ແຂວງ​ຈຳປາ​ສັກພ້ອມລົງ​ວິ​ໄນ​ພະນັກງານ​ 33 ຄົນ​ທີ່ສໍ້​ລາດ​ບັງ​ຫລວງ

- champasak - ແຂວງ​ຈຳປາ​ສັກພ້ອມລົງ​ວິ​ໄນ​ພະນັກງານ​ 33 ຄົນ​ທີ່ສໍ້​ລາດ​ບັງ​ຫລວງ
- Untitled design - ແຂວງ​ຈຳປາ​ສັກພ້ອມລົງ​ວິ​ໄນ​ພະນັກງານ​ 33 ຄົນ​ທີ່ສໍ້​ລາດ​ບັງ​ຫລວງ

​​ໃນ​ກອງ​ປະຊຸມ​ສະຫລຸບ​ວຽກງານກວດກາ ​ແລະ ຜັນ​ຂະຫຍາຍ​ເນື້ອ​ໃນ​ກອງ​ປະຊຸມ​ວຽກງານ​ກວດກາ​ທົ່ວ​ປະ​ເທດ​ປະຈຳ​ປີ 2017 ທີ່​ແຂວງຈຳປາ​ສັກ, ທ່ານ ຄຳ​ໃບ ​ເພັດ​ມີ​ໄຊ ຮອງ​ປະທານ​ຄະນະ​ກວດກາ​ພັກ​ແຂວງ ​ໃຫ້​ຮູ້​ວ່າ: ຈະ​ລົງ​ວິ​ໄນ​ຢ່າງ​ເຂັ້ມ​ງວດ​ຕໍ່ພະນັກງານ​ທີ່​ສໍ້​ລາດ​ບັງ​ຫລວງ, ພາຍຫລັງ​ທີ່​ມີ​ການ​ກວດກາ ​ແລະ ພົບ​ເຫັນ​ພະນັກງານ​ມີ​ພຶດຕິ​ກຳ​ສໍ້​ລາດ​ບັງ​ຫລວງຈຳນວນ 6 ​ເລື່ອງ, ມີ​ພະ

ນັກງານ​ເຂົ້າ​ພົວພັນ​ທັງໝົດ 33 ຄົນ ເປັນ​ຕົ້ນ​ແມ່ນ​ການ​ສວຍ​ໃຊ້ໜ້າທີ່​ເກີນ​ຂອບ​ເຂດ, ປອມ​ແປງ​ເອກະສານ ​ແລະ ນຳ​ໃຊ້​ເອກະສານ​ປອມ​ຍັກ​ຍອກ​ຊັບ​ສິນ​ຂອງ​ລັດ ແລະ ລວມໝູ່ ​ເຮັດ​ໃຫ້​ຊັບ​ສິນ​ຂອງ​ລັດ​ເສຍ​ຫາຍ​ຫລາຍ​ກວ່າ 3 ຕື້ກີບ, ​ 50 ພັນ​ກວ່າບາດ (ສະກຸນ​ເງີ​ນ​ໄທ) ​ແລະ​ 9 ​ແສນກວ່າ​​ໂດ​ລາ​ສະຫະລັດ. ​ໂດຍ​ປັດຈຸ​ບັນ, ​ໄດ້​ນຳ​ຜູ້​ກະທຳ​ຜິດ​ມາດຳ​ເນີນ​ຄະດີ​ຕາມ​ຂັ້ນ​ຕອນ​ຂອງ​ກົດໝາຍ​ແລ້ວ 3 ​ເລື່ອງ ແລະ ສາ​ມາດ​ເກັບ​ກູ້​ຊັບ​ສິນ​ຄືນ​​ໄດ້ 800 ກວ່າ​ລ້ານ​ກີບ.

ຮອງ​ປະທານ​ກວດກາ​ພັກ​ແຂວງ ​ໃຫ້​ຮູ້​ອີກວ່າ: ຄະນະ​ກຳມະການ​ກວດກາ​ພັກ-ລັດ​ແຂວງ ໄດ້​ປະຕິບັດ​ພາລະ​ບົດບາດ, ສິດ​ໜ້າທີ່ຂອງ​ຕົນ​ໃນ​ການ​ກວດກາ​ການ​ປະຕິບັດ​ກົດ​ລະບຽບຂອ​ງພັກ, ຕິດຕາມ​ກວດກາ​ກໍ່ສ້າງໜ່ວຍ​ພັກ​ແຂງ-ຮູ້​ນຳພາ​ຮອບດ້ານ, ກວດກາ​ການ​ບໍລິຫານ, ການ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ​ແລະ ອື່ນໆ. ​ໃນ​ປີຜ່ານມາ, ຍັງ​ໄດ້​ເອົາ​ໃຈ​ໃສ່​ເຜີຍ​ແຜ່​ກົດໝາຍວ່າ​ດ້ວຍ​ການ​ສະກັດ​ກັ້ນ ​ແລະ ຕ້ານ​ການ​ສໍ້​ລາດ​ບັງ​ຫລວງ​ໃຫ້​ພະນັກງານ​ທະຫານ​ຕຳຫລວດ ​ແລະ ທົ່ວ​ສັງຄົມ​ໄດ້​ຮັບ​ຮູ້​ເຂົ້າ​ໃຈ, ​ເຄົາລົບ ​ແລະ ປະຕິບັດ​ກົດໝາຍຢ່າງ​ເຂັ້ມ​ງວດ ​ແລະ ​ໄດ້​ດຳ​ເນີນ​ຂຶ້ນທະບຽນ​ແຈ້ງ​ຊັບ​ສິນ​ໃຫ້​ພະນັກງານ, ພ້ອມ​ທັງ​ກວດກາ​ການ​ລົງທຶນ​ຂອງ​ລັດ​ຢູ່ພາຍ​ໃນ​ແຂວງມີ 260 ​ໂຄງການ, ກວດກາ​ການ​ປະຕິບັດ​ຄຳ​ສັ່ງ​ເລກທີ 15/ນຍ, ສາມາດ​ຢຶດ​ໄມ້​ໄດ້​ທັງໝົດ 8 ພັນ​ກວ່າແມັດ​ກ້ອນ ​ແລະ 220 ກິ​ໂລ, ​ໄດ້​ປະມູນ​ຂາຍ​ແລ້ວ 3 ພັນກວ່າ​ແມັດ​ກ້ອນມູນ​ຄ່າ 7 ຕື້ກວ່າ​ກີບ.

- Wave100S AD to Website 2020 0 - ແຂວງ​ຈຳປາ​ສັກພ້ອມລົງ​ວິ​ໄນ​ພະນັກງານ​ 33 ຄົນ​ທີ່ສໍ້​ລາດ​ບັງ​ຫລວງ

ຂ່າວ​ຍັງ​ໃຫ້​ຮູ້​ວ່າ: ​ໃນ​ປີ 2017 ​ຄະ​ນະ​ກວດກາ​ສູນກາງ​ພັກ,​ ​​ໄດ້​ກວດກາ​ພຶດຕິ​ກຳ​ສໍ້​ລາ​ດບັງຫລວງ ​ແລະ ສືບ​ສວນ-ສອບ​ສວນ​​ ​ເຫັນ​ວ່າ: ໄດ້​ມີ​​ການສໍ້ລາດຫລວງ 146 ກໍລະນີ, ມີ​ຜົນ​​ເສຍ​ຫາຍ​ທັງໝົ​ດ 593,97 ຕື້ກວ່າ​ກີບ, 5,53 ລ້ານ​ບາດ, 4,67 ລ້ານ​​ໂດ​ລາສະຫະລັດ ​ແລະ 20 ລ້ານ​ດົງ (ສະກຸນເງິນຫວຽດນາມ) ​ແລະ ​ເກັບ​ກູ້​ໄດ້​​ແລ້ວ 357,15 ຕື້ກີ​ບ, 956.500 ​ບາດ, 1,21 ລ້ານ​ໂດ​ລາສະຫະລັດ ​ແລະ 20 ລ້ານ​ດົງ​. ​ໃນ​ນັ້ນ​, ພົບ​ເຫັນ ພະນັກ​ງານ​ລັດ ​ແລະ ຜູ້​ປະກອບ​ການ​ທີ່​ມີ​ພຶດຕິ​ກຳ​ສໍ້​ລາດ​ບັງ​ຫລວງ 994 ຄົນ (ພະນັກງານ​ລັດ 908 ຄົນ ​ແລະ ຜູ້​ປະ​ກອບ​ການ​ 86 ຄົນ), ​ເຊິ່ງປັດຈຸບັນກຳລັງ​ດຳ​ເນີນ​ກວດກາ 420 ຄົນ, ​ໄດ້​ປະຕິບັດ​ວິ​ໄນດ້ານ​ບໍລິ​ຫານ 414 ຄົນ, ກຳລັງ​ດຳ​ເນີນ​ຄະດີ 84 ຄົນ, ສົ່ງ​ສຳນວນ​ຄະດີ​ໃຫ້​ໄອຍະ​ການປະຊາ​ຊົນ​ແລ້ວ 62 ຄົນ ​ແລະ ສານ​ຕັດສິນ​ແລ້ວ 14​ ຄົນ​. ເພື່ອ​​ແນ​ໃສ່​ສະກັດ​ກັ້ນການ​ສໍ້​ລາດ​ບັງຫລວງ, ​ໄດ້ອອກ​ມະຕິ​ວ່າ​ດ້ວຍ​ວຽກງານ​ຄຸ້ມ​ຄອງ​ທີ່​ດິນ, ຄຳ​ສັ່ງວ່າ​ດ້ວ​ຍການ​ປະ​ຢັ​ດລາຍ​ຈ່າ​ຍງົບປະມານ, ດຳລັດວ່າ​ດ້ວຍ​ການ​ຄຸ້ມ​ຄອ​ງລົດ​ປະ​ຈຳ​ຕຳ​ແໜ່ງ,​ ຂໍ້​ຫ້າມ ​ແລະ ວິ​ໄນຂອງ​ພະນັກງານ​ການ​ເງິ​ນ,​ ປັບປຸງ​ບົດ​ແນະນຳ​ການ​ແ​ຈ້ງຊັບ​ສິນ,​ ​ໄດ້​ຫັນ​ເອົາ​ຍຸດ​ທະ​ສາດຕ້ານການ​ສໍ້​ລາດ​ບັງຫລວງເຂົ້າ​ໃນ​ຫລັກສູດການ​ຮຽນ-ການ​ສອນຊັ້ນ​ອານຸບານ, ປະຖົມ, ມັດ​ທະ​ຍົມ​ຕອນຕົ້ນ, ຕອນ​ປາຍ ​ແລະ ນິຕິ​ກຳ​ອື່ນໆ.

- WhatsApp Image 2020 05 27 at 5 - ແຂວງ​ຈຳປາ​ສັກພ້ອມລົງ​ວິ​ໄນ​ພະນັກງານ​ 33 ຄົນ​ທີ່ສໍ້​ລາດ​ບັງ​ຫລວງ
- WhatsApp Image 2020 05 27 at 5 - ແຂວງ​ຈຳປາ​ສັກພ້ອມລົງ​ວິ​ໄນ​ພະນັກງານ​ 33 ຄົນ​ທີ່ສໍ້​ລາດ​ບັງ​ຫລວງ
error: Alert: ເນື້ອຫາຂ່າວມີລິຂະສິດ !!