ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່

- 885552 - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່
- Untitled design - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່

ເພື່ອສະໜັບສະໜູນລັດ ຖະບານລາວໃນການພະ ຍາຍາມກໍານົດເອົາປ່າສະ ຫງວນແຫ່ງຊາດຫີນໜາມໜໍ່ ເຂົາເປັນມໍລະດົກໂລກທາງທຳມະຊາດຂອງອົງການຢູ ເນັດໂກ, ທາງໜ່ວຍງານອະ ນຸລັກທໍາມະຊາດ ແລະ ຄຸ້ມ ຄອງຊັບພະຍາກອນແບບ ຍືນຍົງໃນເຂດປ່າສະຫງວນແຫ່ງຊາດຫີນໜາມໜໍ່ (GIZ-HinNamNo) ຂອງແຜນງານປົກປັກຮັກ ສາ ແລະ ນໍາໃຊ້ລະບົບນິເວດ ປ່າໄມ້ ແລະ ຊີວະນາໆພັນ ແບບຍືນຍົງ (ProFEB) ພາຍໃຕ້ແຜນງານການຮ່ວມມືດ້ານການພັດທະນາຂອງ ເຢຍລະມັນ ໄດ້ທຳການປະ ເມີນດ້ານເຕັກນິກວິຊາການ ດ້ານພື້ນທີ່ຫລາຍຈຸດຢູ່ເຂດ ປ່າສະຫງວນດັ່ງກ່າວເປັນ ໄລຍະເວລາ 8 ວັນ. ນໍາພາ ໂດຍທ່ານ ພໍລ ວິນລຽມ (Paul Williams), ຊ່ຽວ ຊານສາກົນດ້ານທໍລະນີສັນຖານວິທະຍາ ແລະ ອຸທົກ ວິທະຍາຈາກອົງການສາກົນ ເພື່ອການອະນຸລັກທໍາມະ ຊາດ (IUCN) ເຊິ່ງໄດ້ເລີ່ມ ທຳການປະເມີນລັກສະນະ ທາງທໍລະນີວິທະຍາ ແລະ ລັກສະນະທາງດ້ານທໍລະນີສັນຖານຂອງພື້ນທີ່ດັ່ງກ່າວ ໃນວັນທີ 25 ເມສາ 2018. ການປະເມີນນີ້ ເປັນສ່ວນໜຶ່ງ ຂອງວຽກງານດ້ານເຕັກນິກວິຊາການກ່ຽວກັບຂະບວນການດໍາເນີນການສະເໜີຊື່ ເອົາປ່າສະຫງວນແຫ່ງຊາດຫີນໜາມໜໍ່ເຂົ້າເປັນມໍລະ ດົກໂລກຮ່ວມຊາຍແດນກັບອຸທິຍານແຫ່ງຊາດຟອງ ຍາແກ່ບ່າງໃນແຂວງ ກວາງ ບິ່ນ ສສ ຫວຽດນາມ, ເຊິ່ງ ໄດ້ຮັບການຮັບຮອງເປັນມໍ ລະດົກໂລກທາງທໍາມະຊາດ ແລ້ວ.

 

- 147 - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່

ພິທີສະຫລອງສຽງແຄນລາວເປັນມໍລະດົກໂລກຈະຈັດຂຶ້ນຢ່າງສົມກຽດໃນວັນທີ 11 ເມສານີ້

ນຳສະເໜີປ່າສະຫງວນແຫ່ງຊາດຫີນໜາມໜໍ່ເຂົ້າເປັນມໍລະດົກໂລກຮ່ວມກັບອຸທິຍານແຫ່ງຊາດ ຟອງຍາແກບ່າງ ສສ ຫວຽດນາມ

ວຽກງານເຕັກນິກວິຊາການທີ່ຈໍາເປັນ ສໍາລັບການ ສະເໜີຊື່ເອົາປ່າສະຫງວນ ແຫ່ງຊາດຫີນໜາມໜໍ່ເຂົ້າ ເປັນມໍລະດົກໂລກຮ່ວມຊາຍແດນກັບອຸທິຍານແຫ່ງຊາດຟອງຍາແກ່ບ່າງ ໄດ້ເລີ່ມ ຢ່າງ ເປັນທາງການໃນເດືອນ ມີນາ 2018 ເປັນຕົ້ນມາ ໂດຍການຈັດກອງປະຊຸມ ທີມງານເຕັກນິກວິຊາການ ສະເພາະດ້ານ ສໍາລັບການສະ ເໜີຊື່ເອົາປ່າສະຫງວນແຫ່ງຊາດຫີນໜາມໜໍ່ເຂົ້າເປັນ ມໍລະດົກໂລກຂອງອົງການຢູ ເນັດໂກຄັ້ງທໍາອິດ. ສິ່ງທີ່ທ້າ ທາຍສໍາຄັນແມ່ນການສະ ແດງໃຫ້ເຫັນເຖິງການປະ ກອບສ່ວນຂອງພື້ນທີ່ຕໍ່ກັບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນຂອງ ໂລກ (OUV) ນັ້ນເອງ. ການດໍາເນີນວຽກງານສໍາ ຫຼວດພື້ນທີ່ ໄດ້ດໍາເນີນມາ ແຕ່ວັນທີ 25-30 ເມສາ 2018 ໂດຍເນັ້ນສຳຫລວດ ພື້ນທີ່ຫຼາຍຈຸດຂອງປ່າສະ ຫງວນແຫ່ງຊາດຫີນໜາມ ໜໍ່ ເພື່ອສົມທຽບກັບການ ກໍາເນີດຂອງພູຫີນປູນແຫ່ງ ອື່ນໆຢູ່ໃນຂົງເຂດ ແລະ ທົ່ວໂລກ.

- Wave100S AD to Website 2020 0 - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່

ທ່ານ ໂອໃດ ສຸດາພອນ ເຈົ້າແຂວງ ຄໍາມວ່ນ ໄດ້ຮ່ວມ ທີມໃນການສໍາຫຼວດຖໍ້ານໍ້າລອດເຊບັ້ງໄຟ ເຊິ່ງ ເປັນໜຶ່ງ ໃນບັນດາຖໍ້າທີ່ມີແມ່ນໍ້າໄຫຼ ຜ່ານທີ່ກວ້າງທີ່ ສຸດໃນໂລກ. ການຢ້ຽມຢາມຂອງ ທ່ານ ເຈົ້າແຂວງໃນຄັ້ງນີ້, ທ່ານ ໄດ້ ກ່າວວ່າ: “ການກາຍເປັນ ມໍລະດົກໂລກທາງດ້ານທໍາ ມະຊາດຈະຮັບປະກັນການ ອະນຸລັກ ແລະ ການປົກປັກ ຮັກສາພື້ນທີ່ ແລະ ຄຸ່ນຄ່າ ຄວາມເປັນເອກະລັກທີ່ໂດດ ເດັ່ນຂອງໂລກ. ການພັດທະ ນາການທ່ອງທ່ຽວ, ລັກສະ ນະທີ່ໂດດເດັ່ນຂອງການກໍາ ເນີດຂອງພູຫີນປູນຫີນໜາມ ໜໍ່ ແລະ ຄວາມຫຼາກຫຼາຍ ທາງດ້ານຊີວະນາໆພັນຈະ ຊ່ວຍດຶງດູດບັນດານັກທ່ອງ ທ່ຽວພາຍໃນ ແລະ ຕ່າງປະ ເທດ ເຊິ່ງຈະເປັນການສ້າງ ລາຍຮັບສໍາລັບຊຸ່ມຊົນທ້ອງ ຖິ່ນ”

ທ່ານ ເຢນສ໌ ລຸກເຄນ ເເຮມ (Jens Lütkenherm) ເອກອັກຄະລັດ ຖະທູດ ເຢຍລະມັນ ປະຈໍາ ລາວ ທີ່ເດີນທາງມາພ້ອມ ກັບທີມງານສຳຫລວດພື້ນທີ່ໂດຍຂີ່ເຮືອບິນເຮລີຄອບເຕີ ບິນສໍາຫຼວດພື້ນທີ່ພູຫີນປູນ ຫີນໜາມໜໍ່. ທ່ານໄດ້ເນັ້ນ ໜັັກໃນການສະໜັບສະໜູນ ຂອງລັດຖະບານເຢຍລະມັນ ຕໍ່ກັບຂະບວນການດໍາເນີນ ການສະເໜີຊື່ເຂົ້າເປັນມໍລະ ດົກໂລກຂອງຢູເນັດໂກວ່າ: “ພວກເຮົາສະໜັບສະໜູນລັດຖະບານລາວຢ່າງເຕັມທີ່ ໃນ ຄວາມພະຍາຍາມໃຫ້ບັນລຸ ສະຖານະພາບການເປັນມໍລະດົກໂລກຂອງຢູເນັດໂກສໍາ ລັບປ່າສະຫງວນແຫ່ງຊາດ ຫີນໜາມໜໍ່ ເພື່ອຈະໄດ້ປົກ ປັກຮັກສາຊີວະນາໆພັນ ແລະ ເພື່ອສົ່ງເສີມການທ່ອງທ່ຽວ ແບບອະນຸລັກຂອງປະເທດ ລາວໃຫ້ເປັນທີ່ຮູ້ຈັກຢູ່ໃນລະ ດັບສາກົນ. ການກາຍເປັນ ມໍລະດົກໂລກຂອງຢູເນັດໂກ ຈະເພີ່ມການສົ່ງເສີມປະສິດ ທິພາບການອະນຸລັກ ພືດພັນ ແລະ ສັດປ່າໃນຂົງເຂດ ແລະ ມໍລະດົກທາງດ້ານທໍລະນີ ສັນ ຖານຂອງລາວອີກດ້ວຍ”. ທ່ານ ກ່າວອີກວ່າ “ປະເທດ ລາວ ໜຶ່ງໃນສະມາຊິກຂອງ ຊຸມຊົນທົ່ວໂລກກໍຈະປະກອບ ສ່ວນຄຸ່ນຄ່າທີ່ມີຄວາມເປັນ ເອກະລັກສະເພາະທີ່ໂດດ ເດັ່ນ ຂອງໂລກສຳລັບທຸກຄົນໃນ ທົ່ວໂລກຖ້າຫາກວ່າປ່າສະ ຫງວນແຫ່ງຊາດຫີນໜາມ ໜໍ່ກາຍເປັນມໍລະດົກໂລກ ທາງດ້ານທໍາມະຊາດຂອງຢູເນັດໂກ.”

ປ່າສະຫງວນແຫ່ງຊາດຫີນໜາມໜໍ່ເມື່ອເປັນມໍລະດົກໂລກຮ່ວມຊາຍແດນກັບອຸທິ ຍານແຫ່ງຊາດຟອງຍາແກ່ ບ່າງ ໃນແຂວງ ກວາງບິ່ນ ຫວຽດນາມກໍຈະໄດ້ຮັບການ ຮັບຮູ້ໂດຍຊຸມຊົນອະນຸລັກ ນາໆ ຊາດພາຍໃຕ້ສົນທິສັນ ຍາມໍລະດົກໂລກ. ເຖິງແນວ ໃດກໍ່ຕາມ ຍັງມີຫຼາຍໜ້າວຽກ ຈໍາເປັນຕ້ອງໄດ້ກະກຽມສໍາລັບການຍື່ນສະເໜີຊື່ເຂົ້າເປັນມໍລະດົກໂລກຂອງຢູເນັດໂກ ໂດຍສະເພາະແມ່ນກ່ຽວກັບການຍົກລະດັບຄວາມຮູ້ກ່ຽວກັບປ່າສະຫງວນແຫ່ງຊາດ ຫີນໜາມໜໍ່ ແລະ ຄຸ່ນຄ່າຂອງ ມັນໂດຍຜ່ານການສຶກສາຄົ້ນຄ້ວາຂໍ້ມູນພື້ນຖານ. ຫລັງ ຈາກທີ່ ທ່ານ ພໍລ ວິນລຽມ ສຳເລັດການປະເມີນໃນຄັ້ງ ນີ້ແລ້ວ, ທ່ານ ດຣ. ເລວນິດ ອາເວີຢານົບ (Leonid Averyanov), ນັກພືດສາດ ທີ່ມີຊື່ສຽງ ແລະ ຊ່ຽວຊານຊະ ນິດພັນດອກກ້ວຍໄມ້ ກໍໄດ້ດໍາ ເນີນການສໍາຫຼວດພືດເປັນ ໄລຍະເວລາ 2 ອາທິດ ແຕ່ວັນ ທີ 2 ຫາ 17 ພຶດສະພານີ້ໃນ ເຂດປ່າສະຫງວນດັ່ງກ່າວ./.

- 885552 - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່

- WhatsApp Image 2020 05 27 at 5 - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່
- WhatsApp Image 2020 05 27 at 5 - ການວິເຄາະສົມທຽບ ຄຸ່ນຄ່າຄວາມເປັນເອກະລັກສະເພາະທີ່ໂດດເດັ່ນໃນປ່າສະຫງວນແຫ່ງຊາດ ຫີນໜາມໜໍ່
error: Alert: ເນື້ອຫາຂ່າວມີລິຂະສິດ !!