ເຮັດເຂົ້າຕົ້ມຂາຍກໍມີລາຍໄດ້ດີ

- Untitled design - ເຮັດເຂົ້າຕົ້ມຂາຍກໍມີລາຍໄດ້ດີ

- TL4 168x300 - ເຮັດເຂົ້າຕົ້ມຂາຍກໍມີລາຍໄດ້ດີ

ເມື່ອເວົ້າເຖິງເຂົ້າຕົ້ມແລ້ວ, ຄົນເຮົາເຈົ້າຂ້ອຍກໍຄົງຮູ້ຈັກກັນດີ ແລະ ເຄີຍໄດ້ຊິມລົດຊາດມາ ຕະຫຼອດ ເຊິ່ງຄົນ ສ່ວນໃຫຍ່ແມ່ນ ມັກຫໍ່ເຂົ້າຕົ້ມໃສ່ໝາກກ້ວຍ, ຖົ່ວດໍາ ແລະ ຫໍ່ແຕ່ເຂົ້າສົດໆເພື່ອ ເອົາໄວ້ໃສ່ບາດ ໃນງານບຸນປະ ເພນີຕ່າງໆ ຫຼືງານບາສີສູ່ຂວັນ, ງານສູດຂວັນເຂົ້າ, ງານຂຶ້ນເຮືອນໃໝ່…..ແຕ່ກໍຍ້ອນສັງຄົມໄດ້ມີການຂະຫຍາຍ ຕົວ ແລະ ພັດທະນາຈະເລີນກ້າວໜ້າຈຶ່ງເຮັດໃຫ້ການຫໍ່ເຂົ້າຕົ້ມມີຫຼາຍຮູບແບບ, ຫຼາຍສີສັນ ແລະ ຫຼາຍຊະນິດໄປ ຕາມຍຸກຕາມສະໄໝ ແລະ ກໍໄດ້ສືບທອດກັນມາຈົນຮອດປັດຈຸບັນ ແລະ ໄດ້ກາຍເປັນສິນ ຄ້າອັນດັບດີ ສາມາດສ້າງລາຍຮັບມາສູ່ຄອບຄົວຢ່າງໜ້າເພິງພໍໃຈ.

ຄອບຄົວຂອງແມ່ທອງສຸກຢູ່ບ້ານສີໄຄທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນກໍແມ່ນຄອບຄົວ ໜຶ່ງທີ່ໄດ້ຫັນເອົາການຫໍ່ເຂົ້າຕົ້ມເປັນອາຊີບເຊິ່ງເພິ່ນໄດ້ໃຫ້ຮູ້ວ່າ: ແຕ່ກ່ອນການຫໍ່ເຂົ້າຕົ້ມແມ່ນເຮັດສະເພາະ ຮັບໃຊ້ຄອບຄົວໃນເວລາມີງານບຸນຕ່າງໆເທົ່ານັ້ນ, ແຕ່ບໍ່ໄດ້ເຮັດຂາຍຂາຍພຽງແຕ່ປະເພດ ເຄື່ອງແຫ້ງທົ່ວໄປ ຢູ່ເຮືອນພໍແຕ່ໄດ້ຢູ່ໄດ້ກິນ ໃນແຕ່ລະມື້ລະວັນ ແຕ່ບໍ່ສາມາດເກັບກໍາເງິນແຮໄວ້ໄດ້ພໍເທົ່າໃດ ຈຶ່ງເກີດມີແນວ ຄິດຢາກປ່ຽນ ອາຊີບແບບໃໝ່. ຕົນຈຶ່ງເກີດມີ ແນວຄິດລິເລີ່ມຢາກເຮັດອາຊີບຫໍ່ເຂົ້າຕົ້ມຂາຍ ແລະ ໄດ້ປຶກ ສາກັບຄອບຄົວ, ຫຼັງຈາກທີ່ຕົກ ລົງກັນແລ້ວ ຈຶ່ງໄດ້ພ້ອມກັນຫັນ ມາທົດ ລອງເຮັດເລີຍ ໂດຍໄດ້ລົງທຶນຊື້ເຂົ້າ ໜຽວໜຶ່ງໝື່ນ, ໃບຕອງກ້ວຍ, ຊີ້ນໝູ, ຖົ່ວເຫຼືອງ, ຫອມບົ່ວ, ພິກໄທ, ເກືອ ແລະ ນໍ້າ ຕານຢ່າງລະໜ້ອຍເພື່ອ ໃຫ້ພໍດີກັບເຂົ້າໜຶ່ງໝື່ນເຮັດທຸກມື້ ແລ້ວເອົາໄປຂາຍຢູ່ຕາມຕະຫຼາດແຫ່ງຕ່າງໆ ເພື່ອຊອກຫາລູກຄ້າ ແລະ ຂາປະຈໍາ, ເຫຼືອນັ້ນແມ່ນຂາຍຢູ່ກັບເຮືອນ. ການເຮັດທົດລອງຂາຍເຂົ້າຕົ້ມດໍາເນີນມາໄດ້ປະມານ 1 ປີເຫັນ ວ່າດໍາເນີນໄປໄດ້ດີ ແລະ ເລີ່ມມີລູກຄ້າ ແລະ ຂາປະຈໍາຫຼາຍຂຶ້ນເລື້ອຍໆ ຈຶ່ງໄດ້ຫໍ່ເຂົ້າຕົ້ມເພີ່ມຂຶ້ນຕື່ມອີກ.

- T6 300x168 - ເຮັດເຂົ້າຕົ້ມຂາຍກໍມີລາຍໄດ້ດີ

ແມ່ທອງສຸກ ໃຫ້ຮູ້ວ່າ: ມາ ຮອດປັດຈຸບັນ ແມ່ນໄດ້ 10 ກວ່າ ປີແລ້ວໃນການຢຶດຖືເອົາອາຊີບຫໍ່ເຂົ້າຕົ້ມຂາຍ ແລະ ກໍໄດ້ເພີ່ມ ຈໍາ ນວນເຂົ້າຕົ້ມຂຶ້ນຕື່ມ ໂດຍໄດ້ລົງ ທຶນຊື້ເຂົ້າໜຽວມື້ລະປະມານ 2-3ໝື່ນ,  ບາງມື້ຖ້າມີລູກຄ້າ ສັ່ງຈອງ ຫຼາຍກໍຕ້ອງໄດ້ຊື້ເຂົ້າມາຫໍ່ຫຼາຍ ເຖິງ6-7ໝື່ນ, ສ່ວນເຄື່ອງປະກອບອື່ນໆ ເປັນຕົ້ນ: ໃບຕອງ, ຊີ້ນໝູ, ຖົ່ວເຫຼືອງ, ຫອມບົ່ວ, ພິກໄທ, ເກືອ ແລະ ນໍ້າຕານກໍໄດ້ຊື້ ເພີ່ມຂຶ້ນຕາມອັດຕາສ່ວນຂອງ ເຂົ້າຕົ້ມເຊັ່ນດຽວ ກັນຄິດສະເລ່ຍແລ້ວ ລົງທຶນທັງໝົດປະມານ 1-1,5 ລ້ານກີບຕໍ່ມື້, ສາມາດສ້າງລາຍຮັບກໍາໄລ ມາສູ່ຄອບຄົວ ປະມານ 700.000-1ລ້ານກີບ/ມື້. ເຂົ້າຕົ້ມທີ່ພວກເຮົາຫໍ່ ແມ່ນມີຫຼາຍຊະນິດ ແລະ ຫຼາຍຮູບແບບເປັນຕົ້ນ: ເຂົ້າຕົ້ມພັດ, ເຂົ້າຕົ້ມໝູ, ເຂົ້າໜົມແໜບ, ເຂົ້າ ໜົມທຽນ ແລະ ເຂົ້າຕົ້ມປ່ານ, ສ່ວນສະຖານທີ່ຂາຍນອກ ຈາກ ຢູ່ເຮືອນ ແລະ ຕະຫຼາດແລ້ວ, ແມ່ນໄດ້ຫໍ່ສົ່ງໃຫ້ລູກຄ້າຢູ່ຕາມງານລ້ຽງ-ງານສ້າງສັນຕ່າງໆ. ອີກຢ່າງໜຶ່ງ, ການທີ່ມີອາຊີບຫໍ່ເຂົ້າຕົ້ມຂາຍນີ້ພວກເຮົາໄດ້ເອົາໃຈໃສ່ເປັນພິເສດທາງດ້ານຄວາມສະອາດ, ຄວາມແຊບ, ການຫຸ້ມຫໍ່ທີ່ງົດງາມອັນມີຮູບແບບເປັນເອກະລັກ ສະເພາະ ແລະ ການບໍລິການທີ່ດີ, ຍິນດີນໍາສົ່ງເຖິງສະຖານ ທີ່ງານ ຕ່າງໆຕາມລູກຄ້າສັ່ງຈອງ. ຈາກເຫດຜົນທີ່ກ່າວມານັ້ນ, ຈຶ່ງເຮັດ ໃຫ້ກິດຈະການຫໍ່ເຂົ້າຕົ້ມຂາຍດໍາເນີນ ໄປໄດ້ດີຈົນມາຮອດປັດຈຸບັນ, ສາມາດສ້າງລາຍຮັບມາສູ່ຄອບຄົວຢ່າງໜ້າ ເພິ່ງພໍໃຈ, ເຮັດໃຫ້ຊີວິດການເປັນ ຢູ່ຂອງຄອບຄົວດີຂຶ້ນກວ່າແຕ່ ກ່ອນຫຼາຍ ແລະ ໃນອະນາຄົດນີ້ ກໍຈະໄດ້ຖ່າຍທອດໃຫ້ລູກຫຼານ ໄດ້ສືບຕໍ່ເຮັດເປັນ ອາຊີບເສີມເພື່ອລ້ຽງຄອບຄົວ.

- Wave100S AD to Website 2020 0 - ເຮັດເຂົ້າຕົ້ມຂາຍກໍມີລາຍໄດ້ດີ

- TL1 1 168x300 - ເຮັດເຂົ້າຕົ້ມຂາຍກໍມີລາຍໄດ້ດີ

ອາຊີບຫໍ່ເຂົ້າຕົ້ມຂາຍເປັນທຸລະກິດແບບຄອບຄົວ ເຊິ່ງແມ່ ທອງສຸກພ້ອມຄອບຄົວໄດ້ພ້ອມກັນສູ້ຊີວິດກັນມາ ດ້ວຍຄວາມມານະອົດທົນ ແລະ  ການປະກອບສ່ວນຈາກຢາດເຫື່ອແຮງງານຂອງພວກລູກໆທັງ 5 ທີ່ ເປັນແກ້ວ ຕາດວງໃຈສາມາດເອົາຊະນະສິ່ງທ້າທາຍໄດ້ທຸກຢ່າງ ແລະ ນໍາພາຄອບຄົວຫຼຸດພົ້ນຈາກຄວາມທຸກຍາກ ເທື່ອລະກ້າວ.

- TL5 4 300x168 - ເຮັດເຂົ້າຕົ້ມຂາຍກໍມີລາຍໄດ້ດີ

- WhatsApp Image 2020 05 27 at 5 - ເຮັດເຂົ້າຕົ້ມຂາຍກໍມີລາຍໄດ້ດີ
- WhatsApp Image 2020 05 27 at 5 - ເຮັດເຂົ້າຕົ້ມຂາຍກໍມີລາຍໄດ້ດີ
error: Alert: ເນື້ອຫາຂ່າວມີລິຂະສິດ !!