ລະວັງພະຍາດໄຂ້ເລືອດອອກໃນຍາມອາກາດປ່ຽນ

- 050905 2018 -  ລະວັງພະຍາດໄຂ້ເລືອດອອກໃນຍາມອາກາດປ່ຽນ
- Untitled design -  ລະວັງພະຍາດໄຂ້ເລືອດອອກໃນຍາມອາກາດປ່ຽນ

ເນື່ອງຈາກສະພາບອາກາດປ່ຽນແປງ ມີທັງຮ້ອນ, ຝົນ ແລະ ໜາວໃນໄລຍະເວລາດຽວກັນ ພະຍາດໄຂ້ເລືອດອອກທີ່ເກີດຈາກເຊື້ອໄວຣັສແດັງກີ (Dengue) ເຊິ່ງມີທັງໝົດ 4 ສາຍພັນ ຈຶ່ງເປັນພາຫະນຳເຊື້ອພະຍາດຄືຍຸງລາຍ ມາແຜ່ພັນຕະຫລອດປີ, ແຕ່ພົບຫລາຍໃນຍາມຝົນຕາມການຂະຫຍາຍພັນຂອງຍຸງລາຍ.

– ອາການຂອງພະຍາດໄຂ້ເລືອດອອກ ອາການທີ່ສຳຄັນແບ່ງອອກເປັນ 3 ໄລຍະ ຄື  :

  1. ໄລຍະໄຂ້ ເຊິ່ງຄົນປ່ວຍຈະມີໄຂ້ສູງເກືອບຕະຫລອດເວລາ, ເບື່ອອາຫານ, ວິນຫົວປວດຮາກ, ເຈັບທ້ອງ, ມັກມີໜ້າແດງ ແລະ ອາດມີຕຸ່ມຜື່ນ ຫລື ຈຸດເລືອດອອກຕາມຕົນໂຕ, ແຂນ, ຂາ ເຊິ່ງໄລຍະນີ້ຈະເປັນຢູ່ປະມານ 2 – 7 ມື້.
  2. ໄລຍະຊ໊ອກ ໄຂ້ຈະເລີ່ມຫລຸດລົງ, ເຊື່ອງຊຶງ, ເຫື່ອອອກ, ມື – ຕີນເຢັນ, ກຳມະຈອນເຕັ້ນຄ່ອຍ, ແຕ່ໄວ. ກໍລະນີຮຸນແຮງຈະມີຄວາມດັນເລືອດຕໍ່າ, ຊ໊ອກ ແລະ ອາດເສຍຊີວິດໄດ້ ໄລຍະນີ້ກິນເວລາ 24 – 48 ຊົ່ວໂມງ.
  3. ໄລຍະພັກຟື້ນ ອາການຕ່າງໆຈະເລີ່ມດີຂຶ້ນ ຜູ້ປ່ວຍຮູ້ສຶກຢາກກິນອາຫານ, ຄວາມດັນເລືອດສູງຂຶ້ນ, ກຳມະຈອນເຕັ້ນແຮງຂຶ້ນ ແລະ ຊ້າລົງ, ຍ່ຽວຫລາຍຂຶ້ນ ອາດມີຕຸ່ມຜື່ນແດງ ແລະ ມີຈຸດເລືອດອອກຕາມຕົນໂຕ ທັງນີ້ຍັງບໍ່ມີວິທີການປິ່ນປົວພະຍາດໄຂ້ເລືອດອອກໂດຍກົງ ການປິ່ນປົວມີພຽງປິ່ນປົວໄປຕາມອາການ ແລະ ເຝົ້າລະວັງອາການຊ໊ອກ ແລະ ເລືອດອອກການໃຫ້ ສານນຳ້ຢ່າງເໝາະສົມຈະຊ່ວຍປ້ອງກັນການເສຍຊີວິດຂອງຜູ້ປ່ວຍໄດ້ ລໍຖ້າການດຳເນີນຂອງພະຍາດຈົນກ່ວາຜູ້ປ່ວຍຈະຟື້ນໂຕ ແລະ ການເຊົາໄດ້ເອງ.

ແນວໃດກໍຕາມ, ຫາກມີອາການເຫລົ່ານີ້ໃຫ້ຟ້າວໄປໂຮງໝໍໂດຍໄວ.

- Wave100S AD to Website 2020 0 -  ລະວັງພະຍາດໄຂ້ເລືອດອອກໃນຍາມອາກາດປ່ຽນ

– ສຳລັບການປ້ອງກັນນັ້ນສິ່ງສຳຄັນແມ່ນການຕັດວົງຈອນການລະບາດຂອງພະຍາດໄຂ້ເລືອດອອກດ້ວຍການທຳລາຍຍຸງລາຍ ເຊິ່ງເປັນພາຫະຂອງພະຍາດ ໄດ້ແກ່ :

  1. ຄວບຄຸມແຫລ່ງເພາະພັນຍຸງ, ກວດເບິ່ງບໍລິເວນອ້ອມແອ້ມເຮືອນຢ່າໃຫ້ມີນຳ້ຂັງໃຫ້ຍຸງມາໄຂ່ໃສ່.
  2. ປ້ອງກັນບໍ່ໃຫ້ຍຸງກັດ ໂດຍການນອນກາງມຸ້ງ, ນຸ່ງເສື້ອແຂນຍາວ, ໂສ້ງຂາຍາວ, ໃຊ້ຢາກັນຍຸງ.
  3. ທຳລາຍຍຸງ ແລະ ໜອນນຳ້ ໂດຍການໃຊ້ສານເຄມີສີດພົ່ນຍຸງລາຍ.

ທັງນີ້ສະຖານະການພະຍາດໄຂ້ເລືອດອອກໃນລາວເຮົາພົບວ່າ ຍັງມີຜູ້ປ່ວຍເປັນຈຳນວນຫລາຍທີ່ຍັງນອນຮັບການປິ່ນປົວຢູ່ໂຮງໝໍ. ສະນັ້ນ ທຸກຄົນຄວນລະວັງ ແລະ ເອົາໃຈໃສ່ປ້ອງກັນລູກຫລານ ກໍຄືຄົນໃນຄອບຄົວ ລວມທັງໂຕທ່ານເອງຢ່າໃຫ້ຍຸງກັດ.

- WhatsApp Image 2020 05 27 at 5 -  ລະວັງພະຍາດໄຂ້ເລືອດອອກໃນຍາມອາກາດປ່ຽນ
- WhatsApp Image 2020 05 27 at 5 -  ລະວັງພະຍາດໄຂ້ເລືອດອອກໃນຍາມອາກາດປ່ຽນ
error: Alert: ເນື້ອຫາຂ່າວມີລິຂະສິດ !!