽບ​ເກຣມລິນ​ອອກ​ຖະ​ແຫລ​ງການ​ໃນ​ວັນ​ທີ 7 ພຶດສະພາ​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ​ໃຫ້​ສະພາ​ຜູ້​ແທນ​ລາຊະ​ດອນ ຫລື ສະພາ​ດູ​ມາ ພິຈາລະນາ​ທ່ານ ​ດິມິ​ຕຣີ ​ເມດ​ເວ​ເດ​ຟ ອາຍຸ 52 ປີ ​ໃຫ້​ດຳລົງ​ຕຳ​ແໜ່​ງນາຍົກລັດຖະມົນຕີຕໍ່ອີກ​ໜຶ່ງ​ສະ​ໄໝ ຫລັງ​ຢູ່​ໃນ​ວາລະ​ມາ​ແຕ່​ປີ 2013 ​ເຊິ່ງສະພາ​ດູ​ມາ​ມີ​ກຳນົດ​ພິຈາລະນາ ​ແລະ ລົງມະຕິ​ຮັບຮອງ​ຄະນະ​ລັດຖະບານ​ທຸກ​ຕຳ​ແໜ່​ງພາຍ​ໃນ 2 ອາທິດ ນັບ​ແຕ່​ໄດ້​ຮັບ​ເອກະສານ​ການສະ​ເໜີ​ລາຍ​ຊື່​ບຸກຄົນ​ຈາກ​ທຳນຽບ​ເກຣມລິນ. ທັງ​ນີ້ ທ່ານ ​ເມດ​ເວ​ເດ​ຟ ​ຖື​ເປັນ​ໜຶ່ງ​ໃນ​ພັນທະ​ມິດ​ທາງ​ການ​ເມືອງ​ ​ເຊິ່ງ​ໃກ້ຊິດ​ທີ່​ສຸດ​ຂອງ​ທ່ານ ປູ​ຕິນ.

ອີກ​ອັນ​ໜຶ່ງ, ຜູ້ນຳຣັດ​ເຊຍ​ຈະ​ສະ​ເໜີ​ພຽງ​ຊື່​ຂອງ​ບຸກຄົນ​ດຳລົງ​ຕຳ​ແໜ່​ງນາຍົກລັດຖະມົນຕີ, ໝາຍ​ຄວາມ​ວ່າ: ຕຳ​ແໜ່​ງອື່ນ​ໃນ​ຄະນະ​ລັດຖະບານ​ຈະ​ມາ​ຈາກ​ການສະ​ເໜີ​ຊື່​ໂດຍ​ທ່ານ ​ເມດ​ເວ​ເດ​ຟ ​ເຊິ່ງຫລາຍ​ຝ່າຍ​ເຊື່ອ​ວ່າ​ຕຳ​ແໜ່​ງສຳຄັນ​ຍັງ​ຄົງ​ເປັນ​ບຸກຄົນ​ເກົ່າ ຄື​ທ່ານ ​ເຊີ​ເກ ລາ​ຟຣອຟ ​ໃນ​ຕຳ​ແໜ່​ງລັດຖະມົນຕີ​ກະຊວງ​ການ​ຕ່າງປະ​ເທດ, ພົນ​ເອກ ​ເຊີ​ເກ ຊອຍ​ກູ ​ໃນ​ຕຳ​ແໜ່​ງລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ​ແລະ ທ່ານ ອັນ​ໂທນ ຊິ​ລູອາ​ນອຟ ​ໃນ​ຕຳ​ແໜ່​ງລັດຖະມົນຕີ​ກະຊວງ​ການ​ເງິນ.

- Wave100S AD to Website 2020 0 - ທ່ານ ປູຕິນ ສະເໜີຊື່ທ່ານ ເມດເວເດຟ ເປັນນາຍົກລັດຖະມົນຕີຣັດເຊຍ

ສຳລັບ​ການສະ​ເໜີ​ຊື່​ບຸກຄົນ​ໃນ​ຕຳ​ແໜ່​ງລັດຖະມົນຕີ​ຂອງຣັດ​ເຊຍ​ມີ​ຂຶ້ນ​ໃນ​ວັນ​ດຽວ​ກັບ​ທ່ານ ປູ​ຕິນ ສາບານ​ຕົນ​ຮັບ​ຕຳ​ແໜ່​ງປະທານາທິບໍດີຣັດ​ເຊຍ ສະ​ໄໝ​ທີ 4 ​ແລະ ຖື​ເປັນ​ສະ​ໄໝ​ທີ 2 ຕິດ​ຕໍ່​ກັນ ​ໂດຍ​ຜູ້ນຳຣັດ​ເຊຍ​ອາຍຸ 65 ປີ ​ເຊິ່ງຢູ່​ໃນ​ອຳນາດ​ມາ​ແຕ່​ປີ 1999 ຊະນະ​ການ​ເລືອກ​ຕັ້ງ​ໃນ​ເດືອນ​ມີນາ​ຜ່ານ​ມາ ດ້ວຍ​ຄະ​ແນນ​ສຽງ​ເກືອບ 77%. ທ່ານ ປູ​ຕິນ ຕັ້ງ​ເປົ້າ​ໃຫ້​ເສດຖະກິດ​ຂອງຣັດ​ເຊຍ​ຕິດ​ອັນ​ດັບ 1 ​ໃນ 5 ​ໃຫ້​ໄດ້ ພາຍ​ໃນ​ປີ 2024, ປັດຈຸບັນ​ເສດຖະກິດ​ຂອງຣັດ​ເຊຍ​ມີ​ຂະໜາດ​ໃຫຍ່​ເປັນອັນ​ດັບ 12 ຂອງ​ໂລກ.

- WhatsApp Image 2020 05 27 at 5 - ທ່ານ ປູຕິນ ສະເໜີຊື່ທ່ານ ເມດເວເດຟ ເປັນນາຍົກລັດຖະມົນຕີຣັດເຊຍ
- WhatsApp Image 2020 05 27 at 5 - ທ່ານ ປູຕິນ ສະເໜີຊື່ທ່ານ ເມດເວເດຟ ເປັນນາຍົກລັດຖະມົນຕີຣັດເຊຍ
error: Alert: ເນື້ອຫາຂ່າວມີລິຂະສິດ !!