ທ່ານ ທຣຳ ປະກາດຖອນຕົວອອກຈາກ ຂໍ້ຕົກລົງດ້ານນິວເຄຼຍກັບອີຣານ

- 4BFC679400000578 5705517 image a 18 1525803705682 - ທ່ານ ທຣຳ ປະກາດຖອນຕົວອອກຈາກ ຂໍ້ຕົກລົງດ້ານນິວເຄຼຍກັບອີຣານ
- Untitled design - ທ່ານ ທຣຳ ປະກາດຖອນຕົວອອກຈາກ ຂໍ້ຕົກລົງດ້ານນິວເຄຼຍກັບອີຣານ

ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ປະກາດ​ໃນ​ວັນ​ທີ 8 ພຶດສະພາ​ວ່າ: ອາ​ເມ​ລິ​ກາ​ຈະ​ຖອນ​ຕົວ​ອອກ​ຈາກ​ຂໍ້​ຕົກລົງ​ລະຫວ່າງ​ປະ​ເທດ​ທີ່​ມີ​ເປົ້າໝາຍ​ໃນ​ການ​ຄວບ​ຄຸມ​ໂຄງການ​ນິວ​ເຄຼຍຂອງ​ອີຣານ ​ໂດຍ​ບໍ່​ຟັງສຽງທັກ​ທ້ວງ​ຈາກ​ປະ​ເທດ​ພັນທະ​ມິດ​ໃນ​ເອີຣົບ.

- Wave100S AD to Website 2020 0 - ທ່ານ ທຣຳ ປະກາດຖອນຕົວອອກຈາກ ຂໍ້ຕົກລົງດ້ານນິວເຄຼຍກັບອີຣານ

ປະທານາທິບໍດີ ທຣຳ ກ່າວ​ປາ​ໄສ​ທາງ​ໂທລະພາບ​ຈາກ​ທຳນຽບຂາວ​ວ່າ: ທ່ານ​ຈະ​ນຳ​ເອົາ​ມາດ​ຕະການ​ລົງ​ໂທດ​ທາງ​ເສດຖະກິດ​ຕໍ່​ອີຣານກັບ​ມາ​ໃຊ້. ພ້ອມ​ລະບຸ​ວ່າ: ຂໍ້​ຕົກລົງ​ດັ່ງກ່າວ​ເປັນ​ຂໍ້​ຕົກລົງ​ທີ່​ເປັນ​ປະ​ໂຫຍ​ດ​ແຕ່​ພຽງ​ຝ່າຍ​ດຽວ​ທີ່​ບໍ່​ຄວນ​ຈະ​ເກີດ​ຂຶ້ນ, ຂໍ້​ຕົກລົງ​ນິວ​ເຄຼຍກັບ​ອີຣານສະບັບ​ປີ 2015 ນີ້ ມີ​ອາ​ເມ​ລິ​ກາ ​ແລະ ອີກ 5 ປະ​ເທດ​ມະຫາ​ອຳນາດ ​ແລະ ອີຣານ​ເປັນ​ຜູ້​ຮ່ວມ​ເຈລະຈາ ​ໂດຍ​ຕາມ​ຂໍ້ຕົກລົງ​ນີ້​ຈະ​ຍົກ​ເລີກ​ມາດ​ຕະການ​ລົງ​ໂທດ​ອີຣານ​ ​ເພື່ອ​ແລກປ່ຽນ​ກັບ​ການ​ທີ່​ອີຣານຈະ​ຈຳກັດ​ໂຄງການ​ນິວ​ເຄຼຍ ​ເຊິ່ງຂໍ້​ຕົກລົງ​ສະບັບ​ນີ້​ມີ​ເປົ້າໝາຍ​ທີ່​ຈະ​ປ້ອງ​ກັນ​ບໍ່​ໃຫ້​ອີຣານຄອບ​ຄອງ​ລະ​ເບີດ​ນິວ​ເຄຼຍ, ​ແຕ່​ທ່ານ ທຣຳ ບໍ່​ເຫັນ​ພ້ອມ​ກັບ​ຂໍ້​ຕົກລົງ​ນີ້ ​ເຊິ່ງ​ເປັນ​ຜົນງານ​ດ້ານ​ຕ່າງປະ​ເທດ​ອັນ​ໜຶ່ງ​ຂອງ​ປະທານາທິບໍດີ ບາຣັກ ​ໂອ​ບາ​ມາ. ທ່ານ ທຣຳ ກ່າວ​ວ່າ: ຂໍ້​ຕົກລົງ​ບໍ່​ຕອບ​ໂຈດ​ໃນ​ການ​ແກ້​ໄຂ​ບັນຫາ​ໂຄງການ​ລູກ​ສອນ​ໄຟ​ຂອງ​ອີຣານ, ກິດຈະກຳ​ດ້ານ​ນິວ​ເຄຼຍຂອງ​ອີຣານຫລັງ​ປີ 2025 ​ແລະ ບົດບາດ​ຂອງ​ອີຣານ​ໃນ​ຄວາມ​ຂັດ​ແຍ່ງ​ຢູ່​ເຢ​ເມນ ​ແລະ ຊີຣີ. ການ​ຕັດສິນ​ໃຈ​ຂອງ​ທ່ານ ທຣຳ ​ໃນ​ຄັ້ງນີ້​ເຮັດ​ໃຫ້​ການ​ພົວພັນ​ກັບປະ​ເທດ​ເອີຣົບ​ເຄັ່ງ​ຕຶງ​ຂຶ້ນ ​ເນື່ອງ​ຈາກ​ຜູ້ນຳ​ເອີຣົບຫລາຍ​ປະ​ເທດ​ເດີນທາງ​ມາ​ຢ້ຽມຢາມ​ອາ​ເມ​ລິ​ກາ ​ແລະ ​ເນັ້ນຮຽກຮ້ອງ​ໃຫ້​ອາ​ເມ​ລິ​ກາ​ຢ່າ​ຖອນ​ຕົວ​ຈາກ​ຂໍ້​ຕົກລົງ​ນີ້. ລັດຖະບານ​ຂອງ​ທ່ານ ທຣຳ ​ເປີດ​ທາງ​ໃຫ້​ມີ​ການ​ເຈລະຈາ​ສຳລັບ​ຂໍ້​ຕົກລົງ​ສະບັບ​ໃໝ່, ​ແຕ່​ຍັງ​ບໍ່​ແນ່ນອນ​ວ່າ: ປະ​ເທດ​ພັນທະ​ມິດ​ໃນ​ເອີຣົບຈະ​ເຫັນ​ພ້ອມ ຫລື ບໍ່ ​ແລະ ຈະ​ສາມາດ​ຊັກ​ຊວນ​ໃຫ້​ອີຣານຍອມຮັບ​ຂໍ້​ຕົກລົງ​ໃໝ່​ໄດ້ ຫລື ບໍ່.

- WhatsApp Image 2020 05 27 at 5 - ທ່ານ ທຣຳ ປະກາດຖອນຕົວອອກຈາກ ຂໍ້ຕົກລົງດ້ານນິວເຄຼຍກັບອີຣານ
- WhatsApp Image 2020 05 27 at 5 - ທ່ານ ທຣຳ ປະກາດຖອນຕົວອອກຈາກ ຂໍ້ຕົກລົງດ້ານນິວເຄຼຍກັບອີຣານ
error: Alert: ເນື້ອຫາຂ່າວມີລິຂະສິດ !!