ຢາອຳມະຫິດ ຕິດແລ້ວວອດວາຍ

- Untitled design - ຢາອຳມະຫິດ ຕິດແລ້ວວອດວາຍ

ໂດຍ: ມຶກບໍ່ແຫ້ງ

ຄຳວ່າ “ຢາ” ແມ່ນຊື່ຂອງສິ່ງທີ່ສາມາດປົວພະຍາດບາດເຍົາໄດ້ ແຕ່ຄຳວ່າ “ຢາເສບຕິດ” ແມ່ນສິ່ງທີ່ຜິດກົດໝາຍ ແລະບໍ່ສະເພາະເສບ ຫຼືກິນແລ້ວຕິດອົກຕິດໃຈເຊົາບໍ່ເປັນເທົ່ານັ້ນ ແຕ່ຍັງເຮັດໃຫ້ຊີວິດຕົນເອງຕໍ່າຕ້ອຍລົງ, ຄອບຄົວ ແລະຄົນອ້ອມຂ້າງເສົ້າໝອງ, ດັ່ງນັ້ນ ມັນບໍ່ຜິດດອກທີ່ຈະຮ້ອງຢາຊະນິດນີ້ວ່າ “ຢາອຳມະຫິດ ມີພິດຮ້າຍແຮງ”.

ໃນໄລຍະພັກບຸນປີໃໝ່ລາວ ຜູ້ຂຽນມີໂອກາດໄດ້ໄປຢ້ຽມຢາມພີ່ນ້ອງຢູ່ແຂວງໜຶ່ງ ທາງພາກເໜືອຂອງ ສປປລາວ, ແທນທີ່ຈະແມ່ນເວລາສຳລານໃຈ ໃນການສະເຫຼີມ ສະຫຼອງບຸນທີ່ມີຄວາມມ່ວນຊື່ນເລີງ ແຕ່ມັນບໍ່ແມ່ນ ເປັນຈັ່ງຄິດ ເມື່ອມີແນວມາອັດອັ້ນຕັນໃຈທີ່ວ່າ ມີພີ່ນ້ອງຫຼາຍຄົນ ຕິດຢາເສບຕິດ (ຢາມ້າ) ເຖິງຂັ້ນເຂົ້າຄຸກກໍມີ.

ຜົນຈາກການຕິດຢາເສບຕິດນີ້ ໄດ້ນຳມາເຊິ່ງການໄລ່ຕີພໍ່ແມ່ຜູ້ບັງເກີດເກົ້າ ເພື່ອຢາກໄດ້ເງິນໄປ ຊື້ຢາມາເສບ, ອີກຜູ້ໜຶ່ງກໍເປັນເຖິງຂັ້ນພະນັກງານລັດ ເມື່ອຄ້າຂາຍເສບຕິດ ແລະຕິດຢາເສບຕິດ ນີ້ແລ້ວ ກໍຖືກເຈົ້າໜ້າທີ່ກັກຕົວ ຈັບກຸມເຂົ້າຄຸກ, ປົດຈາກເປັນພະນັກງານລັດ ເສຍອະນາຄົດ ທັງເຮັດໃຫ້ລູກເມຍ, ຜູ້ເປັນພໍ່ແມ່ໂສກເສົ້າງ່ວມເຫງົາ, ຍັງມີອີກຄົນໜຶ່ງນັ້ນ ຍ້ອນພິດຢາເສບຕິດ ຈຶ່ງເຮັດໃຫ້ລາວຈ່ອຍຜອມ ແລະມີການຜິດຖຽງກັບຄອບຄົວຈົນເຖິງຂັ້ນຢ່າຮ້າງ ສ້າງຄວາມ ເດືອດຮ້ອນຕໍ່ຄອບຄົວ ແລະສັງຄົມ. ນອກຈາກສາມກໍລະນີນີ້ ພວກເຮົາມັກໄດ້ຍິນຂ່າວອັນບໍ່ໜ້າ ພາກພູມໃຈຄື ຄົນຕິດຢາມ້າ ຂ້າພໍ່ແມ່, ຂົ່ມຂືນ, ຂີ້ລັກງັດແງະ ແລະອື່ນໆຕື່ມອີກ.

ເປັນສິ່ງຈະແຈ້ງວ່າ ຢາເສບຕິດແມ່ນຕິດພັນກັບການສ້າງປາກົດການຫຍໍ້ທໍ້ໃນສັງຄົມຕ່າງໆນາໆ, ບໍ່ສະເພາະແຕ່ແຂວງໃດແຂວງໜຶ່ງ ຢາເສບຕິດມີທົ່ວທຸກເຂດແຂວງ, ຢາເສບຕິດກໍບໍ່ແມ່ນເລື່ອງ ໃໝ່ອ່ຽມຈັກໜ້ອຍ ແຕ່ມັນຍັງເປັນໄພຂົ່ມຂູ່ຕໍ່ຄວາມສະຫງົບສຸກໃນສັງຄົມເຮົາ, ແລ້ວເຮົາຈະ ເຮັດແນວໃດໃຫ້ຢາເສບຕິດໜີຫ່າງຈາກຄົນໃນເຮືອນ, ພີ່ນ້ອງ ກໍຄືສັງຄົມເຮົາ?​

- Wave100S AD to Website 2020 0 - ຢາອຳມະຫິດ ຕິດແລ້ວວອດວາຍ

ພວກເຮົາມີກົດໝາຍຕ້ານຢາເສບຕິດ ແລະອາຊະຍາກຳ ເຊິ່ງຊີ້ບອກຂໍ້ຫ້າມ, ການໃສ່ໂທດ ແລະອື່ນໆຢ່າງ ຈະແຈ້ງ, ນອກນັ້ນ ຜ່ານມາລັດຖະບານເຮົາກໍໄດ້ພະ ຍາຍາມປາບປາມ ຢາເສບຕິດຈິງຈັງ ໂດຍຈັບກຸມພໍ່ຄ້າຢາເສບຕິດຫົວໂປ່ຫຼາຍຄົນມາດຳເນີນຄະດີ ແຕ່ນັ້ນມັນຍັງ ບໍ່ພຽງພໍທີ່ຈະເຮັດໃຫ້ລູກຫຼານ ຍາດຕິພີ່ນ້ອງເຮົາ ປອດຈາກຢາເສບຕິດ.

ອົງການສະຫະປະຊາຊາດ ເພື່ອຕ້ານຢາເສບຕິດ ແລະອາຊະຍາກຳ(UNODC) ເວົ້າວ່າ ການປາບປາມຢາເສບຕິດ ທີ່ຈະໄດ້ຮັບຜົນດີ ຕ້ອງເນັ້ນໜັກ “ການຮ່ວມມື” ລະຫວ່າງປະເທດ, ມີນິຕິກຳທີ່ເຂັ້ມງວດກວດຂັນໃນລະດັບຊາດ ທີ່ພ້ອມຈະປັບໃໝໃສ່ໂທດຢ່າງໜັກຕໍ່ຜູ້ກ່ຽວຂ້ອງກັບ ຢາເສບຕິດ ຄຽງຄູ່ກັບການກຳຈັດການສໍ້ລາດບັງຫຼວງ ທີ່ເປັນຊ່ອງວ່າງແກ່ການຂະຫຍາຍເຄືອ ຂ່າຍຂອງຢາເສບຕິດ, ແລະພ້ອມນີ້ ສິ່ງສຳຄັນພວກເຮົາເຈົ້າຂ້ອຍນີ້ລະຈົ່ງມີສະຕິສະເໝີວ່າ ຢາເສບຕິດແມ່ນພິດໄພທີ່ພວກເຮົາບໍ່ຄວນລອງ, ບໍ່ຄ້າຂາຍເຊິ່ງມັນເປັນເພັດຊະຄາດມາ ກວາດລ້າງເອົາຊັບສົມບັດທີ່ມີຄ່າຂອງຄວາມເປັນຄົນພວກເຮົາໄປ.

 

 

- WhatsApp Image 2020 05 27 at 5 - ຢາອຳມະຫິດ ຕິດແລ້ວວອດວາຍ
- WhatsApp Image 2020 05 27 at 5 - ຢາອຳມະຫິດ ຕິດແລ້ວວອດວາຍ
error: Alert: ເນື້ອຫາຂ່າວມີລິຂະສິດ !!