ຈີນຍັງຄົງໄດ້ປຽບດູນການຄ້າ ອາເມລິກາໃນເດືອນເມສາ

- 1525771098347 960x0 - ຈີນຍັງຄົງໄດ້ປຽບດູນການຄ້າ ອາເມລິກາໃນເດືອນເມສາ
- Untitled design - ຈີນຍັງຄົງໄດ້ປຽບດູນການຄ້າ ອາເມລິກາໃນເດືອນເມສາ

​ເດືອນ​ເມສາຜ່ານ​ມາ, ຈີນ​ເກີນ​ດູ​ນການ​ຄ້າ​ອາ​ເມ​ລິ​ກາ​ເພີ່ມ​ຂຶ້ນ ຂະນະ​ທີ່​ທັງ​ສອງ​ຝ່າຍ​ກຳລັງ​ຫາ​ທາງ​ບັນລຸ​ຂໍ​້ຕົກລົງ​ ​ເພື່ອ​ຫລີກ​ເວັ້ນການ​ເກີດ​ສົງຄາມ​ການ​ຄ້າ.

ກົມ​ພາສີ​ອາກອນ​ຈີນ ​ແຈ້ງ​ໃນ​ວັນ​ທີ 8 ພຶດສະພາ​ວ່າ: ​ເດືອນ​ຜ່ານ​ມາ, ຈີນ​ເກີນ​ດູ​ນການ​ຄ້າ​ອາ​ເມ​ລິ​ກາ 22.200 ລ້ານ​ໂດ​ລາ​ສະຫະລັດ ​ເພີ່ມ​ຂຶ້ນ 4,2% ຈາກ​ເດືອນ​ດຽວ​ກັນ​ປີ​ກ່ອນ ​ແຕ່​ເພີ່ມ​ຂຶ້ນ​ເຖິງ 43,9% ຈາກ​ເດືອນ​ມີນາ ​ໂດຍ​ຍອດ​ສົ່ງ​ອອກ​ເພີ່ມ​ຂຶ້ນ 10% ​ແລະ ຍອດ​ນຳ​ເຂົ້າ​ເພີ່ມ​ຂຶ້ນກວ່າ 20%. ສຳນັກ​ຂ່າວ AFP ຊີ້​ວ່າ: ຕົວ​ເລກ​ເກີນ​ດູ​ນການ​ຄ້າ​ຫລ້າ​ສຸດ​ນີ້ ອາດ​ຈະ​ເນັ້ນ​ເຖິງ​ສິ່ງ​ທີ່​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ​ອ້າງ​ວ່າ ຈີນ​ເຮັດ​ການ​ຄ້າ​ບໍ່​​ເປັນ​ທຳ, ສ້າງ​ຄວາມ​ເສຍ​ຫາຍ​ໃຫ້​ແກ່​ພາກ​ທຸລະ​ກິດ ​ແລະ ຄົນ​ເຮັດ​ວຽກ​ຊາວ​ອາ​ເມ​ລິ​ກາ.

ຫລາຍ​ຝ່າຍ​ຍັງ​ເຝົ້າຕິດຕາມ​ຮອງ​ນາຍົກລັດຖະມົນຕີ ຫລິວ ​ເຮີ ຂອງ​ຈີນ ຈະ​ນຳພາ​ຄະນະ​ໄປ​ອາ​ເມ​ລິ​ກາ​ໃນ​ອາທິດ​ໜ້າ ​ເພື່ອ​ສືບ​ຕໍ່​ການ​ເຈລະຈາ​ກັບ​ຄະນະ​ຜູ້​ແທນ​ອາ​ເມ​ລິ​ກາ ທີ່​ມານະ​ຄອນ​ຫລວງ​ປັກ​ກິ່ງ ​ໃນ​ອາທິດ​ກ່ອນ. ນັກ​ເສດຖະສາດ​ໃນ​ຮົງ​ກົງ​ຄາດ​ວ່າ: ທັງ​ສອງ​ຝ່າຍ​ອາດ​ບໍ່​ສາມາດ​ແກ້​ໄຂ​ຄວາມ​ເຫັນ​ຕ່າງໆ​ໃນ​ເລື່ອງ​ຫລັກໆ​ທາງ​ການ​ຄ້າ​ໄດ້, ຄວາມ​ເຄັ່ງ​ຕຶງ ​ແລະ ຄວາມ​ບໍ່​ແນ່ນອນ​ທີ່​ຄ້າງ​ຄາ​ຢູ່​ຈະ​ສົ່ງ​ຜົນ​ທາງ​ລົບ​ຕໍ່​ຍອດ​ສົ່ງ​ອອກ​ສິນຄ້າ​ຈີນ ​ແລະ ການ​ລົງທຶນ​ທຸລະ​ກິດ​ທີ່​ກ່ຽວຂ້ອງ.

- Wave100S AD to Website 2020 0 - ຈີນຍັງຄົງໄດ້ປຽບດູນການຄ້າ ອາເມລິກາໃນເດືອນເມສາ
- WhatsApp Image 2020 05 27 at 5 - ຈີນຍັງຄົງໄດ້ປຽບດູນການຄ້າ ອາເມລິກາໃນເດືອນເມສາ
- WhatsApp Image 2020 05 27 at 5 - ຈີນຍັງຄົງໄດ້ປຽບດູນການຄ້າ ອາເມລິກາໃນເດືອນເມສາ
error: Alert: ເນື້ອຫາຂ່າວມີລິຂະສິດ !!